ادارة اعمال دوليه مع خديجه ضباب مشاريع صغيرة مع بثينة جمجوم

[roza55]

السلام عليكم ورحمة الله وبركاته,,

كيفكم بنوتات ان شاء الله بخير
حبيت اعمل دا الموضوع ونتعاون فيه
وننفع في زميلاتنا الي مايقدرو يحضرو الدورات
وانا ان شاء الله اول ما احصل على اي معلومة تخص هادي المادتين راح انفعكم فيها

تقبلو مني خالص تحياتي,,

[roza55]

بالنسبة لمشاريع صغيرة د. بثينة جمجوم عندها سلايدات بتشرح منها ولكن تقول المذاكرة من الكتاب لانه اشمل

[roza55]

اما ادارة الاعمال الدولية مع د.خديجة ضباب نفس الشي سلايدات ولكنها مصررررة على الكتاااااب....
ولكن مع اقتناعي التام بانو الاختبار ماراح يخرج من السلايدات ,, اش رايكم ؟؟

[ام سطام]

مرحبا وهذا اللي انا فهمته انه بكل المادتين يعتمدوا ع السلايدات وعني انا بذاكر منها إن شاء الله. موفقين

[h@deel]

السلام عليكم ورحمة الله وبركاته

عزيزتي انا معاك في ادارة مشاريع مع بثينه

حابه اسال ايت افضل مع بثينه او خديجه ضباب

تاني شي انا ماحضرت الدورات وحابه اعرف نذاكر من السلايدات او الكتاب وايش الاشيا المهمه اللي ذكرتها في المحاضره

تالت شي ابغا اعرف اسم الكتاب والمولف و ياريت من غير امر عليك تنزلي السلايدات

الله يسعدك ويوفقك يارب

[roza55]

حبيباتي شكرا لكل الي اتفاعل معايا في الموضوع
اختي هديل انا ماقد جربت د. خديجة هادا اول سمستر اخد معاها مادة ادارة اعمال دوليه بس الكل يمدح فيها ماشاءالله اما الدكتورة بثينة في مادة المشاريع الصغيرة بتشرح كل الي في السلايدات لكنها مررة مابتجيب سيرة عن الاشياء المهمة
سرت مابحضر فوت للان محاضرتين والله يسهلها ان شاءالله

[roza55]

ام سطام اهلين فيكي ...
حبيبتي ازا عرفتي تنزلي السلايدات اتمنى تنزليها عندنا في الموضوع وشكرا على مرورك..

[memoooo.]

صباااح الخير

بنات انا اخدتها ماده حره مع دكتوره شذى عزي

وقالتلنا داكروا من السلايدات تلاقوه في موقع دكتوره

بثينه بس دحين لما جلست اقارن بين البور تبع المحاضره

والبور تبع دكتوره بثينه لقيت انه مختلفين.. :(

ياليت احد يفيدني في دا الموضوع .

[h@deel]

هدوووووووووووء

ياجمااعه ساعدونا مين عنده خلفيه

الله يوفقكم ويسعدكم

[roza55]

حبيباتي انا زيكم صورت في البداية ملخص شذا كتير بنات مدحو في ولكن المفاجأة وانا في المحاضرة اقارن مرررررررة مختلف عن السلايدات