بخصوص البطاقه الجامعيه ياطالبات السنه التحضيريه خطه أ

[انا والقمر جيران]

السلام عليكم ورحمه الله وبركاته

بنات انا للحين مااستلمت البطاقه الجامعيه فيه احد مثلي واذا اسلمتو البطاقه ابي الخطوات اللي اراجع فيها الجامعه بخصوصها وياليت يابنات اللي تروح الجامعه تفيدنا لاني من مكه

انتظر ردودكم ومشكورات

[حسان السراقبي]

وعليكم السلام ورحمة الله وبركاته

أنتي جتك رساله أنو تم قبولك في الجامعة , وأرسلو رقمك الجامعي؟

إذا تم الشيء هذا

راجعي مكتب الـ dhl يالي أرسلتي منو أوراقك , وشوفي لو جاكي شيء علشان أيام ما يفيدو الطالب بإرسال أوراقه

تحياتي

[r8ona]

-

الله يعينك انزلي جده وراجعي الجامعه عشان يطلعولك هيا

[اميرة جده*]

ياقمر الحقيييييييييي

روحي للجامعه

تررا مره تاخرتي روحي الجامعه واستفسري

ويمكن تاخذيها من عندهم

[Remember Me]

اول شي روحي مكتب الـ dhl اذا لسا ما وصلتهم البطاقه
وقتها روحي للجامعه استفسري
الله يعينك خيتو

[انا والقمر جيران]

جتني الرساله وتم قبولي بس البطاقه مااستلمتها اوك بروح للشركه لو ماوصلهم شي الله يعينني بروح الجامعه
بس عادي ادخل بدون بطاقه واي جهه اروح

[miss lool]

اسمعي انا كنت زيك والله قبل ااسبوعين رحت الجامعه
رحت العماده بنفسي طبعا كل وحده تقولك استنى المهم ادخلي العماده في ابواب جنب بعض صح ادخلي باب رقم 2
لانهم هم اللى يسو بطاقات الجامعه قولي لهم انا ماوصلت لي بطاقتي
حيقولو لكي عندك صوره قولي ايوه ولازم تكون معاكي صوره لكي
المهم ثاني يوم ان شاءالله يرسلو لكي رساله راجعي الدي اتش ال بعد خمسه ايام عمل
انا قبل خمس ايام يعنى الخميس لما اتصلت عليهم قالو روحي الفرع اللى حطيته وانتى تسجلي واستلمي بطاقتك
والله كنت زيييك روحي بنفسسسسك
الاشياء المهمه اللى تاخذيها معاكي في الجامعه
صوره من الهويه ورقه الطب او جدولك وصوره لكي
وقولي ايش صار معاكي

[ماهركم]

حتى انا مسدد بشهر رمضان والى الأن ما استلمتها مادري شنو السبب
وانا من الرياض خايف اروح مشوار ةارجع بدون فايدة

[منتسب3]

ياخوان ويااخوات الأربعاء ارسلو رسائل بخصوص استلام البطاقه من ال dhl اللي ماوصلته رساله يشيل نفسه ويروح للجامعه
بالنسبه لي سددت بتاريخ 22/رمضان. والأربعاء الي راح رسلو رساله باستلامها من الdhl

[ماهركم]

اخ منتسب 3 انا مسدد قبلك ولسى ماوصلني شي
المشكلة انا من الرياض وصعب اني اروح لجده
اذا اقدر استفسر بطريقة ثانية