حسبي الللللله ونعم الوكيل بدل مايسهلو علينا الامووور حسبي الله ونعم الووكيل

[bashorh]

اول شي وربي اني كاتبه موضوعي واناا ميته قههههههههههههههر بعد مافحطنا في العملي وكرف العلمي ومدرسه خصوصيه ورياضيات وهم يقولومافي الا انتساب ورضينا بالانتساب وسنه من المعاناه والهم والغم في امل تحويل للانتظام والتخصص اللي نبغاه ونجيب اعلى المعدلات يقولو ايش الاداب بالفيصليه كمااان يعني مو كل الاقسام يعني مايبغو احد يحول باي طريقه حسبي الله ونعم الوكيل هذولا ماعندهم بناات طيب يعتبرونا بنااتهم حرام ندخل شي مانبغااه حسبي الله ونعم الوكيل حسبي الله ونعععععععععم الوكيل ترا انا كتبت الموضع بس ببرد كبدي في الجامعه هاذي اللي مااعطتنا ولا حق من حقوقناا

[طموح بنوتة]

حبيبتي صلي على النبي والخيرة فيما اختاره الله ولو يكونوا ظالمينكم بشي ربنا ما يضيع حق احد عاجل ولا آجل والي نصيبك بتاخذيه ولا احد يقدر يمنعو عنك انت بس ادعي الله يسهلها بهذي الاياام المباركة *_^

[bashorh]

المشاركة الأصلية كتبت بواسطة طموح بنوتة حبيبتي صلي على النبي والخيرة فيما اختاره الله ولو يكونوا ظالمينكم بشي ربنا ما يضيع حق احد عاجل ولا آجل والي نصيبك بتاخذيه ولا احد يقدر يمنعو عنك انت بس ادعي الله يسهلها بهذي الاياام المباركة *_^

حبيبتي صحيح انا عارفا ومتاكده انو نصيبي باخذو واللي كاتبو ربي بيسير كنت اقول كدا قبل الشروط اللي منزلينها بس بعد الشروط بقول حسبي الله ونعم الوكيل فيهم لو مافي واسطه ماتتسهل الامور عندهم

[bashorh]

اللهم صلي وسلم على اشرف الانبياء والمرسلين سيدنا محمد

[طموح بنوتة]

والله خيتو ربنا يتولاهم قولتك حسبي الله ونعم الوكيل تكفيك مابدينا نسوي شي للواسطات الي ضيعتنا ويااارب يكتب لك كل الخير *_^

[bashorh]

تسلمي طموح على ردك والله يكتب لك كمان انتي اللي فيه الخير

[تغاريد]

الجامعه مافي احد يقولوها ليش هالشروط التعجيزيه ؟؟
وكل بعد فترة طالعتنا بشيء يحطمنا


لانه بالاساس مافي احد يقولها ليش..؟؟

لمن نكون يد وحده ذاك الوقت !!!!!!!!

[bashorh]

المشاركة الأصلية كتبت بواسطة تغاريد الجامعه مافي احد يقولوها ليش هالشروط التعجيزيه ؟؟ وكل بعد فترة طالعتنا بشيء يحطمنا لانه بالاساس مافي احد يقولها ليش..؟؟ لمن نكون يد وحده ذاك الوقت !!!!!!!!

ياحياااتي انتي ياتغاريد انتي والله عسسسل واملك مرا كبير لو نسير كلنا يد وحده مانقدر نسوي شي ياماما ماعندك فيتامين واو انسي انك تعيشي على كيفك
حسسسسسسسسسسسسبي الله ونعم الوكيل فيهم في هذا الشهر الفضيل خلي ربي يتولاهم شوفي كم وحده بتوكل امرها لله وبيكفيها بالكلمتين اللي بتقولها

[توونآ]

يختي لا تقلبي المواجع
وقسم بالله من امس اول ماشفت الشروط للحين وانا متنكده نكد مايعلمه الا ربي
طول الوقت ادعي علييييه هوا والي كان السبب معاه في هذي الشروط
وربي مابيضيع لنـا حق
يارب تكون شايف ردي هذا يامشط وتعرف اذا جاتك مصيبه انه بسبب دعائنا عليييك

[رهـــووومه]

المشاركة الأصلية كتبت بواسطة توونآ يختي لا تقلبي المواجع وقسم بالله من امس اول ماشفت الشروط للحين وانا متنكده نكد مايعلمه الا ربي طول الوقت ادعي علييييه هوا والي كان السبب معاه في هذي الشروط وربي مابيضيع لنـا حق يارب تكون شايف ردي هذا يامشط وتعرف اذا جاتك مصيبه انه بسبب دعائنا عليييك

مساء الخير
اخواتي انا مثلكم طالبة انتساب ومتضااايقه من الشروط جدااا والله العالم سبحانه انا علمي واتمنى

استمر في تخصصي ومعدلي الحمدلله لكن صراحه استوقفتني كلمة الاخت اللي تقول اذا جات مشاط ( العميد عبد الفتاح ) مصيبه يعني بسبب دعاءها عليه ،،، حقيقه تضاايقت جدا من كلامك لان العميد ماله اي دخل بالشرووط الوزاره تحدد له معايير وهو عليه مراقبة تنفيذها ومالقيتي حد تدعين عليه غير العميد اللي يده بيضااء معنا كلنا ،،، انا عندك نمووذج والله ماكذب ولا ابالغ انا رفضوني ادرس انتساب في شطر الطالبات ولولا الله ثم العميد ما كنت منتسبه مثلكم ،،، الظلم موجود في الجامعه لكن العميد عبد الفتاح بعيد كل البعد عن الظلم ولا تدعين على احد قولي حسبي الله على الظالم وان كان لك حق بياخذ الله حقك
،،، اعتذر منكم واتمنى ماحد يزعل مني
الله يسهل تحويلكم للقسم اللي تبووونه