احول الى علم النفس؟؟؟؟؟

[الحساسه!!!]

السلام عليكم ورحمه الله وبركاته
انا طالبه خلصت التحضيري وتخصصت حاسب بس انا ما احب الحاسب
احب علم النفس كتيــــــــــــــــــر ونفسي احول بس اهلي يقولوا درستي علمي وتعبتي نفسك واخر شي تحولي علم نفس وسالت وحده متخرجه علم نفس تقولي انو مالوووو مستقبل
انا نفسي اكمل في علم النفس ماستر ودكتوره واسير دكتوووووووووووووره
شو رايكم اكمل حاسب ولا احول ؟؟؟
لو درست حاسب وخدت ماستر في علم النفس ودكتتتتوره اقدر اشتغل في المستشفي واسير دكتووره ؟؟؟؟؟؟؟؟؟؟؟

[شمعة الجامعة]

وعليكم السلام ورحمة الله وبركاته

هلا عزيزتي

قسم علم النفس حلو وممتع
وأهم شي تعرفي رغبتك وميولك
وعلى أساسها تحددي
أغلبنا قبل لا نتخصص كانوا اللي حولنا موعاجبهم التخصص<< وهذا بسبب الإشاعات اللي سمعوها عن علم النفس
كانوا بتريقة يقولوا إحنا حاجزين عندك من الآن
وسبحان الله إلا ويجي اليوم اللي يحتاجوك فيه من جد <<ويندموا على اللي قالوه :)
والحمد لله أفدت الكثير
ورغبت الكثير والآن إثنين من صديقاتي بيتخصصوا علم نفس .
وأنا مرة ما كنت أهتم بكلامهم ,,بالعكس أبين لهم الإيجابيات وأقنعهم .
والحمد لله تخصصت ومرتاحة ومبسوطة
،,،
استخيري وربي ييسر لك
وإذا عارفة نفسك ما حتقدري تكملي حاسب
حاولي تقنعيهم وتسردي لهم قصص بعواقب اللي يكمل في شي وهو مو راضي فيه
وإنتي تقولي صديقتك قالت :إنه ماله مستقبل
معناه تبغي تخصص له مستقبل بعد التخرج
فكيف حتدرسي حاسب وإنتي ما حتتوظفي فيه لأنك ذكرتي إنك بتكملي الماستر علم نفس
في نظري
ممكن تكملي علم نفس
لكن في مواد متعلقة بمواد البكالوريوس جداً وحترجعي لها كمرجع
ولما تشرح الأستاذة معلومة أتوقع اللي دارسين علم نفس حيستوعبوها أكثر من غيرهم <<وجهة نظري
من ناحية المستقبل في مجالات كثيرة
وربي كاتب ومقدر ها الشي لك
وعلى حسب نيتك وإجتهادك ربي بيوفقك ويحقق لك ما تتمنين
وكثير متخرجين لكن مش كفؤ للأسف

معليش طولت عليك
إحنا مننا الأراء والقرار كله بيدك
ربي يوفقك
:)
وأي سؤال إحنا بالخدمة

[MaNia Of Sk8eR]

أستخيري أولا و أخيرا ...
ثانيا.. إنت اللي حتدرسي مو أهلك ما عليك من كلامهم ... بعدين إنت باين إنو عندك طموح حلو في علم النفس و شوفي في الوقت الحالي علم النفس مطلوب بشكل كبير في المستشفيات و العيادات ؟؟؟ كيف ما لو مستقبل.
علم النفس محيط إلى الآن في أمراض العلم عاجز عن تحليلها زي انفصام الشخصية ، و التوحد ، يعني بإمكانك تعملي أبحاث و تتفوقي في مجالك، خصوصا إنو أحنا مجتمع مريض نفسيا من الدرجة الأولى للأسف الشديد....

أقولك على حاجة؟
*سبب سعادتك هوا اختيارك لشي إنت تبغيه.

و على فكرة الاستخارة أول شي لازم تفكري فيه...و لازم ما تدي ادنك لغيرك أسمعي صوت نفسك، بعدي عن المؤثرات إنتي اللي راح تدرسي و راح تتوظفي مو أهلك ،،، لا تسوي شي انتي مو مقتنعة بيه.

لا تقولي أهلي أمي أبويا ... علمي و لا أدبي ترا ناس كتير مشيت ورا أهلها و ضاعت،،، أنا شخصيا أخترت لنفسي التخصص مو أهلي مع إنو مو عاجبهم بس مو على كيفهم لأن أنا اللي راح أتعب في الأخير.
أنا شخصيا أحب الحاسب و برضو الناس تعلق عليا إنت علمي و شاطرة و في الأخير تقنية معلومات أو حاسب ؟
الناس مو فاهمة ... الحاسب دا عالم تاني عالميا دا من التخصصات الصعبة و المتجددة.
الناس تحسب الحاسب نت و دورات خلاص سار عندنا حسب و سرنا فالحين فيه هههه.
الله يفوقك .... لا تنسي أستخيري و فكري و أحيانا الواحد لازم يضحي بالشي اللي يحبو عشان يدرس تخصص يقدر يتوظف به....بس على فكرة علم النفس مطلوب.
:) .

[adel2882]

فإذا عزمت فتوكل على الله

[سجى1]

استخيري

[شبيهة البحر]

الله يوفقكـ يااارب...
أدري الحيرة صعبة بس لو استخرتي وربي
ترتاحي وتتوجهي للخير بفضل ربي ...
موفقة...

[Esraa.MD]

شوفي حبيبتي اول شي مافي شي مالو مستقبل حطي القاعدة دي في راسك
حاعطيكي مثال
لو انتي مثلا او اي احد دخل طب بس فشل في دراستو واتخرج وكل العمليات الي بيعملها والكشوفات خاطئة واخطاء طبية طبعا الناس محا تروحلو ومستقبلو يتدمر لانه مابنا نفسو كويس

ونجي لواحد تاني مثلا اتخصص حاسب او تقنية معلومات او ان شالله دراسات اسلامية لكن بنا نفسو ودرس وبحث في تخصصو وشد حيلو
واتخرج وسار معيد ولو سمعة وكيان وحضر ماستر
مين الافضل الان ؟
يا اختي احنا ماناطالع في التخصص احنا نطالع في الشخص يعني مافي شي مالو مستقبل
احنا نصنع مستقبلنا بنفسنا انا اصنع مستقبلي بجهدي وتعبي مو تخصصي الي يصنع مستقبلي
تاني شي حكاية انتي ايش نفسك مو احنا اللي نقلك تحولي او لا
لا انتي عقلك ايش يقول لا تفكري بقلبك فكري بعقلك ممكن انتي بس كدا تحبي علم النفس لكن مو زي الواقع
يعني انتي عقلك مخك تفكيرك يا اختي لو انتي فعلا راغبة في علم النفس ترى كان من زمان دخلتي كان سعيتي من زمان لكن دحين دوبك تقولي ابغا علم نفس
شوفي الحاسب مررررررة حلو ومرررررررررررررررررررة مطلوب واذا شغلتي مخك حاتبدعي في
لكن انا في نفس الوقت اقلك استخيري الله اكثر من مرة
وبالنسبة انك تاخدي ماستر في علم النفس ماتوقع تستفيدي
ممكن بنات الاعلام يستفيدو او علم الاجتماع لانهم بياخدو مواد عنو وتقريبا مرتبطين نحنا ببعض بس حاسب ماتوقع لانه في وحدة اعرفها تخصصها محاسبة كانت تبا ماستر علم نفس قالولها ايش تبغيبو محا تستفيدي انا محا احطمك ولكن كل شي وله اساس
وفي الاخر استخيري ثم استخيري ثم استخيري
وتذكري لا تفتحي اذنك للناس افتحي اذنك لعقلك