لازم اغير الحالة يعني ؟؟؟؟؟

[jolya]

السلام عليكم











ان شاء الله انا هالترم رح اتخرج باذن الله وعقبالكم جميعا
اللي ابغى اعرفه لازم ابدا باجراءات التخرج من الحين ؟؟؟
لازم اغير الحالة الى متوقع تخرجها واذا ما سويت هالشيء وش يترتب عليه ؟؟؟؟




لان ماعندي وقت مع الأسف اسوي هالاجراء فقولولي اللي طنش وما سوا شيء اش صار عليه هل تتاخر عليه الوثيقه والا فيه شيء ثاني ؟؟
وشكرا

[miss lulu]

لا لا تتأخر ولا شي

لانك كدا ولا كدا لما تتخرجي بتروحي لعمادة القبول والتسجيل وبتاخدي ورقة إخلاء طرف وتتمشوري بتروحي المكتبة المركزية ومبنى الشؤوون .... الخ ( مكتوب في الورقة الاماكن اللي تروحيلها)

وبعد ما يختموا ترجعي للعمادة وتديهم بطاقتك الجامعية وعادي تستلمي وثيقتك ^_^

عقبال ما تتخرجي وتستلمي وثيقتك ان شاء الله ،،

ومبرووووووك مقدما ًً ^^

[jolya]

مشكورة عالرد اللّـﮩ يسعدك يعني ارتاح مكاني ها خخخ

[miss lulu]

ويسعدك يارب

بس نسيت نقطة مره مهمه

هما بيطلبوا منك اجراء التخرج عشان اسمك يكون تمام بالعربي والانجليزي ( نفس اللي مكتوب ف جواز السفر )

<< إذا عندك ولو مو عندك تكتبي تعهد بكدا

ومره مهم عندهم هالاجراء عشان ما يكتبوا اسمك غلط

والاجراء ممكن تسوي في أي يوم حتى لو قبل اختبارات الفاينال

بإختصار الاجراء ما ياخد معاك وقت يعني اعمليه وبلاش كسل

يا انها من خلال الموقع تتطبعي إخلاء طرف

وورقة تاخديها من العمادة وتعبي البيانات حتى لو أخدتي الورقة وكملتيها ف البيت

وتوديها لهم ف يوم تاني

انا فاتتني دي النقطة في الرد السابق ^_^