طالبات الجنائي تفضلو

[يايا الحلا]

السلام عليكم ورحمه الله وبركاته
كيفكم بعد الورشه وبعد ال 20 درجه الي انضافت لنا الحمدلله تعبنا ماضاع هباء منثورا
بس انا عندي كم ملاحظه حابه اخذ رايكم بيها اللحين الدوري الاول قالت لنا الدكتوره انتصار انه من 30 درجه وتعتبر طامه كبرى لكن بلعناها لكن تدخل معانا خمس ابواب وكل باب فيه فصلين ثلاث فصول معليش دا الشي كتير علينا وبزياده كفايه انه من البدايه شتتنا بين كتابين بس اغلبيه البنات تخرج وحرام لازم نراعي انهم محتاجين الربع قبل الدرجه واحنا عارفين انهم عندهم تدريب عندهم بحث وحنمر بالموقف هدا عشان كدا لازم نكون يد وحده ونكلم الدكتوره انتصار (كللنا) انه تقلل من الابواب الي معانا بدال 5 ابواب تخليها 3 او 2 لانه كل باب داخله فصول واحنا نبغى نجيب درجات لانه مانعرف اسئلتها كيف تجي ..
ثانيا _ دراسه الحاله اللحين مو قالت انا حستاذن من رئيسه القسم واخليكم تروحو طبعا اكيد انه ما ادوها موافقه عشان كدا ماعاد جابت سيره انه نروح كلنا مع بعض قالت انتو روح ومدام انه الجامعه مي موافقه نروح المفروض تغير التكليف وتجيب لنا تكليف تاني يا عرض بور بوينت يا بحث يا اي شي بدال دراسه الحاله لانه مافي اهل حيودو بنتهم السجن واصلا مايدخلو الا دراسات عليا وماجستير محا يدخلون بكالوريوس هدا كلام وحده من البنات فلازم نتعاون ونكلمها على دي الشيئن تقلل كميه الاختبار وتغيرلنا دراسه الحاله لانه اليوم البنات بيعترضو مع بعضهم واحنا مانبغى دا الشي يا نكلمها يانكلم الدكتوره شذا . وشكرا ادري طولت عليكم بس لانه كل البنات جاتهم حاله اليوم بعد تحديد الابواب وبعد ما توقعو انها حتحذف دراسه الحاله لاننا انجزنا بالورشه فحسينا بخيبه الامل والسلام عليكم ورحمه الله وبركاته

[يايا الحلا]

وين ردودكم يابنات

[هامة تلامس الثريا]

أنا معاك قلبا وقالبا في كل كلمة قلتيها
بذات قصة تأشيراها هذي شتتنا بطريقه مرعبة

وبالنسبة لدراسه الحالة من جد أنا مستغربة قالت انه حتودينا سجون او شي زي كذا فجأة قالت اليوم الفلاني استلام دراسه للحاله.
شيء عجيب

على الاقل تمدد موعد تسليمها لو هي أصرت عليها
وبالنسبة للمقرر في الاختبار لازم ترتبه وتخليه في جزئيه معقولة

اضم صوتي الى صوتك وانا متأكدة انه قليل اللي يدخلو المنتدى ولا كان شفتي موضوعك ١٠٠ صفحة
عدم وجود مشاركات لا يعني اننا مو معاك

والسلام

[يايا الحلا]

شكرا على مشاركتك حياتي وانا عارفه انه مو كل البنات بيدخلو المنتدى
بس منجد سببت لنا خوف ورعب والا المفروض تسهل علينا وتجيب اسئله سهله وتقلل الكميه بما انه اول مرا تدرس بالجامعه اما 5 ابواب مرا كتيره وبعدين بعض البنات عندهم اختبار يوم الاحد ويوم الاثنين كيف بيذاكروه دا جدا كثييييير وانا حاسه انه اسئلتها صعبه لانه باين والله يستر بس لازم نتحد ونشوف قرار ونسويه قبل الامتحان إن شاء الله صوتنا يسمع من المنتدى

[يايا الحلا]

بنـــــــــــــــــــــــــــــــــــات لازم نكون يد وحده انا ما اشوف تفاعل منكم

[هامة تلامس الثريا]

من جد فين الناااس ؟؟؟؟؟
لازم نكلمها على جزئيه الاختبار وانه تكون الاسئله موضوعيه
انا ماادري انتي في شعبتي ولالا ؟؟
بس هيا سالت كيف تبغو الاسئله والبنات اختلفو
وفيه ناس يبغو مقالي
طيب نحن مانعرف اسلوبها ولا طريقة تصحيحها كيف نطلب مقالي
الموضوعي اامن واسهل في المذاكره
صح ولالا ؟؟

[يايا الحلا]

منجد نزلت موضوع عشان كل البنات يكتبو الي يبغوه عشان نتفق على شي واحد ونروح نكلمها ...
بس احنا محنا عارفين اسئلتها بس لما البنات قالو موضوعي قالت حتكون الخيارات متشابهه وبتضيعي درجات عليها ولما قالو مقالي قالت ابغى الحل بطريقه التفكير العلمي منجد خوفتنا زياده واشغلت تفكيرنا طول الاسبوع هيا قصدها دي جزئيه دوري احس كانه اختبار نهائي مرا حرا عليها والله حرام

[هامة تلامس الثريا]

بس قالت انا بخبرة التدريس هاذي السنوات كلها اشوف انه المقالي يطير الدرجات
يعني هيا ادرى باسالتها
اما الموضوعي اهون في المذاكرة لانه الجزئية طويله
بينما المقالي يحتاج له حفظ عشان اقدر اكتب

الله يختارلنا اللي فيه الخير

[يايا الحلا]

والله كلتا الحالتين باين انه اسئلتها صعبببببببببببه

[هامة تلامس الثريا]

لا خلينا نتفاءل
ان شالله خير
جدتي كانت تقول لي : اللي ينخاف منه مايجي احسن منه ^_^