هام وعاجل على كل مشرفي المنتدى والى الاعضاء

[أبو تروكـ ^_^]

السلام عليكم ورحمة الله وبركاته

في هذا القسم بالذات كثرت مواضيع رسوم الانتساب والمطالبات باسقاطها ونحن نعلم ان اسقاط رسوم الانتساب جيد ولكن له جوانب سيئة منها:
- كثيرة اللي يسجلون في الجامعه من اجل الدراسه وهم في الاساس ما عندهم نيه لما يجي وقت الاختبار ما يحضر ليش لان الدراسه ببلاش الجامعه تنسق وترتب وتهئ بعض السبل المساعدة لذلك بالاخير اغلب الشباب ما يحضر الاختبار لان دراسته بالمجان

رسووم الانتساب لو فكرنا بعقل فهي تدل على جدية الشخص للدراسه تخيلو الغو رسوم الانتساب اتحدى اي طالب يرغب بالدارسه يسجل في الجامعه اكيد بيصير زحمة على التسجيل وواسطات وبالاخير الاختبارات يحضرها القليل لانه في البداية كانت عنده عزيمة للدراسه وبالاخير جاة اي ظرف لو بسيط وانسحب بدون سابق انذار

ياطلاب يا اكاديمييين رسوم الانتساب صح اننا نتعب حتى نوفرها انا مثلكم وربي اتسلف احيانا وقت الدفع عشان اكمل دراستي لكن مو من المعقوول يصير قسم الانتساب كله مواضيع رسوم الانتساب انا ادخل هنا ابي اي خبر عن الانتساب من مواد من اختبارات مو مواعيد قريبه من تواصل مع من هم في نفس خطتي لكن للاسف كل المواضيع صارت كثرة حكي

موضوع اخر اللي بيقول لكم انه انه يبي اصواتكم ويبي توقياعتكم عشان يروح يقابل ملك او يقابل مسؤول وش يضمن لكم انه ماراح يستخدمها في اغراض واهداف غير اللي انتو تبونه ياناس بجد فكرووو بعقلوكم صح
لو تلفوون المنتدى في بعض الاشخاص يطالب ويطالب وهو معروف انوو جديد من وين جاء ما نعرف هو يدرس ما نعرف كفاااااااااية

خلونا نكمل دراسه ونحكم عقولنا

في احد المواضيع اللي قريتها قبل فترة شخص يطلب تروحوو للجامعه وتتظاههروو هناك عشان اسقاط الرسوم واشياء ثانيه وش يضمن لكم ان اللي ينسق هذا الشيئ مالها اهاف ثانيه عشان زعزة الامن يمكن يكون تفكيرة سياسي ولا طق لكم خبر يجي بينكم ويصور المظاهرات وينشرها لوسائل اعلام تلفق عليها اي شيئ


احنا في دولة حكيمة اعطت كل ذي حق حقه واللي ما قدر يوصل لحقه في طرق مشرعه يوصل لها

الله يوفق الجميع ويسهل امورهم

ويامراقبين يا ليت تفكونا من المواضيع اللي ما تبت للدراسه بشيئ اغلبها مواضيع يتم اعادتها بصيغه اخرى لعل وعسى يكون لها صدى


نبي ندخل هذا القسم مثل اول نستفيد من بعض بدل ما نطرح مواضيع يلا يا طلاب تعالووو شوووفو وتعالوو

مو معقووووله شخص يكتب موضوع يطالب بمكافاءات لطلاب الانتساب احنا ندرس بفلوس وهذا يجي يطالب بمكافاءت لانه مالقى حل يثير فيها ضجه قال اجيهم من طريق ثاني


اتمنى اللي يقرا موضوعي يتفهمه ويحكم فيه عقله واللي ما اعجبه موضوعي ياليت يرد برد يليق فيه كطالب جامعي وقبل كذا يتذكر انه مسلم

خلونا نرتقي بافكارنا وعلمنا واسلوبنا

[كل شي وله بدايه @...]

كلامك ع العين والراس بس احنا ما طلبنا الا حقنا وع المكافاءة يالله خلونا نقول مالنا شي طيب مافي مشاكل.. اما مسئلة الرسوم والله يابوتروك كثيرة فيه ناس ماتلاقي تاكل عشان تدفع.. طيب هالناس مالهم حق يدرسوا ببلدهم ببلاش قولي وخلاص ادا مايقدرو يشيلوا الرسوم ع الاقل يخفضوها للنص وبالنهاية احنا ما طلبنا الا حقنا

[وجــــود]

يابو تروكي الي بالنار مو مثل الي بالجنه
تكلم عنك نفسك انت عندك القدره الماليه بس اسمح لي انا بتكلم عن نفسي
انا تعبت وجبت معدل عشان احول انتظام بكلية الاقتصاد والادارة اي حق يخليهم يلغو التحويل
ثاني شي انسان يتعب ويدفع فلوس وينجح وفي الاخير يكتبو بالشهاده انتساب والشركات والموسسة تتعمل معنا على انهو فينا جراثيم >>اي حق تتكلم عنه
ثالث شي نظام السنتر عله وماايعرفه الا الي جربه
رابع شي انا مو مستحيه من صراحتي بس انا ابوي متوفي ومستاجره وعندي الان كبيوتر مكتبي عمره فوق 10 سنوات النظام ضارب تقدر توفر لي لاب توب نظيف مو طالبه جديد ابغي نظيف علشان اكمل السنترا عليه
خامس شي انا مااسالت عن المكافاءة انا تفاجته بالكلام عنه

ثاني شي كل الي كتبو يديهم بالنار وانت غير يدك مو باين بالنار ولا باين انك تعبان بدراستك عشان
كذا تبرر عدم رضاك عن مجهودك بكلامك هذا

ولاتتهم الناس عبث الظن اثم
هذي راي وكلامي عن نفسي وتقبله بروح مثل مااتقبلت رايك

[المجروح 8]

والله انك صادق
كل المواضيع عن الاعفاء بقول لكم سبب عدم صدور قرار الاعفاء
اي واحد عاطل يبغاء يدرس يروح الجامعه ويسجل انتظام ويعطونه مكافأة نهايه الشهر
هم يقولون الانتساب كلهم موظفين ما يستحقون الاعفاء لو سمحوا الناس كلهم بيسجلون ووقت الاختبارات كل العالم اجازه
اهم نقطه يا شباب الاختبارات باقي عليها شهرين نبغا ملخصات

[الشه NoOosh3 ري]

بس بصراحة الرسوم مرة مرتفعة لو على الاقل يخفضوها اهون

[وجــــود]

تصدق كلامكم صح
انا جدي عاطل انتظرهم يلغو الرسوم بسجله
ايش رايكم
دحين يابو تركي بشك بنيتك مثل مااشكيت بنايته غيرك

[أبو تروكـ ^_^]

وجود الله يهديك

اتفق معك ان الرسوم عاليه لو خفضت للنصف افضل لكن الله يهديك على اسلووبك!!

انا ما سددت الى الان الرسوم وحاولت اقدم اعتذار لاني ما عندي القدرة المادية

ونظرتي يا اختي الغالية ليست محدودة وانما تطرقت لمواضيع تمر فيها السعودية سيااسيا والبعض يحاول استغلالنا باي شيئ

وطريقه طلب خفض الرسوم تكون بطريقه جادة مو عرضها في منتديات وتحصلي المؤيدين 1000 ولما يكون الجد بيطلع 5 فقط

بالنسبه للجهاز لاب توب جديد لك ما اقدر اشتري لاني حالتي المادية محدودة وتاكدي اني مو من الطبقه الغنيه الي تقصديها

ياليت تنظري للموضوع من عدة جوانب

ربي يوفقك ويسهل اموورك اختي جود

[وجــــود]

مين قال ابغي بجد من لاب توب بس انا اعرض عليك الموضوع من عدة جوانب وعني انا ماعلي من الفلوس بس الي قهرني الشهادة ماتستهال هذا الدفع
وجبروني على تخصص ماابغي اختارة مستعده ادفع الترم 10 الاف مقابل شهاده له مستقبل والتخصص الي ابغي
بس مع الاسف سرقته فلوسنا على الفاضي لو ادري انه الشهادة كذا بتكون ماتعبت حالي مع هذي الجامعه الفاشله
فهمت الي اتكلم عنه >>>>>اما اسلوبي انا وحدة عصبيه ولوقفت قدام خالد العنقري مو مستحيه منه بعطيه الكلام وجه لوجه وانا رسلت للجرايد والصحف

[منتسب أول]

حنا نبي مقابل لــ 3000 ريال.

نبي سكن وقت الاختبار نبي المقررات ببلاش نبي اشياء كثيرة مقابل 3000

[اللورد زيرو]

كلام سليم