محتاجه رايكم وخاصه الموظفين ؟؟

[نووونه]

بصراحه انا واقعه في حيره كبيره نوعا مو قادره اتخذ قرار

انا في المستوى السادس اداره اعمال دوليه

وبدون سبب صرت ابحث عن التوظيف ووضعه طبعا انا من الرياض والتوظيف في الرياض

للبنات محدود نوعا ما مو مثل جده

اغلب الوظايف المتاحه كول سنتر وسكرتاريه وهالاشياء

المهم بديت استشير اللي حولي اللي يقول لي حولي موارد وهذا اغلبهم بصراحه واللي يقول لي

ولاتفكرين

طبعا انا اطمح الماستر بس الوظيفه من اهم اهدافي بصراحه

اتمنى منكم مساعدتي بهالقرار بس اتمنى اللي يعطي رايه يشرح رؤيته

واللي يعرف بنات تخرجوا دولي وتوظفو يقولي وين وايش وضعهم

ويارب يجزيه الجنه اللي يطرح رايه

[hdwoe]

المشاركة الأصلية كتبت بواسطة نووونه بصراحه انا واقعه في حيره كبيره نوعا مو قادره اتخذ قرار انا في المستوى السادس اداره اعمال دوليه وبدون سبب صرت ابحث عن التوظيف ووضعه طبعا انا من الرياض والتوظيف في الرياض للبنات محدود نوعا ما مو مثل جده اغلب الوظايف المتاحه كول سنتر وسكرتاريه وهالاشياء المهم بديت استشير اللي حولي اللي يقول لي حولي موارد وهذا اغلبهم بصراحه واللي يقول لي ولاتفكرين طبعا انا اطمح الماستر بس الوظيفه من اهم اهدافي بصراحه اتمنى منكم مساعدتي بهالقرار بس اتمنى اللي يعطي رايه يشرح رؤيته واللي يعرف بنات تخرجوا دولي وتوظفو يقولي وين وايش وضعهم ويارب يجزيه الجنه اللي يطرح رايه

جميع التخصصين حلوين , واحد عام قد يشمل الموارد البشريه او التسويق اللي هو ادارة الاعمال الدولية.
الموارد البشرية متخصص وله مستقبل بالقطاع الخاص والعام وحلو لو تكملين ماستر , طبعا انا اتكلم بنسبه للشباب والبنات وانا موظف بشهادة دبلوم محاسبة والان اكمل دراستي الجامعية من جديد لأهداف وطموحات .
طبعا الوظائف الان النسائيه غير محصورة للشباب , فهناك توجه من القطاع الحكومي والخاص لدعم النساء للوظائف وهناك شركات كثيره بالرياض يمكن اكثر من جدة بتوفر عدد الوظائف , عليك الاجتهاد والارزاق بيد الله سبحانه وتعالى .

أتمنى لك ولجميع زميلاتك واخواني التوفيق .

[rubi]

انا زيييك

المهم ليش بتقولي الوظايف في جدة متنوعة اكتر؟؟

الله يوفقنا يارب

[نووونه]

احد يفيدنا برايه

[Llll5Liiio]

أخالفك الرأي

الوظائف بالرياض أكثر واضمن

وفي نفس الوقت للجنسين

جدة قليل واغلب الوظائف المتوفرة مستوى متدني جدا

[مدير إقتصادي]

السلام عليكم ورحمة الله

رأيي كالتالي :

1 - قبل تتخذين قرار بالتحويل الى مسارموارد بشرية فكري بالنقاط التالية :
1 - 1 كم ساعة راح تزيد عليكي لإكمال مواد المسار الجديد الإلزامية .
1 - 2 كم المدة الدراسية اللي راح تزيد بعد تغيير المسار .
1 - 3 هل ظروفك المادية والإجتماعية والنفسية بعد تغيير المسار إلى التخرج إن شاء الله راح تكون مناسبة ولا راح تواجهين صعوبه لاقدر الله .
1 - 4 ايش المزايا اللي موجوده عند مسار الموارد البشريه وماهي موجوده في إدارة الأعمال الدولية .


2 - أنا أري انه مدامك قطعتي شوط كبير في مسارك الحالي حرام انك ماتكملين وبالذات إذا كان معدلك حلو .

3 - بما إنك من سكان الرياض فأنتي عندك ميزه حلوه ، بامكانك تقدمين على برنامج الماستر المدفوع ( على فكرة الدولة تتكفل بدفع رسوم الدراسة كاملة ) في القصيم وهذا فيه غدة مزايا :
3 - 1 الدراسه في الويك إند .
3 - 2 لاتوجد رسالة .
3 - 3 المواد والمقررات الدراسية تتشابه كثيــــــر مع مواد البكالوريوس وأحيانا تكون نفس الكتب في مواد كثيرة .
3 - 4 تقدرين تقدمين على عدة تخصصات ( إدارة الأعمال التنفيذي ، المحاسبة المهنية ، القانون ، الخدمات الصحية والمستشفيات )


4 - فيه فكرة روووعه لكن ما أدري ممكن تصير ولا لا وهي : بعد التخرج إن شاء الله قدمي على الدراسه من جديد واطلبي معادلة موادك الحالية واطلبي تخصص موارد بشريه . وهذا الشي لو تم راح يكون عندك شهادتين بكالوريوس ( إدارة أعمال دولية وموارد بشرية ) وممكن تتخرجين بالمسار الجديد خلال سنه ونص أو سنتين وبعدها قدمي على الماستر وعسى الله يوفقك .


5 - آخر شي بقوله : قبل تستشيرين الخلق ، إستشيري رب الخلق سبحانه ونتعالى ( لاتنسن الاستخارة مره ومرتين وثلاث وعشر )الله يوفقك ويرزقك اللي تتمنينه وفيه خير لك ياااااااارب

آسف على الإطاله

تحيااااااااااتي

[منى الشمري]

بصراحة رأيي انك ما تتوظفين الا بعد التخرج لانهم راح يتشرطون عليك ويقولون لك اخذتي الشهادة بعد الوظيفة ولازم يرفع فيها مديرادارتك خطاب للموارد وهذا اللي صار معاي واذا انتي مرة محتاجه للوظيفة تقدري تقدمين على بنك الرياض محتاجين موظفات حاليا وترى في اي مكان مستحيل تبقين في ادارة وحدة مدة طويلة الا اذا ارتحتي فيها وارتحتي مع طاقم العمل يله قدمي على بنك الرياض و خلينا نصير زميلات عمل ودراسة وانتي استشرتي و باقي الاستخارة وبالتوفيق ,,,

[rubi]

مختلط بنك الرياض؟؟

[yahya1500]

ادارة الاعمال الدوليه افضل من وجهة نظري ،،، لا تشيلي هم المستقبل من الان ،، (( وفي السماء رزقكم وماتوعدون ))

[نووونه]

شكرا لكل اللي قال رايه

وبالنسبه للمواد ماراح يزيد على ولا ساعه لو حولت وهذا اللي مخليني لازم اتخذ قرار الان