دعواتكم لأهل جده انهم يرجعون لبيوتهم سالمين غانمين ...!!!

[Ooنجوم مضيئهoO]

السلام عليكم ورحمة الله وبركاته


اللهم لك الحمد حتى ترضى ولك الحمد ان رضيت ولك الحمد بعد الرضا ...

انا اليوم رحت الجامعه على اساس اراجع ورقة مهارات الأتصال بس اللي صار ان المسؤوله عن القسم كل بعد اشوي تقول بعد ساعه الين ماصارت الساعه 11/30 بعدين اختي دقت علي وقالت تعالي كيلو 14 عشان اخذها من هناك ومشيت من الجامعه ولسى فيها بنات >> الله يستر عليهم كانو مصممين يبغون يشوفون درجاتهم وليش الكمبيوتر حطلهم f ولمن المسؤوله عن القسم قالت استنو كمان ساعه قالت البنت انا ماوراي شيء بستنى لين المغرب>> المسكينه كلامها هاذا قبل ماتعرف انو في امطار وسيول ..!!

وربي شفت سيول عمري بحياتي ماشفتها عالطبيعيه وشفت جثث شيء يخوف جثه قدام عيني شالوها

انا اتوقعت اني راح اموت اشوف السيارات واقفه ولا احد راضي يمشي والواياتات مقفلين الطريق

من الساعه12 الظهر الين الساعه 8 واحنا محتجزين ووصلنا البيت الساعه 1/30

بس الحمدلله على سلامتنا انا واختي وصحبتها

غير ان بنات اخواتي الثانين فحي بني مالك بس الحمد الله وصلو سالمين بعد معانااااااااااااااااااااه طويله


اللهم لك الحمد كما ينبغي لجلال وجهك وعظيم سلطانك >> اللهم ارحمنا برحمتك اللتي وسعت كل شيء اللهم ورد كل محتجز ومحتجزه الى اهلهم سالمين غانمين ياارحم الراحمين ....