نداء لطالبات د مريم تدريب 1

[منال عبد الغني]

اهلين زميلاتي العزيزات طلبتكم لا تردوني مين تتطوع وتساعدني بمحنتي قسم بالله تايهة بالتدريب 1 مع د مريم الملزمة احسها مجمع تجميع عشوائي ومو عارفة اتعامل مع هل ملزمة ولا ايش اذاكر مع تحياتي بسبوسا كلبوسا المحتارة

[ويزا]

أقولك حبيبتي أهم شي في الملزمة ركزي على أول صفحتين ( ماذا يقيس كل اختبار ) وعندك في أخر الملزمة رموز لمقاييس بعض الأمراض مثلا توهم المرض Hs ولازم تمييزي ين المقايس الفرعية والاكلنكية .
وكمان أنا لاقيت في المنتدى بعض معلومات عن مراجعة المادة حأحط لك نسخة منها وشوفي كيف ممكن تستفيدي منها :

شوفي حبيبتي انا ححاول على قد ماااقدر اسهلك الموضوع

شوفي عندك اخر صفحة في الجداول بعدها في صفحه مكتوب فيها مقياس وكسلر بلفيو
للمراهقين والشباب هاذي الصفحه اسمها كراسة التعليمات عدي من دي الصفحه 12 صفحه
بعدها برضه حتلاقي صفحه مكتوب فيها مقياس وكسلر بلفيو من هنا حنسميها كراسه الاجابه
طبعا دا الكلام مو من عندي من عند الدكتورة المهم عشان تفهمي كراسه الاجابه
لازم تفهمي وتقراي كراسة التعليمات
الدكتورة قالت لازم نعرف من كل الاختبارات دي الاشياء
هيا دي الاشياء المهمه بس الاشياء الثانيه ماهي محذوفه
تعرفي كل اختبار يقيس ايه؟؟ وكل اختبار مكون من كم سؤال؟؟ النهايه العظمى (تلاقيها نهاية كل اختبار)؟؟
ومتى يتوقف الاختبار؟؟وكل اختبار يتميز بايه؟؟

ودي امثله لطرق اساله في الاختبارات
1-اكثر الاختبارات ثباتا (اختبار المفردات)
2-الاختبار الذي له فقرات اضافيه(اختبار الفهم)
3-متى يتوقف اختبار تكميل الصور( لايتوقف يعطى الاسااله كاملة)

ملاحظه: الصفحات اللي قبل كراسة التعليمات كلها معانا ولوتشوفيها كلها كلام مافيها
شئ صعب

وبالتوفيق ان شاء الله للجميع


المراجعةالأستآذة قالت رح تكون الأسئلة موضوعية يعني مافي تعداد بإذن الله
حتكون ( اختياري / صلي / ) ومافي فراغات ~

2/ المقاييس الإكلينكية اللي في الملزمة معانا بس أول 5 مقآييس
والباقي مو معانا
الــ 5 الأولى اللي معانا تعرفي فيها ارتفاع الدرجة وش تسبب في كل وحدة وكمان انخفاضها ومتوسطها .....

3/ طبعا المقاييس الإكلينكية تحفظي رومزها بالإنجليزي تجيبها اختياري
أما المقاييس الفرعية معانا تحفظيها بس بدون رموزها ماحنا مطالبين برموزها بالإنجليزي

4 / الملخص الميداني اللي البعض اشتراه من المكتبة حتى تسهل عليه الدراسة
قالت الأستاذة ماتعتمدوا عليها أبدا لإنو فيهآ أخطآء ...وتقول أصلا انو نظام أسئلتها مو زيها !

5/ أعطتنا ايميلها اذا تحبي تضيفيها
mera_9696@hotmail.com أو يآهو الإتنين بيزبطوا بتقول ^_^
والشرطة الصغيرة اللي تحت مع shift يعني



هذي اهم الأشيآء اللي تذكرتها .....
والباقي انها شرحت مرة تانية توصيل الدوائر وكيف نطلع النسب من الدرجات الموزونة ..



وهيك خلصنآ ...

[الحان الوجدان]

طيب يابنات انا ماعندي الملزمه

ومالقيتها في خوارزم اللي بره الجامعه


اش اسوي؟؟

من فين اجيبها؟؟

[ويزا]

احنا أخذناها من خوارزم اللي في الجامعة يعني ما قدامك إلا إنك تروحي الجامعة وتشتريها من هناك

[اروى لول]

والله الماده هاذي هم مرا

احسها صعبه

وماقدرت افهمها

[الحان الوجدان]

لاااااااااا


لاتقولي