بالصور أرجو المساعدة باقي لي 13 ساعة أبي أتخرج الترم هذا

[just leader]

ياشباب أنا ولله الحمد انهيت بنجاح 116 ساعة وبحسبه بسيطه باقي 13 ساعة وأتخرج هذا الترم
طبعا بدون اي سبب نزل 11 ساعة فقط وعند طلب اضافة اي مادة لا يمكنني ذلك حيث انه لا يتاح لي الا اضافة المواد التي من 11 ساعة مسجلة هذا الترم فقط يعني فقط تعديل شعب مافيه اضافة مادة جديدة

طبعا انا من دفعة 06 يعني انا من اللي لحقوا على الخطة القديمة وصار فيها لخبطة شوي في البداية عشان المواد اللي دمجوها والمواد اللي اعتبروها حرة او اختيارية

وتقدمت بطلب اضافة المقرر اللي ناقص لي ابيهم يختارون لي على كيفهم ابي اخلص لطعوني في المعاملة الالكترونية اكثر من اسبوع وفي الاخير جاء رد المختص ماهو المطلوب بالله هذا رد وصورة المعاملة مرفقة

الان ابي منكم الفزعة وابي منكم حل ينهي مشكلتي بأسرع وقت ياشباب والله ابي اتخرج واخلص

[ابو وســــام]

أخوي ودي أفيدك ولكن ماعندي أي خلفية عن هذا الموضوع وانا أخوك
ولكن لا أملك لك سوى الدعاء ان الله يفرجها عليك وتنحل مشكلتك وتتخرج ان شاء الله

الله يوفقك

[just leader]

جزاك الله خير اخوي ابو وسام

[just leader]

جزاك الله خير اخوي ابو وسام

[Human resources]

طيب المختص رد عليك ويقول ماهو المطلوب ؟

رد عليه وقول له المطلوب هو اضافه ماده ساعتين ليكون مجموع الساعات هذا الترم 13 واذكر له اسم الماده التي ترغب اضافتها ورمزها

بالتوفيق وعقبال التخرج

[just leader]

مشكور اخوي هيومن ريسورس على الرد
فعلا هذا ما تمت كتابة باستتثاء اسم المادة ورقمها لأني لا أعرف ماهي أصلا لكن يبدو انها مادة حرة أو إختيارية
عشان كذا ابيهم يعطوني خيارات بالمواد اللي ابيها عشان انا اشوف واختار منها

اتمنى انك تكون فهمت المقصود بالضبط

[ابوعادل 11]

أخوي حتى لو بقي لك ساعتين تأخذاي مادة حرة ثلاث ساعات وتحسب لك بالمعدل
بالتوفيق

[just leader]

مشكور اخوي ابو عادل 11 على دعمك المعنوي

المشكلة انه ما اعطوني اي خيار عشان اختار منه وبشوف اخرتها معهم كيف

[ملك الهدوء]

حاول تروح لهم يضيفون لك ماده اعرف واحد زي كذوراحلهم وساعدوه

[just leader]

اي والله يقول لك اخر الدواء الكي بحاول اني اضبطها من هنا (من الرياض) بس ان ما ضبطت الله يعينني اروح لهم واحاول فيهم ومشكور أخوي ملك الهدوء