موقع الجامعه الـ ... وكليتنا الـ ...

[dre]

السلام عليكم

انا نزلت الموضوع دا عشان بس انزززل حرررري
عشان لو ما كنت كتبت دا الموضوع , كنت حأكسر شاشة
اللاب توب واقليه , بعدين ارميه من الشباك

بالله عليكم يا شباب ابغا واحد بس يقولي ايش مصيبة ابو
موقع جامعتنا ؟؟؟ ليش اسوأ موقع جامعة شفتو
في حياتي واسوأ نظام هو نظام Odus ؟؟؟؟

قبل شويا وصلتني رساله من صاحبي انو بدأ الحذف والاضافه
دخلت مبسوط , لقيت منزلين ليا مواد اخدتها .. مثلا انجليزي 101
انقهرت بس قلت مافي مشكله , هادي دايما متعودين عليها من الموقع المتخلف حقنا.

المصيبة الكبرى انو عند تخصصي كاتبين ( مستجد ) ؟؟؟!!!!!!!!!!!
يا ناس ايش الهبل دا ؟؟؟ كيف مستجد وانا 06 ومتخصص؟؟؟
حسبي الله على الموقع الغغغغبي بكل معاني الكلمه دا



سؤال يبطح نفسه ..
ليش الطالب كل ترم لازم يخمن متى راح تبدأ الحذف والاضافه ؟؟؟
ليش ما يكون فيه يوم محدد يتم الاعلان عنه في موقع الجامعه
كل بداية ترم عشان الواحد يعرف راسو من رجلو؟؟؟؟

السؤال التاني
ليش الطالب في كلية الهندسة دايما يفحط ويخمس ويسدس
عشان يضيف ماده وحده؟؟؟؟؟ طلاب كلية الهندسه كل ترم معاناااااه,
في غرفة الشؤون التعليميه اللي في الكلية , اللي صغرها زي علب الساردين
ويكون فيها تريليون طالب,الكل يبغا يحذف ويضيف .. وجهازين موجوده ( وطبعا مرات جهاز
واحد يكون شغال والتاني يا معطل يا ديكور ) ......... وطابووووووووور أمة محمد, كأننا واقفين
على طوابير العيش في مصر

بالله هادي حاله ؟؟؟
هل الجامعه يعني ما عندها فلوس تحط قاعه اكبر من كدا ؟
أو تزود عدد الاجهزه؟ .. يعني مليون طالب يبغا يضيف ويحذف !!!!

وطبعا كلام كللللل ترم من المسؤول عن الجهاز : (معليش يا شباب الموقع معلق).
واحنا نفضل واقفين زي البؤساء.. والله ولا جامعة الخرطوم كدا !!


يعني ميزانية الجامعه ملايين ,, ونص الشعب عاطل.
ايش فيها لو زادو الاجهزه وزودو الموظفين ؟؟؟؟



قلق قلق قلق قلق قلق قلق
كل ترم قلق




الحمدلله رب العالمين

[northstar]

هههههههههههههههههه


ربي يعينك

[*rainbow*]

الله يعييييييييينك والله ،،،

احنا لسى مستجدين مالحقنا نشوف شي ،،،

الله يستر بس ،،،

[* تركي *]

الله يكون بـِ العُونْ ...، / دَآئِمـاً وَ أَبداً الحَل الأَليمْ هُو مُرآجعة الشُؤون التَعليمية ، ...

/
\

[dre]

هوا مو بس أليم مراجعة الشؤون التعليمية,
كمان يطفش وينكد وزهق ويقرف,وخصوصا في كليتنا

الله يعين

[^_^]

يااااه ... كنا زمااااان .. نقول نفس الكلااام ...

واليوم احنا عالمدرج نتفرج

[dre]

شكلك متخرج

يا سيدي,أحمد ربك

[^_^]

نحمدك ونشكرك يا رب

على كل حال ... في السلم والحرب

وندعي لأخواننا المستجدين .. يتوفقوا ... ويصيروا زينا متفوقين

ويهدي دكاترتنا المحترمين .... وما يتجبروا على الطلاب الضعيفين

نحمدك ونشكرك يا رب

[الخيال@]

والله اخس شؤون شفتها في حياتي تبع كليتنا الله المستعان ,,,

[dre]

الحمدلله .. وبالتوفيق يا رب
وعقبالنا , وعقبال المستجدين
والله يسمع منك يا شاعرنا ههههه آمين