ياخوان الحقوا بالله لو سمحتوا الرد عاجلا

[RiSk]

السلام عليكم ورحمة الله وبركاته

اخواني سددت عن طريق الصراف الراجحي يوم 1 رمضان لهالحين مااجتني الرساله

؟؟

طبعا سددت

بالرمز هذا 009

قال ادخل رقم الحساب او الاشتراك

حطيت رقم الطلب

وقال تم العمليه

وعقب معاد جاني لا رساله ولا في الموقع تم قبولي خلاص


وش السالفه ياخوان وكيف اتاكد من هالموضوع مع اني ارسلتلهم رساله على بريد الموقع

لكن مافيه احد رد علي وشاكر لكم جميعا

اتمنى الرد ولكم الاجر وشكرا

[كلية المجتمع]

اللي اعرفه انك تنتظر كم يوم



واذا اتأخر روح راجعهم



الله يسهل لك


تحياتي

[RiSk]

طيب وين ارسل عليهم احد ومتى

ياليت احد يرد علينا وشكرا

[RiSk]

وينكم ياشباب

[D3is]

أذا تم السداد وعطوك ورقة الايصال احتفظ فيها

خلها معك عشان لو شي صار منا ولا منا يكون معك دليل

وو أنا مثلك سددت من فتره وللحين ماطلع شي توه يطلع اليوم تم السداد عن طريق سداد

أنت أنتظـر لين تنتهي المهله حقتك أسبووعيـن وبتشوفها إن شاء الله لاتخاف مثلي انا اليوم تنتهي مهلة السداد وطلعلي تم السداد الحمدلله

[MISH3L]

أسعد الله مساءك , , ,
بالنسبه للتأخير وارد أنا قدمت مع شباب أعرفهم كلهم أخذو بطاقة الجامعه بداية يتصلون عليك Dhl وبعد تتأخر عليك شوي راح أعرضلك الجدول حقي بس لاتعلم أحد

2008-05-09 تسجيل الطلب
2008-05-12 استلام الاوراق
2008-05-14 التدقيق
2008-05-25 استلام الاوراق مرة ثانيه لأن أوراقي كانت ناقصه على كلامهم إن صورة بطاقة الأحوال مش واضحه وأنا راز خشتي لو شافني أي مسؤول كان عرفني بس ماأحب تكون العلاقه بيني وبينهم من البدايه يشوبها بعض الخلاف <<الجمله متعوب عليها كاتبها من قلب لو تقرأها عشر مرات ماوفيت حق كتابتها
2008-05-31 التدقيق ((على صورة بطاقة الأحوال للمذكور أعلاه))
2008-06-15 الكنترول
2008-07-08 السداد إدفع بالتي هي أحسن كانك صادق وتبي تدرس وتسنع وإذا رجعت بكلام ودفعت الرسوم حس عينك تشوفها <<مترجمه باللغه المصريه بحكم تعدد الثقافات
2008-08-06 القبول النهائى
2008-08-27 تسليم للارشيف طبعاً الأرشيف كانو مأخذين إجازه ماأدري وش ذا

الروتين ويقولون أنظمة إلكترونيه إلا والله أنظمة علاقيه مأخوذه من الملف العلاقي الأخضر الذي لايكاد سعودي أوسعوديه إلا ويعرف صولاته وجولاته من
باقي تاريخ إستلام البطاقه والحركات الحلوه هاذي يظفونها لك بنفس الصفحه ومن بعدها يجيك إتصال Dhl ويقولك أنت فلان تقوله لاأمه طيب ماعلينا عاد أنت تفكر إنك فايز بسيارة وإلا بدرزن طراطيع آخر شيء يقولك طيب أختاروك في المنتخب قصدي أوراقك جت وطيحت الميانه معها وقلت جت وإلا شعير بيقفل بوجهك

[ابوراكان 2009]

[اللهم اني صائم 000ياخي وضح كلامك للاخ باسلوب ارقى وبلا تريقة

[ملكه الدلع]

السلام عليكمـ ورحمهـ الله وبركاتهـ

اخي الكريمـ

هنا ماحدث لي بالضبط مثل ماحدث معك



استلام الاوراق 2008-08-24
تم التدقيق التدقيق 2008-08-25
تم قبولك ببرنامج الأنتساب بالجامعة
و سيتم الغاء القبول فى حالة عدم السداد فبل 09/09/2008
تم الانتهاء من اعمال الكنترول الكنترول 2008-08-25
تم عن طريق سداد السداد 2008-09-06
تم القبول ببرنامج الانتساب بالجامعه القبول النهائى 2008-09-07

وسددت المبلغ في رمضان وامس اللي جاني القبول النهائي

فأستنى عليهمـ كمـ يومـ واهمـ شي الوصل من الصراف الالي بعد ماارسلت المبلغ

ودا الرقمـ راجعمـ فيهـ 02_6952000

تحويلهـ صفر للمساعدهـ

اتصل في الصباح واللهـ يوفقكـ يارب

اتمنى اني اكون افدتكـ

وشكراً

[MISH3L]

المشاركة الأصلية كتبت بواسطة ابوراكان 2009 [اللهم اني صائم 000ياخي وضح كلامك للاخ باسلوب ارقى وبلا تريقة

سبحان الله فيه ناس إذا صام صام عن الأكل إما إخلاقه سيئة حتى يأكل
من حسن إسلام المرء تركه مالايعنيه ولايسعك هذا الحديث, الموضوع بيني وبين الرجل
إما الأسلوب الأرقى الذي تتحدث عنه فلاأظن أنك إستعنت به يوماً في حياتك كلها

[العلم والعالم]

المشاركة الأصلية كتبت بواسطة ابوراكان 2009 [اللهم اني صائم 000ياخي وضح كلامك للاخ باسلوب ارقى وبلا تريقة

يا أخي أبو راكان الرجل ما قال شي مجرد تسلية و ترفيه عن النفس ومن باب المزح والموضوع ما فيه أي ترقية


أتمنى أن تقبل كلامي بصدر رحب

بارك الله فيك ورزقك من حيث لا تحتسب