عدم الرد على المعاملات الإلكترونية

[alshmlany]

السلام عليكم ورحمة الله

يا اخوان صار لي اسبوعين مرسل معاملات الكتروني للجامعة

وإلى الآن ما فيه احد رد علي

طلبت تمديد فترة والوقت يمر

والتليفونات ما يردون عليها

والمشكله الواحد الفترة هذي ما يقدر يسافر ويراجع الجامعة

وش الحل

[المميــــز]

الحل انك تدعي ربك
ماتعرف نظام جامعتنا الحبيبه ابشرك التيلفون لو رد عليك مايعطيك نتيجه والا بيصرفك
هذا عميد القبول والتسجيل يقول التيلفونات عليها ناس مخصصين ويردون عليها

[المبلع]

شوف ارسل لهم اكثر من معاملة بنفس الموضوع
لان مره صارت معي ارسلت لهم معاملتين وحده ردو علي فيها والثانيه قفل النظام وتخرجت وهي الى الان ماردو عليها مع ان الموضوع واحد

[alshmlany]

المشكله ارسلت لهم ثلاث معاملات
اول معاملة قالو لي راجع عمادة القبول والتسجيل

وثاني معامله طلب تمديد فتره
ما استلموها إلا بعد يومين مرسلين لي على الجوال تم استلام معاملتك الإلكترونية
وإلى الحين لم يتم الرد او علا قولتهم جاري دراسة الموضوع

والثالثة لي الحين 10 ايام ما استلموها

[شخصية مستهدفة]

أخوي الشملاني ,,,

بعد التحية اذا انت مسجل هالسيمستر صيفي لازم تجي تراجعهم بنفسك

أو اذا بتاخذ الترم على بداية السنه لا تستعجل راجعهم لا قرب وقت المحاضرات ,,, عشان يفتحون لك النظام

<<< انا لما رحت لهم كذا قالولي

[alshmlany]

المشاركة الأصلية كتبت بواسطة شخصية مستهدفة أخوي الشملاني ,,, بعد التحية اذا انت مسجل هالسيمستر صيفي لازم تجي تراجعهم بنفسك أو اذا بتاخذ الترم على بداية السنه لا تستعجل راجعهم لا قرب وقت المحاضرات ,,, عشان يفتحون لك النظام <<< انا لما رحت لهم كذا قالولي

يعطيك العافيه اختي شخصية مستهدفة

المشكله إني ما اقدر اسجل الترم الصيفي إلا عن طريق الاوديوس ومقفل علي

انا اليوم قدمت اجازة على يوم السبت ويالله وافقوا عليها

وابي اجي واراجعهم واشوف وش آخرتها معهم

لانه باقي لي 19 ساعة وابي اقسمها على ترم صيفي والترم الأول السنه الجاية

ومشكورين وما قصرتو