سؤال للجميع ..بخصوص علاقة اسماء الدكاتره

[شيخ الزين]

السلامعليكم ورحمة الله وبركاته

يسعدلي صباحكم ... والف مليون مبرووك للناجحين ..واللي ماتوفق هالسمستر يحمد الله ويشكره ويشد حيله ويسوي اللي عليه ...ويقول عل وعسى بالامر خيره ان شاء الله

سؤالي / بصراحه انا طالع المستوى الخامس الحين وحتى الان مستغرب ....

علاقة الدكتور وشعبته في الانتساب ...اذا كانت الاسئله النهائيه موحوده سواء للطلاب
او موحده للطالبات
يعني اعذروني على هالكلمه شدخل الدكتور وشعبته وطريقته ووو
في الاسئله النهائيه واحنا كطلاب انتساب عندنا اختبار واحد من 100 درجه
والاسئله توضع من كذا دكتور وتعتمد
والا انتم قصدكم في تصحيح الدرجاات
يعني انا مثلا تنزل المواد مااحذف ولااضيف ولااسوي شي اروح للمركز واخذ الملخصات واذاكرها
وادخل الاختبار ان نجحت نجحت وان رسبت الشكوى لله
وش دخلني في الدكتور وكيف اعرف مين دكتور هالماده ومين دكتور هالماده ووش ماضيه ووش سالفته
انا بصراحه هالموضوع ماني فاهمه ..انتساب ولنا علاقة في الدكتور الفلاني والفلاني ..!!

اتمنى مااكون طولت عليكم وفهمتوو قصدي

[بندر1]

هلا والله باخونا شيخ الزين

شوف اهم شي بالماده لما تجي تضيفها هو دكتورها ... مثلا انا اذا بضيف مادة ادارة الجوده وهي ماده اختياريه ..

اهم شي اروح للشعب الدراسيه اللي بالأوديوس واختار السنه ومن ثم الفصل ومن ثم pad

ويظهر لي اسماء الدكاتره لجميع مواد الاداره العامه ... (( الى هنا تمام )) ...

اشوف من اللي ماسك الماده هل هو ياسين شعبان ... ام عبدالعظيم شمسان ...

اذا ياسين شعبان احذف الماده وادور ماده غيرها ... لأن ياسين شعبان من الدكاتره الصعاب في الأسئله وقي المساعده

.... أما الدكتور عبدالعظيم شمسان ... فهم من افضل الدكاتره سواء بالأسئله او بمساعدة الطلاب تقريبا واحد بالميه

من الطلاب يشيل اي ماده معاه ... او اقل بعد ...

وعلى هالطريقه ... (( اتمنى ان اكون افدتك )) وأي استفسار انا بالخدمه ...

[ابو زياد الهذلي]

الي اعرفه ان الي يحط الاسئله لجنه
واحيان ماهو معاهم دكتور الماده

[يآرب مآخآب من ترجآك]

المشاركة الأصلية كتبت بواسطة ابو زياد الهذلي الي اعرفه ان الي يحط الاسئله لجنه واحيان ماهو معاهم دكتور الماده

تخيل بس اجل دكتور غفله
لايحط اسئله والتصحيح الي احيانا اجل ليش دكتور

[بندر1]

لا لا اخوي زياد الهذلي ...
اللجان فقط في المواد العامه ... اللغة العربيه .. الثقافة الاسلاميه ... اللغة الانجليزيه ...

اما مواد التخصص فحسب الشعب ...

حتى يكون دكتور محدد هو المسؤول عما يحدث ... مثال قريب جدا ( اخلاقيات العمل ) مع الدكتور احمد المزجاجي .

وكذلك ( سياسه عامه وصناعة قرار ) مع الدكتور حامد دوعان ..

وحتى بدون امثله انا اخوي اتكلم من خبره وتجربه ... وكلام من الدكاتره أنفسهم ...

[شيخ الزين]

يعطيك الف عافيه اخووي بندر مااقصرت

وكفييت ووفيت

احس انك فتحت عيني على (مطب) كان قداامي

لاعدمناااك يالغالي

والله يوفقك ويسعدك في الدنيا والاخره

طيب بما انك خبره وكذا ممكن اثقل عليك بسؤال بعد ولايهون الجميع

ابي انزل 9 ساعات ترم صيفي وش تشوف مواد حلوه انزلها في الترم الصيفي مو مشكله لو كانت فيها شوية صعوبه

<< يفكر يخلي المواد السهله بالترم الاخير حرام ناخذها بالصيفي

دمتم بوود

[بندر1]

قبل ماأبدأ بالإجابه اخوي ..

هل عديت الترم الخامس ام النت الترم القادم الخامس ؟؟؟

[شيخ الزين]

لا اخوي الترم الجاي الخامس

بس من زود الحماس نسيت ابين لك وهذا انا اطالع فيها جاني احباط احس اني لسه ماانتصفت خخخخ

يعني المواد الجديده
ثقافه اسلاميه 2
اخلاقيات العمل ..نظرية التنظيم ...ادارة الخدمه المدنيه ..تنمية الموارد البشريه ...سلوك تنظيمي ... والمواد اللي بعدها بالخطه الدراسيه ..

الف شكر لاهتمااامك

[بندر1]

هلا والله اخوي ...

مادة اساليب وطرق العمل ... اذا عند الدكتو عبدالله السالم .. انصحك ماتتركها ..

مادة علاقات عامه ... ( ماده اختياريه ) عند الدكتور محمد أسعد .. لاتتركها ابد ...

مادة الرأي العام ( ماده حره ) عند الدكتور ظافر القرني ..

طبعا هذي المواد اللي ذكرتها لك سهله وحلوه وخفيفه ... لكن تعتمد على الدكاتره اللي ذكرتهم لك ...

الترم الصيفي برمضان وأنصحك تبتعد عن المواد الدسمه ... لأن بعض الأحيان الدكاتره ينزلون نفس اسئلتهم للترم

السابق ... والأسئله مو سهله ...

شوف اذا تنمية موارد بشريه مع طلعت سندي انصحك بها باذن الله راح تاخذ فيها فوق الــ 90 (( لكن فبل ماتنزل

الشعب صعبه تحدد ))

لأنك ممكن تحدد الان وتلغي كل المواد اللي اخترتها ...

يعلم الله ان باقي لي مواد في المستوى الرابع ... ماأخذتها كله بسبب الدكاتره ... حالف يمين ماأنزل الماده الا لما

يتغير دكتورها .. اخي العزيز الدكتور هو اللي يرفع معدلك وهو اللي يخسف به الأرض ..

انا انصحك لاتستعجل بالمواد حتى تشوف الدكاتره ... وراح ارسل عالخاص ايميلي ... ونكون على تواصل بإذن الله

[يآرب مآخآب من ترجآك]

اولا.. الاسئله مو دايما موحده :)

ثانيا الدكتور احيانا يحط اسئلته مره غبيه وفيها لفه مبين انه حاقد:d

ثالثا احيانا في دكاتره معروف يرسب لان مو دايما التصحيح الي

فهمت:)