كلام عميد كليه الاقتصاد والاداره عن ماده اداره عمليات ...

[AL_HATTAN]

السلام عليكم اخواني ..

اليوم انا كنت في الجامعه .. رحت مع صاحبي لقسم اقتصاد واداره بخصوص ماده اداره عمليات .. وقابلنا الدكتور كاسر واتكلم معاه على الاختبار قال اذا كنت انتظام اقدر اساعدك بس انت انتساب كل شئ بيد عميد الكليه ..

ورحنا لعميد الكليه وقابلنا السكرتير حقوو وشرحنا له ايش صار وكل شئ قال سووو اعتراض لخط اليد وارقام السجل للطلاب المعترضين وهاتوها تعطيها للدكتور عميد الكليه وهو يستدعي الدكتور كاسر ويتفاهم معااه اما زي كذا صعبه شويه يناديه على كلام واحد او اثنين ...

وبعدين واحد من الشباب قابلناه يقول قابل العميد واتكلم معاه وكان في قمه الاخلاق والادب بصراحه ومره متعاااوون مع الطلاب ..

قال اكتبو ليا اعتراض بكل اللي صاار وايش الفقرات اللي فيها خطأ او لبس .. واكتبوو ارقام السجلات الاكاديميه حقتكم وهاتوها .. ومايصير الا كل خير ان شاء الله ..

واعطانا رقم الفاكس ورقم جوال السكرتير ورقم المكتب وكل شئ قال وقت ماتبغوني تلاقوني عندكم ان شاء الله ..

يلا البركه فيكم .. اجمعو لنا الارقام كلها اللي عندك .. وسووو لنا خطاب معتبر كذا والفقرات اللي فيها مشاكل .. ونرسلها للعميد ..

بما انوو ماعندي هذي الماده .. بس حاب اخدم الطلاب ..

بالتوفيق يااارب ..