خبر لحاملين المواد من الترم الاول وحتى الثاني

[abdullah albahli]

الاسلام عليكم للجميع
اليوم في قاعه امتحانات الرياض سألنا الدكتور مدري وش اسمه الي ماسك المايك
وقلنا بخصوص الحاملين مواد الترم الاول وش نسوي?
متى نختبر?
يقول اي واجد يحمل ماده يدرسها الترم الثالث او اي ترم بعده
ومافيه تختبرها بالصيف


لذا وجب علي اخباركم
والي في جده ياليت يتاكدون من الموضوع

[أ.حمد]

انا حامل مادتين

ومأمل اختبرهاا في الصيف

يعني تتراكم علي مع الترم الثالث

[العواض ظاهر]

شكرآ للك على الموضوع وياليت طلاب جدة يتاكدون لنا

[fabry]

انا خايف احمل مادة مهارات التفكير يعني لا سمح الله وحملتها ما اختبرها الا على الترم الثالث هذا المقصد يعني

اجل نسبة السنة التحضيرية اللي على حسب المعدل تختار الاختصاص كيف رح نختار اختصاصنا واحنا ما كملنا الساعات المكتسبة

وضحوا لي بليز

[الوثلاني]

دفعة 09 اختبروها بالصيف يعني اعطوهم فرصة افضل من دفعتنا :(

[abdullah albahli]

يا اخوان الخبر الي عندي مو اكيد ميه بالميه
يمكن ان الدكتور يصرفني
انا اتمنى من شباب جده التأكد من الخبر لاني صراحه حامل العربي وابي اختبره بالصيف

[صائدالطرائد]

يالربع ياليت احد يتاكد باي طريقه كانت لان والله الخبر ذا اذا كان صحيح مصيبه

ياليت يالربع احد منكم يتاكد لان صدري ضاق من هالخبر

<===== شايل معه مادة اللغه العربيه ويبي الفكه منها :(

[زعيماوي]

اذا خلصت 20 ساعه تقدر تتخصص وتأخذ الماده معاك الترم القادم
واذا ما كملت ال 20 تأخذها في الصيفي لأنه لازم تخلص السنه التحضيريه ’’’’

[سلطان بن مساعد]

بصراحه احس احسن منيب رايق بالصيف

[الساهر8]

الاختبارات لي حاملين المواد في الصيف مافي شيء اسمه ترم ثالث لانه لازم تخصص والواحد يكون مخلص مواد السنه التحضيريه وانا متأكد مليون بالميه من كلامي والي قالك هالكلام احتمال كان يبغى يصرفك مو رايق يرد عليك الا بالكملتين هدي عشان ماتنفخ رأسه باأكثر من كدا اسئله