سؤال بـ مهارات التفكير

[مشعل مشعل]

السلام عليكم

طبعا الكتاب كله فهم وانا متكل على الله ثم هالفهم

فـ في سؤال مافهمته اتمنى تفهموني عليه

انواع الفروض:
الفروض نوعان فرض مباشر وفرض غير ماشر
الفرض المباشر هو الفرض الذي يحاول الباحث من خلال صياغتة اثبات علاقة بين متغيرين سواء كانها علاقة طردية او عكسية

مثال1:زيادة العبء الدراسي تؤدي على ارتفاع المعدل التراكمي(علاقة طرديه)
مثال2:زيادة العبء الدراسي تؤدي الى انخفاض المعدل التراكمي(علاقة عكسية)

ممكن تشروحنها لي يعني مو بالمعنى الفصيح اشرحو لي مثال غير هالمثال اللي جنني

مادري هي لعب ولا عبئ ولا ايش بالضبط

وفي فرض طردي مباشر وش سالفتهم

يعني عطوني امثلة غير هالمثال يعني كأنك امامي وتسولف لي سوالف

[خجلانكو]

اسمع ياخوي حطها زي الأسهم
زيادة العبء الدراسي (( الزيادة السهم فوق)) تؤدي إلى ارتفاع المعدل التراكمي (( الارتفاع السهم فوق )) اذن طرديه
======== (( ====== )) ==== انخفاض ===== (( الانخفاض السهم تحت )) اذن عكسيه
الطرديه هي اللي تجي كلها نفس بعض يعني زياد ــ ارتفاع أو نقصان ــ انخفاض
العكسية تجي عكس زياده ـــ نقصان أو ارتفاع ـــ انخفاض
اتمنى انك فهمت
الطردي والعكسي هو الفرض المباشر
اما الفرض الغير مباشر هو اللي يكون فيه السؤال نفي يعني

ان اعجبك شرحي اتمنى الدعاء لي بالهدايه والتوفيق وان الله يعافي بنتي

[العاقل1403]

بحاول اشرح لك اخوي وان شاء الله الشرح يكون واضح

الفرض المباشر هو انك تحاول تلقى اي رابط بين حاجتين اي حاجتين في العالم وطبعا انت الباحث طال عمرك
يعني لما اقول لك وش الرابط بين سوق الاسهم وسوق العقار
تقول اذا ارتقع سوق الاسهم نزل سوق العقار ((علاقه عكسيه )) اذا ارتقعت الاسهم نزلت الاراضي كل واحد عكس الثاني
طيب اذا قلت وش الرابط بين معدلك ودرجاتك
تقول اذا ارتفعت درجاتي ارتفع معدلي والعكس كمان صحيح اذا نزلت درجاتك نزل معدلك ((علاقه طرديه )) كل واحد منهم يلحق الثاني

هنا تكون انت الباحث وتكون جالس تحاول تصيغ الرابط او العلاقه بين حاجتين متغيره والعمليه كلها اسمها الفرض المباشر يعني تلقى رابط او علاقه مباشره

طيب اذا جيت وقلت لك وش الرابط بين السيكل والبحر
بتقول مافيه علاقه
اقول انت الباحث والعلاقه هي صفر يعني مافيه رابط بينهم وانت تحاول القيام بعمليه الفرض غير المباشر يعني مافيه اي رابط بين الحاجيتين المتغيره السابقه


وعموما انا هنا اذا بغيت اي شيء والاخوان ان شاء الله مايقصرون


ملاحظه العبء هو معدلك التراكمي لهذا الفصل


تحياتي وتقديري لك
اخوووووووك العااااااااااااقل

[سومه الزعيم]

موفقين

[مشعل مشعل]

العاقل1403

الله يعطيك الف الف عافية

الله يرزقك من وين ماوجهت

[مشعل مشعل]

خجلانكو

الله يجزاك خير

ماقصرت والله كفيت ووفيت

واسأل الله العضيم رب العرش العضيم ان يشفي بنتك وتقوم بالسلامة

وتفرح فيها يااااااااااااااااااااااااااااااااااااارب

وعقبال النجاح ان شاء الله

[ريم الفيصل]

الله يجزاكم خير

ويوفق كاتب المووضووع وإلي شرحو بكذا فهمتونا أمر مهم

ربي يسعدكم