أشياء تعطيك دافع قوي للمذاكرة للشباب والبنات

إحساس ناجح · #1 01-06-2010, 01:32 PM

الكل يعرف في بعض الأحيان تدور على أشياء تزيد من شجاعتك للمذاكرة وأنا أبتكرتها لأنها أعطتني دافع ونتيجة في الترم الأول وهي :

1/ إذا جيت تذاكر لاتقلب الصفحات وتشوف كم باقي علشان تخلص شوف الباب كم صفحة مثلا 40 صفحة في هذا الوقت تقدر تحول التوتر والخوف إلى تسلية خليها لعبة طريقة اللعبة بعد ماتشوف الصفحات كم عددها قبل ماتقرأ إتحدى نفسك والساعة تتحداك خلال 45 دقيقة من يسبق الثاني تقدر تفوز على الساعة ولا الساعة تفوز عليكم
أعرف إن بعضكم يعتبر هذا مهزلة لكن والله زي ماقلت إذا حولنا المذاكرة للإستمتاع راح تذاكر وإنت واثق من النجاح وكل مرة تفوز على الساعة راح تصير ذاكرتك أقوى وحفظك أسرع وتستمتع أكثر

2/ خليك متنوع كيف ؟ مرة ذاكر في الغرفة ومرة على سريرك ومرة عند أمك ومرة في الصالة حتى الأكل خليه مشكل يعني اليوم مشويات بكرة إندومي وإنت تذاكر إذا تعبت روح جيب صحن حلا سكر قليل لأن السكر الكثير يسبب الخمول والأفضل تعتمد على السكر الطبيعي في الفواكه العصيرات لأن السكر الطبيعي غذاء للمخ والشاي الأخضر وأنصحكم تبتعدوا على الزيوت الدهون الكثيرة واللي عنده ظروف خاصة في الأكل يعطيني خبر

3/ التنويع في الأكل يفتح شهية المخ للمذاكرة وهذا الشيء ماراح تعرفه إلا إذا حسيت نفسك مرتاح

4/ شيء مهم جدا كل ربع ساعة وإنت تذاكر خذ نفس لمدة دقيقتين شهيق طويل وزفير طويل عن طريق الأنف وتقفل عيونك وفمك الفائدة تنشط الذاكرة وتفرغ الشحنات المسببة للتوتر

5/ إذا حسيت نفسك مليت وإنت تذاكر روح لأمك سويلها تدليك لرجولها أو روح إستحم أو إطلع السطوح وإنزل للترفيه وراح العقل بشرط ماتزيد عن خمس دقائق

6/ من الأسباب اللي تخلي الواحد ينسى شيئين
الأول/ النوم القليل لازم تنام تمام العقل يحتاج راحة مثل ماإنت تحتاج راحة
الثاني / الشيطان يقولك ماراح تفهم وتخلي الصلاة وإنت تذاكر

7/ مشكلة اللي يقول ذاكرت الكتاب كامل وماأقدر أتذكر شيء أقول هذا شيء طبيعي لكن في الإختبار راح تعرف لأن العقل يصور ويفهم فإذا جاء الإختبار راح يقولك ويذكرك لا أحد يخاف ويسوس

((أعيد وأقول طبقوا هذي الأشياء وماراح تندموا وإن شاء الله ربي مايضيع مجهودكم بس مو يعني نقصر في الصلاة ونبتعد عن أمنا وأبونا بعذر الإختبار ونصيحتي لكم لا تضيعوا وقتكم في الجول والماسنجر وبعدها نقول مافي وقت اجتهدوا وكل أمرك لربك وطبقوا اللي قلتوا لكم ))

من حبي لكم ساعدتكم
أحمد الفايدي