الله ينجح ويوفق كل من يدلني

[ذيب تربة]

السلام عليكم ورحمه الله وبركاته
يااخوان انا طالب منتسب وعندي اختباريين ورا بعض بالتمام
وش الحل والمادتيين صعبة تكفوووون وش اسوي
شوووفو لي اي حل
الله يوفقك وينجح من يدلني
ويرحم والدينه يااااااارب

[روان لبيب]

الله يوفقك

[عازف الروح]

السلام عليكم

الله يعينك اخوي ذيب تربه

الحل وانا اخوك
انك تبدا تذاكر المادة الثانيه من الان ..
تذاكرها قبل
وبعد ما تخلص المادة الثانيه تبدا بالاولى

وقبل الاختبار بيومين
تراجع المادة الثانية مراجعه نهائية ..
وقبل الاختبار بيوم تذاكر المادة الاولى وتحط تركيزك عليها

وبعد ما تطلع من الاختبار وقبل تدخل الاختبار الثاني تسوي مراجعة سريعه لما قرأته للمادة الثانيه


يمكن الحل ما يعجبك
لكن هذا هو الحل الانسب في نظري بحكم انها صادفتني لاكثر من مره والحمد لله نجحت معي

وبالتوفيق

[امـــير الشـــوق]

المشاركة الأصلية كتبت بواسطة ذيب تربة السلام عليكم ورحمه الله وبركاته يااخوان انا طالب منتسب وعندي اختباريين ورا بعض بالتمام وش الحل والمادتيين صعبة تكفوووون وش اسوي شوووفو لي اي حل الله يوفقك وينجح من يدلني ويرحم والدينه يااااااارب

بالاول ريلاكسيشن
وهدي من نفسك اشوي
والوضع بسيط جداا جدااا.. بس يبيلك اشووية تركيز
وترا ما يوديك بداهيه الا الخبصه وعدم الترتيب اللي انت فيه
والنظاام صريح ((اذا عندك 3 مواد في اليوم الواحد .. تروح للكليه للتنسيق ))
وانت عندك مادتين فقط
يعني زي ما تفضل اخووي عازف الروح .. ابدا بالثاينه واختمهاا زين كانك اتذاكرهاا المذاكره النهائيه ... << يعني تخيل انها عليك بكره
وبعدين ابدا بالماده الاولى
وربي يرضالي عليك عندك وقت (( 3 اسابيع )) من الان .. يعني رااح تحفظهم باذن لله زي اسمك
واتمنالك التوفيق

[*.*]

ابدأ ذاكرها من الحين

والله يوفقك

دعواتك بالله

[المحافظ]

ولو انه متأخر....بس كان عندك مجال تحذف وتضيف بعد مانزل الجدول خاصه انك ما بعد ذاكرت
عموما شد حيلك وأبدا ذاكر الاصعب والله يوفقنا وياك

[لايت مون]

الله يعينك ويسهلك

انا كمان عندي اكتر من مادتيين ورى بعض

الجدول زفت والحمد لله

مانقدر نقول شىء

غير انك تفك الكتاب وتتوكل على الله

والله يسهلنا ويكتبلنا درجات حلوه

بالتوفيق

[فهـد]

ما اقول

الا الله يوفقك

[| •_• | ḎồỢốḏξ]

ممممممم أتوقع تقدر تحذف ماده وحده من نفس الجامعه !

والله أعلم ..

[ذيب تربة]

هل لو ذهبت للجامعة يقدرون ياخرون الاختبار