وينكم ياطلاب الوضع ماينسكت عنه نبي حمله نبي نعدل وضعنا ووضع الرسوم

[جامعي ولاكن؟]

تم طردي من المنحه الله لايوفقهم
ليش ماادري وش الحل لازم راجعهم ولا اسدد وبس
كلمهم زميل لي
بصراحه شر البليه مايضحك وسألهم عن سبب التأخير قالو ان المتقدمين اكثر من 8 الاف
اخذنا منهم تقريبا 500 بس
وقال لهم زميلي بناء على ايش تاخذون قال نشوف يعني تقدير مننا لوضعهم قاله طيب كلها في الجهاز بيانات فقط يعني مابعد وصلت الاوراق الرسميه قال هذا هو الي نسويه عندك اي اعتراض ......!
اعترضت تريله في وجهه إن شاء الله
الله لايوفقه تقول نشحذهم ياخي مهزله يعني زياده على دفع الرسوم هذي الي تقص الظهر وزياده على التعب اخلاق زفت ودرجات سيئه تصحيح بدون ذمه وضمير
لاكن حنا كطلاب وش بيدنا كلن يقول الستر وندربي روسنا بهالجامعه وساكتين ياخي خلونا نكتب عن هالرسوم ياخي مب كل الناس تقدر تسدد نسدد بيت ولا سياره ولا جامعه ولا مستشفى ولا شقه ولا ايش بالضبط ........................................؟
المهم مالكم بطويله شوفو لنا حل ونبي اداره المنتدى تتفاعل معنا وتطرح لنا حمله يخفضون الرسوم ياخي تعبنا جاملنا سكتنا مافيه اي فايده نبي حمله
احنا طلاب وهم مستفيدين منا عشان الرسوم فقط ولا والله العظيم ياشهادتهم انها ولا شي عند التعلم خذوها مني بصراحه اغلبنا يدرس عشان ترقيبه وهذا هو الاغلبيه طبعا عموما لاتنسون هالموضوع وياليت نتكاتف مع بعض

[Hard 2 Reach]

لا بارك الله فيهم ولا في منحهم

شف قوة الوجه

نعتذر نظراً لمحدودية العدد وكثرة المتقدمين

طبيعي ان المتقدمين كثير العالم كله يعاني مو بس احنا يعني لا بد من النظر في تخفيض الرسوم وخصوصاً الصيفي اجل الصيفي 3000 ولا تقدر تاخذ الا 9 ساعات

شي يرفع الظغط

[فـــــرح]

من توكل على الله فهو حسبه
فحسبنا الله ونعم الوكيل على كل مسؤوووول ظاااالم وجاااائر
حسبنا الله ونعم الوكيل اذا كان التعليم أصبح بمبلغ وقدره
والله لو سحبوا من جيب الطالب فقط 500 ريال لتغطي وضع الجااامعه ومنسوبيها والقائمين عليها من إلى
فمابالكم بـ 3000 من كل طالب و9 ساعات لا أكثر
والعدد بإزدياد
لكن هذا ماجناه علي أبي
مسؤولين غير أكفاء
ياعالم وين حقوق الإنسان
ليـــــــــــــــه ماتكون فيه لجنه ترفع شكاوي الطلاب بنفس الجامعه وتتابع معهم مثل هذه المواضيع ؟
لكن المال السايب يعلم السرقه والحكومه الرشيده ماقصرت حطت ناس بمناصب وبدون ملاحظه ومراقبه
وهذا حالك يابلد
جده غرقت بنقطة مطر والسبب مسؤول مهمل
والجامعه كل مالها في الحظيظ والسبب ..............


حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل


حسبنا الله ونعم الوكيل


لا حللكم الله فيما أخذتموه وستأخذوووه