سؤال بخصوص الدوام مع الانتظام

[كيان انسانه]

السلام عليكم ورحمه الله وبركاته
كيفكم ان شاءالله بخير
المهم بدخل في الهرجة ابي اسالكم يابنوتات بخصوص الدوام مع الانتظام انا انتساب سنة تحضيرية
خطة أ زي ماانتو عارفيين راح يكون دوامنا هذا الترم عن طريق السنترا وانا صراحه مو مرتاحه لهذا النظام
عشان كذا فكرت اني اداوم مع بنات الانتظام بس مدري عن الاستاذات يخلوني احضر معاهم ولا لا
ارجوكم يابنوتات اللي كانو يحضرون في الترم الاول مع بنات الانتظام يجاوبوني لاني اخاف اداوم مع الانتظام واتفشل وانا بصراحه مااحب اتفشل بليييييييييييييييييييييييز ردو عليا الله يسعدكم....

[روجي العمر]

حبيبتي كيان انسانه وانا كمان ابى اعرف نفس الكلام اللي كتبتيه لانو خايفه اداووم واتفشل

بليزززز ردوووو

يعني لو روحنى ودخلنا عادي بليزززز


عشان نبدى معاهم من بكرا << استعدت ههههه

[المحتاسه]

والله حتى انا ماابي السنترا
بس يقولوا عادي تستأذني اول شي من استاذه الماده قولي لها انا انتساب وابي احضر وماراح تقول شي وتخليك تحضري معاهم بس لازم تستأذني منهم

[شروووق ..]

ايه لازم تتكلمي مع الاستاذه اول لانو يمكن تكون شديده وتحب تشوف من حضر من طالباتها
وفجاءه تكتشف انو انتي مو من طالباتها اكيد رح تحرجك

[Frish flower]

استأذني منها وداومي عادي واذا مارضت روحي عند استاذة غيرها ..
ربي يسهل عليكم ويوفقكم ..

[لودي1000]

ايوة يابنات حتى انا ودي احضر مع الانتظام ما ابغى سنترا
انا خطة أ المهم احضر احصاء وانجليزي102
بس مشكلتي صحباتي تخصصو يعني ماراح يحضروا معايا
شكلي بتفشل لوحدي
بالتوفيق لي ولكم

[روجي العمر]

ياااصبااياا يعني نروح بكرا نداوم

ونستأأدن عشان نبدا من البداايه

ردوا بليزز عشان اتجهز ع اساس انو اروح بكرا

[لودي1000]

انا افكر اروح يوم الاحد الله يستر وقاعدة انبش عن استاذات طالبات الانتظام
اشوف ايش يطلع معايه خلونا على تواصل بنوتات
بالتوفيق لي ولكم

[al_wed]

ياااليت نعرف..

الي راحت وحضرت يااليت تفيدنا...

[روجي العمر]

انا بكرا برووح

وبشووف كيف الوضع

ادعولي محد يطردني هههه والله خوفي يشووتوني اووصل لشطر الطلاب ههههههه


برب لي عوده بخبر حلو ان شاء الله