فيدونا بخبراتكم

[ناسا للوناسه]

السلام عليكم ورحمة الله وبركاته
اخبار الحلوين وكيف علم النفس معاكم ان شاالله حلو..
انا افكر اخذ علم نفس الشخصية وحابة استفيد من خبراتكم فيها اذا مرت عليكم
ومع مين تنصحوني اخذها وكيف الاسئلة فيها والمذاكرة ويحذفون منها ولا من الجلدة للجلدة
والتكاليف حقتها ولا تنصحوني ابطل منها وتنصحوني بغيرها واهم من المادة اللي يدرسها..
واكون شاكرة وممتنة

[المميــــز]

مراحب
الماده انا اختبرتها قبل اسبوع وصعبه
وفيها حفظ
حسب ماشفت معلوماتك ان تخصصك قانون يعني ماده حره
لا والله ماانصحك فيها صراحه الا اذا كان المنهج يتغير من الاولاد الى البنات
بس نصيحه شوفي ماده غيرها

[بنت قحطان]

حرام عليك المميز وربي الماده حلووووووووووووه
وبعدين وشهي يعني معلومات سابقه مافيها جديد

[queen soso]

ع حسب الاستاذة

بس الصراحه ماده حره من علم النفس مانصح

خذي لك من اي قسم ثاني وماده تكون مضمون تاخذي فيها درجات

وتكون سهله احسن لكـ


وربي يوفقكـ ..~

:)

[المميــــز]

بنت قحطان
والله مو حرام علي ولاشي اعتقد انك انتي من نصحني اخذها ان لم تخني الذاكره
ولاصدقت خبر اعديها
فعلى كذا الماده تكون محبوبه لك ولكن عند غيرك تكون صعبه
كل انسان له ماده يكون يرغبها ويحب يذاكرها ويفهمها بسهوله وفي غيره العكس الصحيح
وهذي وجهة نظري بالنسبه للماده
بعدين انتي مو تقولين اقل درجه عندي 88 ههههه مانسيت
يعني كل شي صعب عندنا عندك سهل

[الدانــــة]

المااادة حلوووووووة

أنا أخذت فيها a+الحمدلله

أخذتها ع أنهااار خوجه أسئلتهااا سهلة

[ناسا للوناسه]

والله حيرتوني معاكم
عموما شكرا على اللي قدمتوه
والله يوفقكم يارب ويوحدكم على راي

[نبـْض أخيـرْ]

واللهي شوفي لو تبين نصيحتي...
ماانصح اي وحده تأخذ مواد حرة من عندنا.. مدري بس احس a+ مآتخذينهآ بسهولة.. لآزم تتعبين عشآن تآخذينهآ.. خاصه مع التكاليف الي دايم انقص فيها وتعقدت منها..
نصيحة لك اذا عاوزة a+بدون تعب (كثير).. شوفي اي مادة من تخصصات ثآنيه.. وموفقة..

[جمان السماء]

ماده حره من علم النفس عذاااااب


الماده بالنسبه لنا تخصص علم نفس سهله لانها معلومات مكرره

لكن كان معاي بنت ماخذتها ماده حره مرررره تعبت فيها

لان التكليف كان دراسة حاله وهذا صعب على غير التخصص

بالاضافه الى انها تحتاج حفظ كثير


للاسف هذي الماده خسفت لي المعدل :(

[بنت قحطان]

على قولك كلن وله وجهة نظر والناس قدرات
بس نصيحه لك هيه على حسب الاستاذه والله إذا الاستاذه تمام كل شي يكون سهل وواضح
بالتووووووفيق للجميع