تم الوصول اليوم و ممكن خدمة من بنات الجامعة

[نورة ...]

مرحبا يا صبايا تم بحمد الله الوصول اليوم لجدة و تفاجأت بجوها الغبره مرررررررة شديده و الحساسية اشتغلت .. بس حابة خدمة من بنات الجامعة انا بكرة رايحه لها و حابة أغير بطاقتي بس ما اعرف فين و هل هو لازم او لا .. و كمان حابه اعرف فين مبنى 420 اللي راح نمتحن فيه عشان ادله و ما اتاخر يوم الأمتحان و كمان فينها مكتبة الكلية معليش طولت عليكم انا ما اعرف الا اول بوابه ندخل منها اتوقع انها قريبه من الروضة او شي زي كده
و جزاكم الله كل خير

[طـموحي سـر عـزيمتى]

اول شي الحمد الله على السلامه ثاني شي ان شاء الله البنات يساعدونك انا وربي ما اعرف شي بالجامعه كانت اختبارتي كلها في مبنى 420 ادخل واطلع على السريع ما عندي وقت اجلس بس يارب يوفقك ويسعدك

[ساعة مكتبية]

اولا الحمد لله عالسلامه والله يعينك على قرف جو جده
بالنسبه لتغيير البطاقه والله ماعندي خبر واذا عرفت حقولك ياحلوه
اما البوابه اللي تدخلي منها وقريبه من الروضه هذي اسمها البوابه الغربية2 أما المبنى 420 فهوه بعيد شويه يبغى لك تروحي بالسياره الصغيره هذيكه اللي بالجامعه وتقولي لها اسم المبنى ودقيقتين الا وانتي بالمبنى المطلوب
واللي اعرفه ان البوابه القريبه من المبنى420 البوابه الشرقيه..
ودمتي...
اذا محتاجه سؤال تفضلي وان شاء الله اساعدك
مع السلامه

[مافهمت الناس]

الحمدلله على سلامتك يا نورة من جد أجواء جدة اليومين دي مررره مخيفة

ودي خريطة الجامعة سرقتها من أحد المواضيع



أن شاء الله أنها تفيدك

الله يوفق الجميع ^_^

[نورة ...]

تسلمون ما قصرتوا

[امل يعقوب]

البطآقه غيريهآ من العمآده جنب الروضه بالزبط ~

مدري هو ضروري تغيريهآ او لا بس احتيآط غيرهآ مآتآخذ منك وقت اصلن ولا صوره ولا شي ~


بالتوفييييييق ~