مكان الختبار فندق مدارين راون أو ....

[ابوقيان]

السلام عليكم ورحمه الله وبركاته

مساء الخير ان كنتم مســـــــــــاء
صباح الخير ان كنتم صبــــــــاح


يا اخوان ابسألكم انا فيه شغله مجننتن

وصلتني اليوم رسالة من الجامعة يقلون ( الاختبار سيكون في فندق مدارين كراون ... )
طيب حلو ما اختلفنا

الي اعرفه فندق مداريم كراون اللي كان أول اسمه الفهد كراون وموقعه على الدايري الشرقي
بعد عمارة سابك وقبل المطار

المشكلة ان الرسالة تقول مدارين كراون
والفندق اسمه مداريم كراون

تكفون اذا في فندق ثاني غير اللي انا اعرفه علموني

[SULTAN902]

لا تدقق خطاء مطبعي
بدايتها يبون يلخبطون العالم هههههه

[وليدالبديوي]

هو فندق الفهد كراون

[ابو ريما وبس]

وين مكانه بالتفصيل الممل
الي جاي من غرب الرياض
ولو فيه خريطه الرجاء وضعها هنا
تقبلو تحياتي

[ابوقيان]

اوكي على كذا خطا مطبعي كويس

ابو ريما وبس

موقع الفندق على طريق الدايري الشرقي

وانت طالع من دايري الدخل (الدايري الغربي ) متجه للدايري الجنوبي ( الشفا+ العزيزية + طريق الخرج )
تاخذ الدايري الجنوبي بعدين خلك سيدة بتدخل على ( الدايري الشرقي ) اللي هو امتداد مخرج ( 18+17+16 إلى المطار ) لما توصل عند مخرج ( 8) اللي هو يمين طريق الدمام يسار الدايري الشمالي بعد ما تتعداه تجيك على يمينك عمارة ( سابك ) والفندق يجيك على يسارك خذ المخرج اللي بعد سابك أهم شي لمخرج لا تنساه ولا ترى بتطق مشوار وتديور من بوابة المطار

وصف ثاني اقرب لك بكثير

وانت طالع على الدايري الغربي متجه للجسر المعلق ( لبن ) خذ يمين كنك رايح للسفارات وسيدة تتعدى السفارات وجامعه الملك سعود حتى يجيك مخرج ( الدمام ) تقريباً آخر مخرج تاخذ المخرج اسمه ترى ( الدايري الشمالي )
وسيدة حتى يجيك مخرج ( الدايري الشرقي ) بتشوف عمارة ( سابك ) انت خذ المخرج بس خلك على اليسار يعني فوق بينزلك على الدايري الشرقي تتعدى سابك وتاخذ المخرج ( اللي لا تنساه )

احس اني ضيعتك