لجميع المتخصصين في علم النفس حسب الجدول ملخصات +خبرات + الطلاب مثل الطالبات + الدعوة

[ابو أسيل2]

السلام عليكم ورحمة الله وبركاته

تصدقوني اذا قلت لكم ان حالتي حاله ماعندي سالفة تقول اني طحت ومحد سمى علي سمعت بالشباب يمدحون الجامعه قلت خلني اساندهم وادعمهم واسجل معهم صحيح انهم بيزيدون واحد فالزيادة خير من النقصان المهم مالكم بالطويلة ., قالو تخصص قلت ابشرو كنت بضغط على تخصص دكتوراه ولا ماجستير لكن صرت مقرود وانا نازل بالماوس على خيار الدكتوراة انكسر الماوس وانجبرت اضغط على انتر بصبعي السبابه الله يخليه اللي ولا يحرمني منه وعلق الجهاز ورميته (هين ياولد النعمه) واشتريت من شركة جرير جهاز جديد بس بدون ماوس (اخيراً عرفت انك دفش) المهم ودخلت حصلت تخصصي علم نفس قلت اكويس اكون عنصر فعال في المجتمع واساعدهم تعرفوني احب الفزعات المهم اني ابتلشت في ذا المواد انا ذكي وهذا الكلام مقتنع فيه مثل الستلايت اضط وجهته ويشتغل زين علشان كذا لجأت لزملائي وزميلاتي فلاسفت المستقبل احسن ناس اللي مفيش زيهم يساعدوني ويمسكوني الخط بس وانا اجيب قول على طوووول

اولاً جاملوني قولو دمك خفيف واضحكو اشوي قبل الاختبارات

ابي يكون موضوعي هذا شامل لكل شئ تعرفونه يعني التحديد اللي عند الطالبات مثل اللي عند الطلاب يعني نستفيد من مواضيعكم والملخصات اللي موجودة وكل شئ

انا جدولي كالتالي :

الرأي العام
الاقناع
المدخل الى علم النفس
المدخل الى الاحصاء النفسي
علم نفس النمو

لا تنسوني من دعائكم وماني بناسيكم من الدعاء الله يزوجكم ويرزقكم بالذرية الصاله وينجكم وان شاء الله تاصلون للمراتب العليا آآآآآآآآآمين يارب العالمين

واللي يرد له من عندي توقيع خاص بخشيش بس لا تعلمون احد

[سـامـي]

مــدري


<<<< اول واحد رد

[ابو أسيل2]

هلا اخوي سامي حياك الله رد في محلة وكل الكلام اللي قلته انا مصدقة وشكراً على مرورك الكريم

تقبل تحياتي

ملاحظة معليش على بعض الحروف اللي ناقصة في بعض الجمل اللي في الموضوع اللي انا كاتبة لان بعض الازرار عندي غير موجودة وشكراً