لم يتم قبول طلبي في الاعفاء من الرسوم ؟!.

[منتسب فله]

بسم الله الرحمن الرحيم والصلاة والسلام على اشرف الانبياء والمرسلين وبعد ..


شباب ابيكم انتم الحكم في هذا الموضوع ..

قدمت اعفاء مثلي مثلكم وارسلوا لي رساله وقلت الحمد لله وتسلفت 500 ريال ودزيتها على جده ..

يوم قدمت الاعفاء كنت موظف في شركه ب 3400 ريال وكتبت الكلام هذا اوكي ..

بس بعد مارسلوا لي الرساله كانت الشركه فصلتني واعطوني اخلاء طرف وقدمته للجامعه قلت هذا اثبات اني مو موظف الحين وصرت استاهل الاعفاء اكثر من اول ..

غير اني مستاجر وغير ان ابوي متوفي الله يرحمه بدون راتب تقاعد ولا شي ...

يوم الجمعه الماضيه جاني رساله مثلي مثلكم اذا ماسددت يتم الغاء الجدول بعدها قلت ياولد مالك غير الجامعه وش نسوي ربك كريم ..

1 - بعت جوالي على واحد من اخوياي وشكل الرجال تساعد معي وشراه ب 1000 وهومايسوى 800 ...
2 - نشبت للشركه الين اعطوني حقوقي البالغه 1095 ريال بالضبط ..

3 - تسلفت من واحد من العيال 1000غير الي مسلفينيها الترم الماضي حق التحظيري علشان اشتري كتب واجيب مدرس وادفع حق العالميه في الرياض ...

وبعد هذا كله اليوم الشباب ماشاء الله يتكلمون عن الاعفاء وانه تم اعفائهم والله يبارك لهم ويوفقهم اجميعين ونمتنى للجميع الاعفاء ...

طيب السوال هنا انا وش ذنبي ياخي يصير لي هذا كله بسبب اهمال موظفي خدمات المجمتع بتوع السندويشات على الساعه 9 ولا عندهم غيرها ..؟؟
اتقوا الله فينا وفي ضروفنا ..

سادعي عليهم ليل نهار انكنت ظالم فسئل الله ان يعيد دعائي علي وان كنت مظلوم ان لايوفقهم ويبتليهم بمصائب تهلكهم اجميعن ... امييييييييييييييييين ..

[ابو ولاء]

منتسب فله الله يعوض خير و انا اخوك و الله حالتك صعبه بس ان شاء الله ان هذا اخر ترم تسدد في رسوم و بيني و بينك راجع الجامعه ان شاء الله يساعدونك و مره ثانيه اقولك ربي ان شاء الله يعوضك حتى لو تجيب موادك كلها aaaaaa

[فيصل هزاع]

الله يكون في عونك وانا اخوك والله ان مشكلتي نفس المشكله والله يكون فالعون

[نوووف]

اخي الفاضل والله الجميع يمر بظروفك ويمكن اصعب !!!

لكن مااذا نفعل من ظلم الجامعه نحن نستحق الاعفاء لكن هناك من تم اعفاءه وهو لايستحق

لكن عليك بالاستغفار الاستغفار الاستغفار...

[جنوبية..]

اول شي الله يرحم أبوك ويوسع عليه ويدخله جنات النعيم...
وأسأل الله أن يرزقك من حيث لاتعلم..
والله ناس ماتستحي ولاعندها ادنى مسؤلية تجاه أبنائها..ماأدري ألين متى هالتلاعب بمصير الناس والأستهتار بمشاعرهم..؟؟؟
أخوي أنت مضلوم بس أدعي وأنا أختك على هالحرامية اللي مايخافون الله ...
أسأل الله أن يرينا فيهم غضبه وقوته...
الله يوفقك ..............

[% سلطان الخبر %]

اخوى منتسب

والله العظيم لو اعرف شخص هناك كان قدرت اساعدك بس ماقول الى الله يفرجها عليك


اللهم رب السموات السبع، ورب العرش العظيم، كن لي جاراً من فلان بن فلان، وأحزابه من خلائقك، أن يفرط على أحد منهم أو يطغى، عز جارك، وجل ثناؤك، ولا إله إلا أنت"

"الله أكبر، الله أعز من خلقه جميعاً، الله أعز مما أخاف وأحذر، أعوذ بالله الذي لا إله إلا هو، الممسك السموات السبع أن يقعن على الأرض إلا بإذنه ،من شر عبدك فلان، وجنوده وأتباعه وأشياعه، من الجن والأنس، اللهم كن لي جاراً من شرهم، جل ثناؤك وعز جارك، وتبارك اسمك، ولا إله غيرك" (ثلاث مرات)

[&دانة الدنيا&]

الله يكون في عونك ويعوضك خير..
انا برايئ تروح انت بنفسك للعماده وتدخل عالدكتور عبدالرحمن اليوبي او فهد العبود وتشرح لهم وضعك وان شاء الله انهم يقدرون ويعفون لك لاني اعرف ناس كثير يمكن احسن من وضعك راحو لهم وبنفس الوقت نزلولهم اعفاء ومشي حالهم ...اذا لسى ماسددت سو زي ماقلت وان شاء الله خير ..
بالتوفييييق للجميع ..

[منتسب فله]

يعطيكم العافيه جيمعا ً ومشكورين بس اني سددت خلاص والحين وربي ماني لاقي اشتري الكتب قاعد اناظر الجدول وكانك يبو زيد ماغزيت ؟؟؟؟

لاحول ولا قوة الا بالله ..

[بقاياالليل]

ربي معاك يااخوي حاسه فيك واي كتاب تحتاجو اطلب وان شاءالله الشباب مايقصرو معك ياما قدمت بس ماشفت من وجههم شي ربي ينصرنا

[سني منتسب]

أخوي \منتسب فله
والله ثم والله إني مقدر وضعك وحاس فيك لكن وش نسوي
وانا أخوك (العين بصيره واليد قصيره)

ضاقت فلما استحكمت حلقاتها
فرجت وكنت اظنها لاتفرج
وتذكر دائماانه إذا اشتد سواد الليل فإن الصبح قد قرب
دعواتي لك