الكلية الجامعية بالجبيل

[كرزة]

السلام عليكم جميعا
^__^

بداية حاسة اني مفهية وضايعة بس الموهييم
انا طالبة بكلية الجبيل الجامعية
قسم نظم معلومات ادارية و طبعا دراستي كلها بالانجلش ماعاد بعض المواد العامة
هذا الترم الخامس لي بالـ juc
هذا موقع الجامعة حقتي للي ماقد سمع فيها


يمنع منعاً باتاً استخدام المنتدى للإعلان عن خدمات تجاريه أو منتديات منافسة أو مجموعات بريدية دون إخطار إدارة المنتدى في قسم الاقتراحات والشكاوي .


درست :
java1&2
sysrtem analysis&design1
accounting1&2
management
MIS
micro/macro economics
eng composition1&2
health education1&2
math of management 1&2
statistics1
computer application

النحو - الاخلاق - الايمان

والحين ابي انقل لجامعة الملك عبد العزيزلظروف فماني عارفة اذا موادي بتتعادل او لا
لاني بصراحة مشيت شوط والحمد لله فماابي انصدم اخر السنة انه مايمديني
واذا القسم من الاساس موجود عندكم او لا
لاني اللي اعرفه ان تخصصي مو موجود بكثير من الجامعات و ماله ذاك الصيت باقي

فممكن تسألوا و تردوا علي ضروري واللي يرد يقول لي اذا تدرسون المواد بالعربي او الانجلش وكم المعدل المطلوب بالنسبة لجامعتي المعدل من 4 مو من 5
............

اللي يرد او ترد عليا الله يجزاهم الجنة ويوفقهم دنيا واخرة

[.,.نيــــــــــــــــــــران.,.]

مسار نظم معلومات ادارية موجود في جامعة الملك عبد العزيز ويطلبون فيه معدل عالي حوالين 4 ونص
بالعكس عندنا له صيت وكثير يقبلون عليه

التخصص بالعربي [صح ياحقون النظم؟ =)] ماعدا مادتين بالانجليزي (ادارة اعمال بالانجليزي + نظم معلومات بالانجليزي)

ان شاء الله يجون طلاب النظم ويفيدونك في المواد ومعادلتها

موفقة

[كرزة]

وإياكي نيران
يعطيكي العافية ومشكووووورة

ويالله ياطلاب وطالبات النظم افيدوني الله يسعدكم........

[دايم السمو]

عزيزتي ...
اتوقع والله العالم ان جامعة الملك عبدالعزيز تختلف تماما عن الكلية الجامعية بالجبيل.. انا احد سكان المدينة وموظف في الهيئة الملكية.
كلية الجبيل الجامعية لديها مناهج جامعة الملك فهد ولكن تختلف عن الجامعة
الجامعة عبارة عن كليات مجتمعة تحت مسمى واحد
بينما الكلية الجامعية عبارة عن اقسام فقط. وايضا الكلية الجامعية مبانيها مؤقتة وتتبع الهيئة الملكية وليس التعليم العالي.

عموما حاولي تجربي معهم بارسالك رساله او معاملة الكترونية او مكالمة هاتفية واذا تقدري تزوري الجامعة يكون افضل...

اتمنى لك التوفيق
تحياتي لك

[كرزة]

مشكور اخوي ويعطيك العافية
الكلية الجامعية دراستها قريبة من جامعة الملك فهد للبترول والمعادن والكلية الصناعية بالجبيل وينبع
هو صح انه المدينة الاكاديمية للحين قيد الانشاء وحنا الحين ندرس بمبنى مؤقت

بس انا سألت شؤؤن الطالبات العام اذا كانت الجامعة تابعة للتعليم العالي ومعترف بيها او لا بما انه ولا دفعة للحين اتخرجت منها وانا من بنات الدفعة الثانية بالجامعة
وقالوا لي انها تابعة للتعليم العالي لكن الهيئة الملكية بس راعية الكليه الجامعية بالجبيل وينبع
الله يكون في العون
و..
بانتظار اجوبة ..............
^__^

[كرزة]

يالله
شايفة كثير تخصصهم نظم معلومات ادارية بس محد منهم رد علي
والله لو مو محتاجة اعرف ماكان سألت
......... مع بصيص امل اخر في الرد

[دايم السمو]

المشاركة الأصلية كتبت بواسطة كرزة مشكور اخوي ويعطيك العافية الكلية الجامعية دراستها قريبة من جامعة الملك فهد للبترول والمعادن والكلية الصناعية بالجبيل وينبع هو صح انه المدينة الاكاديمية للحين قيد الانشاء وحنا الحين ندرس بمبنى مؤقت بس انا سألت شؤؤن الطالبات العام اذا كانت الجامعة تابعة للتعليم العالي ومعترف بيها او لا بما انه ولا دفعة للحين اتخرجت منها وانا من بنات الدفعة الثانية بالجامعة وقالوا لي انها تابعة للتعليم العالي لكن الهيئة الملكية بس راعية الكليه الجامعية بالجبيل وينبع الله يكون في العون و.. بانتظار اجوبة .............. ^__^

لا مو صحيح
انا شغال في نفس المجال واعرف مضبوط..
الهيئة الملكية تسعى لعدم الاعتراف بها في التعليم العالي.. حتى لا يتم ضمها للوزارة .
جميع مؤسسات التعليم في الهيئة الملكية تتبع الهيئة الملكية فقط سواء الكية الجامعية او الصناعية او المعهد.
وليس لها علاقة بالتعليم العالي او بالاصح تحت مضلة التعليم العالي.

[كرزة]

اهااااااااا يعني تنصحني اجازف و انقل لجامعة الملك عبدالعزيز لان مجازفتي فيها تضحية ببعض المواد اللي مايدرسوها بجامعة الملك عبد العزيز و زيادة مواد موجودة عندهم و ماخذتها باقي

لان بصراحة ماودي اوقف على بكالوريوس اذا ربي سهل لي ابي اكمل الماستر باذن الله لان اللي اعرفه والله اعلم ان الجامعة اذا ماكانت تابعة للتعليم العالي ماتتضمن ابتعاثات لشهادات الماستر والدكتوراه

\\comment

طيب في جامعات كثير مايعترفوا فيعا الا اذا اتخرجت اول دفعة وحنا ولا دفعة للحين اتخرجت ان شا الله السنة الجاية اول دفعة تتخرج وشهادة كلية الجبيل الصناعية بما انه قد تخرجوا منها طلاب معترف بيها و في ناس كثيرمتخرجين منها و متوظفين وماشاالله = يعني شهاداتهم حلوة ومقبولة بغض النظر اذا كانت تابعة للتعليم العالي او لا .........................>>>>


حاسة اني غثيتكم معايا ...........
و مشكووووووووور الف شكر ويعطيك العافية (دايم السمو)

[دايم السمو]

جامعة الملك عبدالعزيز ماتعادل اي شهادة من الجبيل
انا احد الدراسين في الجامعة وخريج الصناعية وموظف بالهيئة الملكية ولم يتم معادلة المواد لي
وايضا بعض الزملاء خريجي جهات اخرى مثل التقنية ومعهد الادارة لم يتم معادلة المواد لهم بعكس الجامعة المفتوحة

انتي اذا رحتي لجامعة عبدالعزيز اتوقع راح تدرسي من الصفر والله اعلم
خليكي في الجامعية مستقبلها قوي ان شاء الله

[كرزة]

الله يقدم لي اللي فيه الخيرة ان شا الله