خبرآتنا مع موآدنا وأستاذآتنا (طالبات علم النفس )

[miss teen]

كيف حالكم ياطالبات قسمنا العزيز ؟

حابه اننا نتجمع في هذا المكان ونطرح فيه عن كل شئ يخص قسمنا الرائع من مواد واستاذات ...الخ

حتى تعم الفائدة للجميع ,, وكما عهدتكم جميعا (طالبات علم النفس ) دائما السّباقات الى الخير ..

اتمنى تكون الفكرة وصلت ..

لكم جزيل الشكر على تفاعلكم وتواجدكم ,,

miss teen

[miss teen]

المدخل الى علم النفس .. اخذته مع دكتورة سنآء سالم المادة سهلة جدا وتتكلم بشكل عام عن علم النفس وكانت دكتورة سنآء جدا متعاونة معانا والله يشهد على ذلك ..

الاحصاء النفسي .. مع ندى امين الماده هذه يبغالها مذاكرة اول بأول يعني اذا غبتي يوم تقريبا رح يضيع منك الباقي هيه سهله بس مثل ماقلت ورح تعتمد مواد كثيرة عليها في المستقبل ان شاء الله ..

علم النفس التربوي .. مع نوال الضبيبان , المنهج اذا قرأتيه تفهميه بأذن الله ودكتورة نوال تاخذ بالمفهوم الله يجزاها خير ..

الرأي العام .. مع رباب الجمال , الاستاذة طيبة وماعليها كلام وتحب تساعد البنات بس سبحان الله الماده هاذي ماحبيتها ابد يمكن لان الاسئلة شويه تدوخ

علم النفس الاجتماعي .. مع دكتورة سناء ، مادة ممتعة جدا وان شاء الله تستمتعو فيها والدكتورة سمعتها معروفة جدا بين الطالبات

مبادىء الادارة العامة .. مع بدرية الجهني , في البداية رح تحسيها صعبة لكن في النهاية مارح تلاقي اسهل منها ان شاء الله ودكتورة بدرية لايعلى عليها ..

علم نفس النمو .. مع نسرين يعقوب , المادة جدا سهلة وتستفيدي منها كثير في حايتك والدكتورة راااائعة بمعنى الكلمة ,,

علم النفس المهني .. مع زيزي السيد ,, المادة سهلة جدا واكثر من رائعة بس مشكلتها في الاستاذة هيه طيوبة بس عيبها انها تدقققققق في كل التفـــــاصيل وتقريبا ماينفع معاها المحاولات من ناحية زيادة درجات او تغاضي عن بعض الحاجات حتى اذا جبتي 94 مارح ترفعك لل95 الله يسامحها بس ..

علم الاجتماع الأسري.. مع سميرة مغربي الدكتورة هاذي قد ما اتكلم عن اخلاقها ما اوفيها حقها تحب تسمعك وتفيدك تساعدك تحل مشاكلك الله يسعدها يارب والمادة سهله بس سبحان الله ما حبيتها ابدا يمكن لان فيها نظريات كثيرة واسامي علماء ماقد مرو عليا في علم النفس ..


تقريبا كذا خلصت

في انتظار مشاركاتكم الحلوة

[بنت العمودي]

مرآ شكراً على الموضوع المفيد ..
أنا آخذت الإجتماعي مع الدكتورآ زينب العايش .. ماشاء الله عليها صحيح اسئلتها شويا بس للحين أدعي لها لإنها تأخذ بالمفهوم وتحب الشرح ..

وإن شاء الله بأخذ هذ الترم مع الدكتورآ سناء سالم جنائي ..

ومع مين راح يكون الإرشاد والتوجية 2 حلو ..


:::::::::::

[ساندي بل]

طيب الانتساب عادي اقدر اروح عند اي استاذة من اللي قلتيهم

[وجوووووووووووووووووووود]

انا بعد اخدت
مدخل الى علم النفس/مع نجوى العتيبي مره كويسه واسائلتها حيل سهله وتحدف كتير
مدخل الى احصاء النفسي/ انا ماحابته شوي يباله تعب وشدت حيل وتعبت فيه مع ندى الامين وماتعطي المشاركه بالنسبه ليه مره انقهرت اعطتني3 وانا اسلم الوجبات اتوقع واجب واحد ماسلمته
علم نفس تربوي / مع نوال مره حلو وسهل إن شاء الله بس الشرح يقهر شوي اقصد التاكليف
علم نفس اجتماعي/مع مها عطيه احلى ما فيها اسئلتها
بس هدي الي اخدتها للحين وموضوعك جدا رائع ياالله لاتقصروا بالا اجابات

[Fatema Alshareef]

مشكووووووره ياقلبو الله يجزاك خير موضوع مفيد ,,,,

انا عن نفسي تقريبا نفس الاستاذات اللي درست معاهم مس تين اخذت معاهم

وكل الكلام اللي قالته عنهم بمحله ,,,,

[~فتاة طموحة~]

بسم الله الرحمن الرحيم
أرجو أرجو ان يكون موضوع كامل متكامل عن علم النفس بنااااااات الله يوفقكم ويسعدكم ويحققلكم أمنياتكم
يارب يااااااااااااااااااااااااااارب آآآمين
بس عندي اسئلة تحملوني فيها لأني حطيت موضوع ومحد رد علي فيه بطريقة وافية وشافية أتمنى أن اجد
ما اريد في هذا الموضوع الرائع واللي فيه عضوات مروا بتجارب كثييييره في نفس القسم او التخصص
ممكن كل وحده تكتب كم كانت النسبة حقتها اللي انقبلت فيها في نفس التخصص اللي هوا علم النفس والشئ التاني في دحين تحويل للجامعة ارجوا الرد اعرف انو انتهى وقت التحويل بس اقدر اروح الجامعة واقابل مسؤولة وتحول لي بنااااااااااااااات وربي في حاااااااااااااااااااجة للأجوبة لو كانت كل وحدة مكاني رح تتمنى اي وحدة تجاوبها لو بشئ بسيط واللي تجاوبني والله ما راااااااااااااااااح أنساها من الدعاء لها بظهر الغيب بليييييييييز بنات ارجووووكم
اللي تقرا ما كتبته ترد علي ولو جبر خاااااطر أرجوا التفاعل مع هذا التجمع حتى يكون مرجع للبنات اللي حابين يعرفوا اي شئ عن علم النفس ............................لا تبخلوا بردودكم كفاية الأجر اللي تاخذوه في مساعدة أحد وشكرا

[وجوووووووووووووووووووود]

[motr]فد يتك قلبك والله وشفيك متازمه سلا متك والله بس شوفي انتي في الجامعه ولا اش حكايتك المهم يقبلوا معدل عادي مو مره عالي تقريبا 2ونص وانتي وطالعه في هاالفسم اتدكر زمااااااااااان كان معدلا ت عاليه بس الحين مااظن هدا الي اعرفه واي استفسار حابه تسالي وعندي خلفيه مااااااااااااااااارح ابخل عليك والله يوافقك ويحقق مرادك قولي اااامين [/motr]

[~فتاة طموحة~]

طيب وجووووووووود أنا يا حبوبة حكايتي حكاااااااااااااااااااااية أنا بكلية الآداب اللي بحي الفيصلية بجدة مو الكلية بتاعة الجامعة يعني اللي فالجامعة انا مش فيها بس حبيت اسئلك اقدر اروح للجامعة اول ما تفتح واسئل اي مسؤوله اذا في تحويل والا لأ لأني بصراحة حابة اعرف اقدر احول للجامعة عن طريق اني اكلم احد المسؤولات والا لازم من النت بس اللي اعرفه انو موعد التحويل عن طريق النت انتهى ومافيه اخسر سنه كاملة عشان احول للجامعة ومن ثم التخصص اتمنى تفيديني وجزاك الله خير على تعاونك.........................

[وجوووووووووووووووووووود]

فديتك والله ودي اخدمك بس ماعندي خبره اتدكر وحده معاي بمحاظره كانت بكليه وحولت للجامعه لكن معدلها كان عالي مااتدكر بزبط بس اتوقع فوق 3و75 والله يوافقك