هل هذا ماتريدونه يارجال؟؟

[بدرالبدر]

المشاركة الأصلية كتبت بواسطة hanadiateiah استاذ بدر .. اعذرني .. انا كنت كاتبه انه الفرق هو انو الرجل او معظم الرجال فخورين بكونهم رجال ..بينما النساء او معظم النساء غير فخورات بكونهن نساء .. يعني هيه حاجه منتال اصلا .. فكريه .. و ما نقدر نجبر احد يعاملنا باحترام قبل ما نعامل انفسنا باحترام ..و اكيد اي بنت هتفهمني .. لانه احنا كبنات شايفين كيف الوحده بتتعامل مع كونها انثى .. بدونيه قبل اي احد تاني .. و الله تعبت و انا بدور ع الحروف العربيه

شكراً ع التوضيح

[aamz]

اقسم بالله العلي العظيم ان فيه اعمال مهينه وفيها استغلال لجنس المراة ولاتليق بها اطلاقا
رايت ذلك بام عيني وحتى في افضل الوظائف
ما وقفت على الشغاله
وهذا مااراده النسوان - عمل - واي عمل-الله ينتقم من كل من اراد فسادا-
اشكرك على الموضوع

[حنين كلي حنان]

المشكله مو مشكله شغلها كخادمه المشكله الاعمار الي حاطينها
حسبي الله ونعم الوكيل

[soma al7elwa]

عمل المرأة كوزيرة مرفوض لأننا فمجتمع ذكوري

ما يجوز فيه انو المرأة تترأس رجل فمنصب أعلى منو

مهما بلغت من العلم ومهما بلغت حكمتها هيا في نظرهم " ناقصة عقل ودين"

وطبعا كالعاده في فلسفة الرجال لازم يقصقوا الاحاديث والايات عشان تصير تناسبهم

يعني تلاقي المعنى فجهة ويجي تفسيره في جهة

بالنسبة لعمل الخادمة هو مو شي اجباري

اللي حابة تعمل كخادمة ما يحقلنا نمنعها

عبال ما نستنى يتحرك المجتمع قدها الحرمة وعيالتها ماتو من الجوع

الهيئات الاغاثية من فين تجيب فلوس؟؟

ازا الناس استغفر الله بتستكثر تدفع 20 ولا 50 ريال صدقة وتشتري شنطة ولا شوز ب2000 و3000

مو احسن من انو المسكينة تشحت ولا تروح طريق غلط؟؟

بالنسبة لموضوع الاجانب والسعوديين

الاجانب مو ماخدين رزق احد

ولعلمكم ايها "السعوديون"

لولا الله ثم الاجانب والعرب كان لساتنا في القرن 17 قبل الميلاد

ولو كل بلد جلست تقول مواطن واجنبي ما كان استفاد العالم شي

الأجانب يفضلوهم لانو عندهم قوة تحمل

مو زي شبابنا

يبغى يتخرج يطلع مدير على طول

هما بيحطوا الا اجنبي او عربي عندو خلفية قوية

شهادة قوية وخبرة ممتازة

مو والله نشوف جنسيتو ونحطو

يعني مو معقول يتقارن واحد دارس مثلا في جامعة بالاردن بواحد دارس في جامعتنا

مع اني انا طالبة فجامعة الملك عبدالعزيز وفخورة فيها

لكن الحق حق

ما ينفع نجيب سعودي عشان سعودي نحطو مدير ونجيب الاجنبي ولا العربي اللي فحط طول سنين عمره ونقول معليش تراك اجنبي ما ينفع تكون مدير

عيب والله علينا نفكر دا التفكير

يعني تلاقي سعودي ما معاه لا شهادة ولا خبرة ولا اي شي ويعترض ليش الاجانب والعرب ماخدين مناصب

ايش التفكير دا ياهوو؟

كل واحد ياخد على قدو

الي درس وتعب واشتغل وسوا وعمل عشان يعبي السيفي حقو ويقدمها رافع راسو ما يتقارن بواحد يتأفف من الكبيرة والصغيرة وماعندو شي يقدموا

بغض النظر عن جنسيتو

محد ياخد رزق احد

لو مكتوبلك تشتغل مدير حتشتغل مدير لو كل البلد اجانب وعرب

ولو مكتوبلك تشتغل كاشير حتشتغل لو كانت الدونيا كولها مسعودة

يسلمووو نورث

واسفة اني خرجت عن الموضوع بس انا بتستفزني التفريق بين السعودي وغير السعودي

سامحيني ياقلبوو

[hanadiateiah]

و الله يا سوما لو كل الناس زيك .. تصير الدنيا بخير .. ما اقدر الا اني انحاز لرأيك ..مع احترامي للكل طبعا ..دمتم

[soma al7elwa]

المشاركة الأصلية كتبت بواسطة hanadiateiah و الله يا سوما لو كل الناس زيك .. تصير الدنيا بخير .. ما اقدر الا اني انحاز لرأيك ..مع احترامي للكل طبعا ..دمتم

شايفة كيف بس

مافي احد يقدر مواهبي p=

الله يسعدك يارب

وانتي زي العسل وربي

دا من زوقك ياقلبي

[عموريAHLI]

مبرووووووووووووووووووك

عالوظيفة الجديدة

[northstar]

هنا الرجل يريد ان تكون المراه تحت سلطته
لايحبذ المرأه القويه او التي تقوده وتفرض رأيها عليه

وهذا الشي نلمسه في غيرة بعض الرجال
من نجاح زوجاتهم

[مارس]

انا اعترض والله بشده على هذا القرار

المساواه فى الاختلاف ظلم

الرجل مختلف عن المرأه عضويا ونفسيا واجتماعيا وثفافيا

هذا رأي البسيط.

شكرا لك اختى نورث ستار

[lolipop]

الشغلة هادي مرررررررره ما دخلت مزاجي
كيف سعودية تشتغل هادي الشغلة ؟ حتشتغل بعبايه و غطوه ؟
ولا حيحللو الكشف عشان دي الشغلة ؟
بصراحه مره ما اؤيد الوظيفة هادي
كان أولى يسمحولنا بالسواقه ولا دا الشي حرام ودا حلال مع انو شغلة البيوت فيها خلوه اكتر من شغلة السواقه

بدل ما يوظفونا وظايف عدلة .......... الشكوى لله بس