رأيكم يا أعضاء

[مجروحة...]

موضوعك يامنكوشة جا في وقته خصوصا اني تكلمت فيه سابقا مع عضوة معانا
يعني انا اللي قاهرني صراحة انه الوحدة لما تمزح بحدود مع ايا يكن هذا دليل انها واثقة في اللي تمزح معاه وتعتبره زي اخوها (((طبعا ثقة محدودة )))

اعرف ناس زي كذا مرة البنت عادي ومؤدبة وتمزح وتعلق بس هي ماقصدها شي فجأة تسمع انه ينقال عنها مدلوقة على هالشخص ومن دا الكلام ولا وحدة تسمع مدري من فين انه ناس يقولوا عننا كذا وكذا يعني انا مادري كيف التفكير يوصل وانا ماقول انه كلكم كذا يالشباب لا والله في ناس مشهود لهم بالخير حتى خارج نطاق المنتدى ومايحتاج ذكر اسماء

بس كل يرى الناس بعين طبعه صحيح هالشي مؤلم أنه احد يفكر فيكي كذا بس انت ادرى بنفسك وبتصرفاتك ومدام واثقة في نفسك خلاص مع نفسهم يقولوا اللي يقولوه صح صعب بس خلاص هي دي الحقيقة

انا عارفة احساسك وايش الكلمات اللي تنقال والتعابير اللي يختاروها كلامي مو لك بس للكل لأني عارفة انه هذا الشي مؤثر فينا كلنا

عموما اي احد يفكر فينا زي كذا فهذا واهم مايعرف احنا مين وانه احنا اشرف من انه ننزل للمستويات اللي يفكروها

احنا اخوان واخوة وعارفين كل شي بنقوله وحاسبينله الف حساب بس ايش تقولي