اللي عنده هالمواد يتفضل(محاسبة 101-قانون101-نظرية تنظيم-خدمة مدنية -علوم سياسية-)

[نادر العدني]

يعطيكم الف عافيه والله شرح من الاخوان ولا احلى ..

هي المشكله ان الواحد يحتاج احيانا لتفسير بعض النقاط اللي تواجهه والاخوة والاخوات والله ما قصروا

بالتوفيق لنا و لكم ان شاء الله

[عزوز الفاشل]

اخوي ليل التجافي وش وضع محاسبة حكومية معك لقيت ملخص

يا ليت تفيدني ولك الشكر

[جامعي ولاكن؟]

اخواني تكفون وين الي محذوف من مبادى علوم سياسيه لي اسبوعين اذاكر الكتاب يرفع الضغط بصراحه فيه كلام كثير ودش ماله داعي عموما يااخوان الي عنده المحذوف من ماده علوم سياسيه اول اسئله حقتها العام الماضي لايبخل علينا تراني في امس الحاجه لها
مع العلم اني راجعت قسم العلوم السياسيه وقالو لي مافيه شي محذوف وابي ردكم بسرعه لا تتأخرون الاختبار الاسبوع الجاي والله يعين وعندي ماده القانون الاداري لحس مخي بصراحه سهل هو بس كثير واغلبه نقاط يعني يبيله حفظ

[كمووخ]

السلام عليكم

ياشباب انا بترم الماضي مختبر محاسبة 101 وجايب مدرس وادرس من الكتاب بصراحه المواد الي زي هذي تجيب الكتاب احسن لان فيه اساله بين الفصول منها صح وخطا و اختياري صراحه نفعتني كثير وخاصه بفصل الاول النظري ثاني شي طريقة الاسئله الترم الماضي كان اول سوال صح وخطا ويتكلم عن تعريف الاصول والخصوم يعني خاص بنظري ميزة الكتاب انه اخره فيه اسئلة صح وخطا و اختياري ومحلوله بعد اما سوال الثاني كان اختياري ومنها جاب لنا قائمة الدخل للمنشآت التجارية بس طريقتها صعبه شوي لانها فيها جمع وطرح يعني مثال يقولك صافي المبيعات اختار ناتجتها وبعدين يجيبلك مردودات المبيعات 500 ريال الخصم المسموح به 500 ريال بضاعة اول المدة 20000 المبيعات 15000 : 1- صافي المبيعات 36000 / 2- صافي المبيعات 5000 / 3- صافي المبيعات 14000 .

طبعن لو انت مذاكر صح بتعرف انك تجمع مردودات المبيعات والخصم المسموح به ونقصها من المبيعات ويطلع صافي المبيعات 14000 لان بضاعة اول المدة مالها دخل بلموضوع ياليت اني وضحت طريقه لكم وعلى فكره ترى مادري اجابتي هذي صح او خطا بس الي اذكره يعني احرصوا عليها واعرف ايش الي تجمعها وتطرحها ويطلع ناتج صح

وفيه بعض اسئلته الاختياريه يجبيلك جدول ويقولك وصل ومن نظري بعد يعني يقولك المركز المالي هو الذي له قيود يوميه او هو الي يكون باخر السنه انت توصلها بعض

السوال الاخير كان جايب لنا دفتر اليوميه جايب 11 فقره تحولها قيود وانتبهوا كان جايب لنا عمليه غير حسابيه يعني مالها قيد حاولوا تركزوا لان اي شي مافيه استلام وتسليم مو عمليه حسابيه يعني مثال يقول في 2/8 تم تعيين موظف خالد مندوب لشركة براتب 5000 ريال مو تكب العشاء وتكتب من ح/ راتب سالم 5000 الى ح / رواتب او بنك افقع وجهك وبعدين تسوي عملية الترحيل للبنك او صندوق والله انا كنت خايف مثلكم بس والله ثم والله يوم دخلت الاختبار عرفت انها سهله مره انا كتبت الموضوع هذا اكثر من مره بلمنتدى بس شكلكم مانتبهتوا له

وبنسبه مبادى العلوم سياسة انا اذاكر من ملخص هاني عرب الي عدد صفحاته 88 ماخذه من رفيقي مختبر الترم الي راح وقالي ملخص ممتاز حق هاني عرب وانا خربتها بصراحه واذكر منه بس وبدون كتاب

وبتوفيق يارب

[أبو أسامة الهدلق]

أخوي كموخ بخصوص دفتر اليومية وخالد الي وظفوه ...

طبعا بحكم أنها ميب عملية حسابية وش نكتب ؟

نخليها فاضية وهم يفهمون أننا فاهمين أنها ما تقيد وإلا فيه طريقة ثانية ..؟

[كمووخ]

اخوي اذا كانت عمليه غير حسابيه مثل فقرة خالد تخليها فاضيه ماتكتب شي لان دفتر اليوميه للقيود مافيه كتابه ولا شي ويفهم انك تعرف انها عمليه ادرايه

[ليل التجافي]

المشاركة الأصلية كتبت بواسطة عزوز الفاشل اخوي ليل التجافي وش وضع محاسبة حكومية معك لقيت ملخص يا ليت تفيدني ولك الشكر

أخوي شوف الملخص هذا اللي بالمرفق يمكن يفي بالغرض واذا لك همه تبي مزيد قول لي
تحياتي

[ضيدان]

الله يجزاكم الف خير على هالموضوع
وقفتكم ومساعدتكم وشرحكم نفعني كثير بالامتحان

ان شاء الله نقول عدينا المادة وبدرجة زينة ان شاء الله

شكرا لكم

[فينيسيا]

الله يعطيكم العافية جميعا
الحمد لله اختبرنا ادارة خدمة مدنية وان شاء الله انها كويسة والمحاسبة الاختبار كان صعب والله وطويل والوقت ما اسعفنا لكن ان شاء الله اننا نعدي جميعا
الدور الالحين على القانون اللي عنده اي خبر او اسألة لا يبخل علينا
وتقلوا تحياااتي

[رجاوي15]

انا عندي الثلاثاء خدمة مدنية الي يعرف الاسئلة اذا ممكن ومن فين اذاكر افضل من الكتاب او الملخصات

واللة اني مشتتة بين الكتاب والملخصات افيدوني يا اخواني