هذا ماحدث : من القاعة إلى سيارة الأسعاف

[jddawi]

لا حول ولا قوة الا بالله
الله يكون بعونك اخوي، ويخلفك بخير منها
وان شاء الله تتوفق انت والشباب كلهم في الاختبارات

اما بالنسبة لي فهذا اللي صار معاي :
انا اخذت في هذي المادة مدرس كل يوم اروح عنده من قبل الاختبار بشهر
مسوي فالح انا ووجهي
قسم بالله قبل الاختبار بيوم احاول اراجع مافي امل تثبت معلومه ، قوانين كثيرة وكلها فوق بعض
فأتصل علي المدرس قال لازم تجي عشان المراجعة الليلة قبل الاختبار ( الساعة 12 فجرا ) والله فكرت قلت ياولد خلني اطلع من جو البيت والمذاكرة واشوف الشباب اللي كانوا ياخذون معاي دروس خصوصية هناك يمكن القى منهم واحد عنده نتيجة تفيد

المهم رحت للمدرس المصري وأعطانا اوراق فيها 40 سؤال، وبدا يحل الاجابات في ورقه خارجية بالتفصيل واحنا نتابع
"" حتى فيه احد الاخوان ماذاكر المادة أبدا ولا درا وش هي المادة اساسا حضر المراجعة وهو متحطم ""
الزبدة اخذنا منه حلول الاجابات وكل واحد راح بيته ،، وقبل الاختبار بثلاث ساعات هداني الله اني افتح هذي الاسئلة واحفظ هذي الاسأله، مع اني ماكنت مقتنع فيها ابدا.
وش اللي صار في الاختبار ؟
اقسم بالله العظيم اني تفاجأت يوم شفت أسألة الاختبار
99% من الاسئلة اللي عطانا اياها المدرس موجوده بالاختبار ،، ياهي فرحة ياولد ،، يانا بغيت انجن في القاعة
ومع ذلك الوقت فعلا فعلا سيئ، مافي مجال للي يبي يفكر ويحلل المسألة ويحل
انا الاسئلة اعرف اجوبتها مع ذلك انتهيت مع انتهاء الوقت تماما

اللي فرحني اكثر ، لقيت خوينا اللي ماذاكر ،، ياهو كانت عليه علامات !!!!###؟؟؟@@@
سألته وشفيك ؟ قال: ماقريت المادة ابدا لان ابوي جاله جلطة وتسببت له شلل نصفي، كنت بكنسل الترم لكن ابوي وهو في المستشفى قال كمل ودعى لي بالنجاح، وهذي ثالث مادة مافكيتها وأجاوب فيها بتفوق

يستاهل والله

نجي للنتيجة : يا شباب لا احد يبدأ المذاكرة الا بعد مايدعي له ابوه وامه
ولا احد يروح الجامعة الا بعد ما يطلب منهم الدعاء بالتوفيق في الاختبار
وأسال الله ان يفك كربكم وكرب المسلمين اجمعين

طولتها عليكم،، بالتوفيق للجميع ان شاء الله
اخوكم: نايف