من جديد ...مـــــــتـــــــــكـــــــأ..

[قلب مجروح]

أشتاق لك شوق الصحاري للامطار= وأشتاق لك شوق البحر للسفينه
اشتاق لك شوق السفينه للابحار =وشوق البخيل الى ا لكنوز الثمينه
واشتاق لك شوق الليالي للانوار =وشوق الغريب لذكريات المدينه
واشتاق لك شوق المغامر للاخطار=وشوق الكفيف لعودة ابصار عينه
واشتاق لك شوق المهندس للاعمار=وشوق الغريق الى ذكر منقذينه
واشتاق لك شوق الحدايق للازهار =وشوق المريض لطب ينهى ونينه
واشتاق لك شوق المهاجر للاسفار =وشوق المعلم للقلم في يمينه
ذي جمله اشواقي وقلبي على نار=ارجوك بالاشواق لاتحرقينه
يافتنتي ماجيت للحب مختار =جيتك جريح عيون جيتك رهينه
لاتتركيني يامنى الروح محتار =عودي وحبل الوصل لاتقطعينه
وخلي لنا مع سالف العهد تذكار =ونعيد ماضينا وصافي حنينه