توضيح لطالبات علم نفس تجريبي

[أم أنس]

السلام عليكم جميعا

الإختبار قالت الأستاذة إنه غالبا ستحاول أن يكون موحد لجميع الشعب, ليكون هناك عدل في مستوى الأسئلة بين جميييييع الطالبات, لأنه أحيانا, قد تكون شعبة أصعب , و أخرى أسهل , فيعني إذا هنتكلم بلغة تجريبي , بنقول,,, أن الأستاذة ترغب بضبط متغير صعوبة الأسئلة بين الشعب فستقوم بجمعهم كلهم لتعريضهم لنفس الظروف التجريبية, و اللي هي نفس الإختبار يا حلوين,,,,, خلونا نتعلم من الكلام اللي جالسين نذاكره من الصبح
أما بالنسبة لطبيعة الأسئلة, فالأستاذة من البداية و كلما سئلها أحد أجابت بنفس الكلام تقريبا ((يعني نفس المعنى , مستحيل أحفظ كلامها بالنص, أفيد لي أحفظ الكتاب بالنص,,,,, خاصة مناهج بحث))
سيكون الإختبار شامل و متنوع, يعني يوجد موضوعي , و مقالي, ليقيس فعلا قدرة الطالبة و استيعابها للمادة, بطريقة عادلة و سليمة
فبالنسبة للموضوعي ,( يعني صح و خطأ, و اختياري, صلي,,,مثل ما انتم عارفين معنى كلمة موضوعي)), و , يعني الكلام قدامك و انت احكمي عليه و اختاري الجواب الصح, و هذا طبعا يبغاله شوية حفظ, و يبغاله كثيير فهم و تركيز مرررة علشان لو فهمت بتركيز, ستعرفي الكلام الصحيح و تمييزه و تجيبي الإجابة الصح, و طبعا لازم تركزي و انت بتقرأي السؤال, إنه كل الأفكار الموجودة مثلا صح(بالنسبة لصح أو خطأ), و انتبهي لاختياراتك, فهمك هو أهم شئ عندك, و طبعا شوية حفظ, لبعض رؤوس الأقلام و العناوين الرئيسية , لمزيد من الدقة في الإجابة, لرفع احتمال إنه تكون إجابتك صح
أما المقالي ((فغالبا نحن متعودين إنه يكون: ضعي المصلح العلمي المناسب, و طبعا لن تكون المصطلحات مكتوبة فوق و انت تنزليها, بهذه الطريقة يتحول لموضوعي,,صح,,,و قالت إنه لو كان في تعداد سيكون لما هو واضح في الكتاب أنه تعداد, يعني يا حلوة نفس الكتاب, يكتب لك 1,2,3, أو أولا , ثانيا, ثالثا.... يعني واضح,,, بس قالت مرة لما البنات كانوا متضايقين من تعدادات عوامل زمن الرجع, ((فهمها حلو, بس إنه نكتبها تعداد,,,,,مررة طويلة يحتاجلها وقت,,,,,, فقالت إنه غالبا,,,يقترب من أكيد,, إنه لن تحضر تعدادات يزيد كل تعداد عن سطر, يعني إذا التعداد 3 فقرات, ما يتجاوز الثلاث أسطر,,,, و صراحة لما أنا مريت على الكتاب لقيتها, حلوة, و مفهومة, و أبدا ماهي كثيرة,,,و بعدين قالت إنه لو شفنا التعداد مررررة طويل,,,خاصة ما شاء الله عليها مرحلة خطوات إجراء التجربة المعملية الله يحفظها,,, يعني أنا دارية, ليه كثر التعقيد, ما يخلوهم خطوتين أو ثلاثة,, لازم 12,,, المهم,,, قالت إنه لن نكتب في الإختبار أكثر من 3 تعدادات يعني لما تلاقي واحد طويل مثل المحروس أبو 12 احفظي 3 و احتياطا زيديهم 2 يعني صاروا خمس, فقط إحتياطا لو نسيتي فقرة وقت الإختبار لا تحوسي, و انت مو قادرة تتذكري اللي نسيتيه, فخلي إحتياطي معك دائما. و لو فهمتيهم, ستجدي أنك حفظتيهم بطريقة تلقائية
و قالت إنه كل اللي بين السطور سيكون موضوعي, أبدا لن تحضر منه مقالي,(( يعني المصطلح العلمي, والتعداد مثلا)), لأنه هدف الإختبار التأكد من فهمنا للمادة و ليس بكائنا و شعورنا بالعجز((طبعا هذه صياغتي, بس ما أتذكر اللي قالته , لا تأخذوني إن زودتها شوي, بس لإني أتصور شكلي لو معرفت حل شئ راح أبكي))
و كمان مساكين البنات اللي ما حضروا الدورة إيش يدريهم بالتعدادت اللي بين السطور و المصطلحات اللي محشورة بالداخل,,, يعني كل الكلام مفهمو, و بالتالي كله مطروح له الموضوعي, و أهم الأشياء لتستفيدي من مادة تجربتك, إحاطتك بالمواضيع الرئيسية, لكن اللي بين السطور غير مشترك. ناس تراه تعدادا واضح, و أخرى لا تراه

أتصور إني تكلمت عن الإختبار لين طفشتكم, السبب إني أخاف تفهموا شئ غلط, و بعدبن تدعوا علي عوضا عن أن تدعو لي

تحياتي
دعواتكم

دعواتكم