كيف اتاكد اني تخرجت رسمي بديت اوسوس

[الحربي007]

السلام عليكم كيف اتاكد اني تخرجت رسمي رحت لرابط دليل الخريجين وحطيت رقم الهويه اعطاني غير مسجل والا لسه بدري علما اني خلصت الخطه 128 ساعه وعندي خطة مطبوعه ومختومه من الجامعه وخلصت اخر 3 مواد كانت فيها من جد بديت اوسوس لمن اقرى الزملاء وهم كاتبين اعلن تخرجي رسمي الله يخارجنا ونتخرج
ارجو اللي عنده معلومه ينزلها هنا بلييييييييييييييز

[Jeddah_one]

مايروح اسمك لدليل الخريجين الااذا طبعت الوثيقة وقفلوا لك الاودس , ولسا باقي على تسليم الوثائق راجع التقويم

سؤالي لك من وين اروح اخذ خطة دراسية تخرج مختومة اي مبنى ووش الاجراءات لاني بروح ان شاء الله بعد فترة لاني خريج ان شاء الله قريب

[الحربي007]

شكرا اخوي على الإفادة
اما بخصوص طباعة الخطة وختمها من مبنى دراسات الأعمال مقابل مبنى الإقتصاد والإدارةعند الشباب في كونتر الإستقبال

[J o O o K i]

حيووو الحربي 007

إن شاء الله متخرج متخرج ..

لكن بعلمك وش سويت .. السمستر الحالي هذا قبل لا يبدأ رحت الشؤون التعليمية ( مدري وش اسمها بالضبط ) المهم رحت عند الاخوان في الاستقبال وطلب برنت بالمواد المتممة والمتبقية .. ورحت عند الاخ ( ابو طالب ) شاف البرنت ..وقالي باقي لك كذا وكذا وكذا وكذا ( والمواد هي اساسية ) اي ان لا يوجد لي اي مواد اختيارية او حرة تعيق تخرجي .. ووقع على البرنت
وإن شاء الله مافي شي يعيقني عن التخرج ..
وايضا للتأكيد خلص ما مجموعه 130 ساعة .. اكثر من كذا وش يبوو

[مستنسب]

انا مثلك خلصت 128 ساعة واحط رقم الهوية يطلع لي غير مسجل . واما الخطة والله مدري عنها اسجل مواد لين مابقى في صفحة (المواد المتبقية من الخطة الدراسية) .. بلا خطة بلا هم .. المواد اللي في صفحة المواد المتبقية من الخطة الدراسية هي كل شي ولو يطلعولي بشي والله لأطب بحلوقهم .. إذا موقعهم مخيس وغير معتمد يقفلوه ترا شبعنا قرف من هالجامعة القرف .. كل الناس يمدحون جامعاتهم إلا حنا بهالجامعة اللي رافعة خشمها على لاشي للأسف

عموما دامك خلصت 128 ساعة اقولك الف مبروك ولا توسوس ولا شي بناخذ الشهادة من فوق خشومهم دام خلصنا عدد الساعات المطلوبة وش يبون بعد

الف مبروك اخوي واتمنالك التوفيق في حياتك كلها وللجميع

[ام سطام]

والله ياخوي الحال من بعضه انواع الوسوسه وإن شاء الله اعلن تخرجي اذا طلع اسمي بسجل الخريجين والله يوفق الجميع

[ياسر المنتسب]

لا تأخف انا مثلك ادخل رقم الهوية يقول انت غير مسجل بس أن شاء الله 26/ يب يبين كل شئ علما بأن عدد الساعات 128

[migrating bird]

الحمدلله على كل حال كنت أتوقع 128'بس طلعت 127
يا شباب وش أسوي وكيف اعرف الساعة هل تخصص أو حرة او اختيارية
تنصحوني أسوي معاملة إلكترونية

[nour al3mr]

مبارك لكم التخرج جميعًا
لا تخافوا بإذن لله كلكم خريجين
ظهور الأسماء في دليل الخريجن يآخذ وقت فلا تشيلوا هم

[مستنسب]

المشاركة الأصلية كتبت بواسطة nour al3mr مبارك لكم التخرج جميعًا لا تخافوا بإذن لله كلكم خريجين ظهور الأسماء في دليل الخريجن يآخذ وقت فلا تشيلوا هم

ربي يجبر خاطرك ويريح فؤادك ويرفع قدرك ويوفقك ويعطيك حتى يرضى عنك ويرضيك ويمتعك بالعفو والعافية وسعادة الدارين ويرحم والدك ووالدي وموتى المسلمين اجمعين يا اختنا نور العمر

كم ريحتني كلماتك الراقية .. فشكراً جزيلا لكِ

دمتِ كما أنتِ فكم أنتِ رائعة