هـــام جدا بخصوص تأخر تعديل المعدل / طالبات

[كـاسبـ..ر]

السلام عليكم و رحمة الله و بركاته

البارحه كنت في الجامعه أراجع موضوع تعديل معدلي لأنو تعدلت لي درجت ماده بس المعدل فضل زي ماهو ..و كنت اراجع في العماده من شهر تقريبا غرفه 22 عند استاذه اسمها زيزي
و كل مره كانت تصرخ في و جهي و تقول استني اسبوع ليش مستعجله >> فاضيه ما وراي شي
المهم امس لما طفح الكيل رحت لمكتب 2 و اشتكيت قالت اكتبي معامله و اعطيها للأستاذه و شوفي ايش تقولك كتبت المعامله و قلت ما رح ارجع إلى أن اعرف الخبر الأكيد
أستنيت أ زيزي و لما جت كان معي زميلتي عندها نفس المشكله حاولنا نفهمها بس كانت تقولنا أنتو ماتفهمو المعدل يتعدل تلقائيا بتعديل الدرجه قلنا لها هذا مو معدلنا و بعد طلوع الروح
دخلت الأودس وعملت تحديث و قالت انتو لو استنيتو شوي كان تعدل بس هو يحتاج وقت لتعديل
يعني إذا تبو نصيحتي لا تسكتو ع الموضوع

السالفه و ما فيها أنو نحن إلي تعدلت لنا درجات التطوير كان التعديل بدري و الجهاز ما حدث لنا المعدل و إلي كان عندها ماده ثانيه تعدل درجتها أتعدل معدلها اتمنى تكونو فهمتو

ممعلومه ع الطاير .. تسليم و ثائق الإنتساب28 / 4

[كـاسبـ..ر]

up >>>

[طموحي الامتياز]

يب انا برضه معدلي ماتعدل
يعني اذا رحنا نروح فين بالضبط لاي مكتب ؟واسم الموظفه؟

^_____^

[sun2011]

طيب واللي خارج جدة ايش تسوي كيف يتعدل معدلها

[هـ ~ ـدوء]

أولاً مبروك التعديل ..,

ياليت تعطيني معلومات اكثر رحتي عمادة القبول ولا شؤون الطالبات

ومبنى رقم كم وعند مين اروح ..؟

أنا من بعد تعديل درجة التطوير ماتعدل معدلي ولا عدد الساعات

ياليت تجاوبيني :(

[كـاسبـ..ر]

المشاركة الأصلية كتبت بواسطة طموحي الامتياز يب انا برضه معدلي ماتعدل يعني اذا رحنا نروح فين بالضبط لاي مكتب ؟واسم الموظفه؟ ^_____^

عمادة القبول و التسجيل مكتب 22 أ .زيزي

[كـاسبـ..ر]

المشاركة الأصلية كتبت بواسطة sun2011 طيب واللي خارج جدة ايش تسوي كيف يتعدل معدلها

و الله ما ادري ايش اقولك بس احتمال مع امتحانات هذا الترم يتحدث المعدل عشان اختي عندها نفس مشكلتي بس لأنها عدلت درجة ماده تانيه بعد فترة رجع معدلها الصحيح
بس أنا مو متأكده إذا يحتسب كل ترم لحالو او الأترام كلها مع بعض

أنا و الله حاولت افهمها انو كل البنات إلي تعدلت درجتهم حق التطوير صار معهم نفس الشي

بس هي كانت تقول التحديث يحتاج وقت .. صراحه الكلام ما دخل مزاجي يعني الدرجه تتحدث في يوم و المعدل في شهور

[كـاسبـ..ر]

المشاركة الأصلية كتبت بواسطة هـ ~ ـدوء أولاً مبروك التعديل .., ياليت تعطيني معلومات اكثر رحتي عمادة القبول ولا شؤون الطالبات ومبنى رقم كم وعند مين اروح ..؟ أنا من بعد تعديل درجة التطوير ماتعدل معدلي ولا عدد الساعات ياليت تجاوبيني :(

الله يبارك فيك و عقبالكم جميعا

عمادة القبول غرفه 22 عند استاذه زيزي بالله طفشوهم ترى نرفزوني

[ندووووووووش]

حسبي الله ونعم الوكيل
مفروض المعدل يتعدل بتعديل الدرجة طوالي

[قلب يتأمل]

وانا قبل يومين الدرجة تعدلت بس المعدل
ماعدلو فيه شئ الله يعيننا عليهم