الله يريح قلب اللي تساعدني ويجعلها من كل ضيق فرج

[أم زهور]

زي ماقالت لك دنيا جديدة هذا بالنسبة للبحث والتدريب

بس لازم كمان تروحي العمادة وتاخذي اوراق علشان تغير الحالة الى متوقع تخرجك وتكوني عارفة تكتبي اسمك بالانجليزي كامل لانه ينكتب في الوثيقة

وبالنسبة للبحث بعد ماتضيفي المادة نصيحتي لك تختاري موضوع بحثك قبل ماتتدربي علشان ماتحوسي بعدين واتفقي مع استاذة المادة على الموضوع واكثر الاستاذات يطلبون انك تتكلمي عن مشكلة ويكون فيه خطوات للبحث حقك طبعا تعطيكي الاستاذة هذي الخطوات تمشي عليها

كمان نسيت مااقولك فيه 3 اوراق تطبعيها من موقع الجامعة وتكتبي بياناتك بالكمبيوتر حتى جهة التدريب لانهم مايقبلون بخط اليد وتطبعي الاوراق وتروحي تختميها من الجامعة وبعدين تتوجهي على جهة التدريب وتسلميهم الاوراق

اي استفسار انا موجوده