~~ شــــــتــــــات ~~ ♥ مُصرهـ علـى قــراري ♥..

[مصره على قراري]

لو عملت تجربه بسيطه ،.

بوكس زجاجي ،. وكل احساس يضايقني

او احس فيه اكتبه .. بورقه صغيره

احطها بهالبوكس

ولو تلاشى هالاحساس .. او قلبي ما طاوعني

استمر فيه تجاه شخص .. اسحب هالكرت ،.

النتيجه معروفه عندي صراحه

رح يكون البوكس سريع الامتلاء
وبنفس الوقت يتفرغ بسرعه ..

مو لاني تعافيت من هالاحاسيس الخانقه..

لاني .. رح اطلع مليون عذر وراضي نفسي بنفسي

واقول مايقصدون انا حساسه بزود

وهم احسن مني .. ولازم اعترف بكذا

وانا مالي حق ازعل .. ولازم اتعامل بنضج

،.

طيب لمتى بظل كذا؟؟

للامانه هالطبع اكيد لي اجره
لاني ابادر بالخير وانام وانا مسامحه الكل
ومراضيتهم بعد ،.

بس متعبني مع هالبشر

صرت حق مكتسب و مستهلك للكل

اقدم كل شي .. ولا احصد شي


،.

كل الي خايفه منه اني انجبر اتغير .. لطبع ماتخيلته بيوم

من الضغط وكثرة الاساءه ،.


الله لا يجيب هاليوم ..

^
هاه .. برضو قلبي مو مطاوعني اتخيل مجرد تخيل

اني اعطي نفسي التقدير اللازم وانسف الكل


الحمد الله على كل حال