هل انت مع قيادة المرأة للسيارة في السعودية(صوت)+دعوة للنقاش

[S.Bn]

شوفوا انا اقول انها تسوق بس يمدكون في ضوابط مكثفة زي الامارات ما شاء الله مو بس يسوقوا الحريم الا عندهم تكسيات لونها بنكي

و انا اعرف كذا وحدة تسوق ما عمرهم صار لهم شي من الخرافات اللي نسمعها

عادي وحدة تقول تعطلت السيارة تبعها جنبتها و ركبت ليموزين و رجعت بيتها و لا احد ضايقها و لا شي >>> دا من ضمن الاشياء اللي نسمعها انو لو تعطلت السيارة اش بتسوي و بتنادي رجال و معرف ايش

و تاني شي الفتن مو بس من النساء يعني الشباب و حركاتهم مع احترامي للرجال
اش رأيكم لمن مواطنة اماراتية تقول لي انا ما عاد ابا اجي السعودية عندكم الرجال يخوفوا
كانت في استراحة على طريق الرياض جايين لمكة
و زوجها سابها ثواني و رح يرجع
و تقول الا الاقي سيارة شباب بدأت تدور حولنا و فاتحين الشبابيك و مشغلين اغاني
و سألتني اش بتسوا لمن يصير لكم كدا قلتلها طنشي عادي و لا كأنوا احد قدامك >> طبعا ما اقتنعت بكلامي
اخدت فكرة سيئة على السعوديين مو بس هيا حتى اطفالها اللي في الابتدائي

و غير كدا من القصص ....

و بالنسبة لردودكم

حسيت كأنكم بتقولوا انو قيادة المرأة سبب للفتن

لكن البعد عن الله و ترك الدين هو سبب الفتن

و عندي كلام ابا اقولوا بس ملخبط و ماني عارفة اكتبوا

و سلامتكم

دا رأي من واقع رأيته و احتكيت مع حريم كتير ساقوا سيارات