للاهميه/اكبر تجمع لطلاب لقراءات الانجليزيه401 /1433

[المشتـاق]

جزاك الله خير

طيب المصطلحات بيجيب قطعه عليها زي اسئلة العام

[البرهان]

نشكر الجميع على المجهود الجيد وكتبه الله في ميازين حسناتكم الله يوفقكم

[مشوار طويل]

المشاركة الأصلية كتبت بواسطة نشمي حائل اذا عندك بحوث وعمليات اليوم هذا رقمي اتمنى تتصل بي قبل الاختبار 0554878748 وابشر بالقهوه والعلوم الغانمه يالغالي لكن الحين ما لك فكه الشباب وكلوك انك مراسلنا عند الدكتور بيض الله وجهك يا راعي النيااق اويحي بس على الحليب الحين يفك صواميل المخ للمذاكره ااااخ بس

اي حليب ونياق يا ابو حليب الله يرحم والديك

عاد تخيل نفسك بشاليه وجالس على البحر ومعاك حليب وجنبك ناقه مروضها وفي يدك نموذج اختبار

الحليب بجده ماله طعم ،،، الحليب اذا طلع من ديرته خرب طعمه



والله مايفكك صواميل اللمخ غير الشاهي المثلج وورد بللغاريا ......................


ووونعم باهل حائل يالنشمى

[نايف العطاوي]

المشاركة الأصلية كتبت بواسطة المشتـاق جزاك الله خير طيب المصطلحات بيجيب قطعه عليها زي اسئلة العام

لا وانا اخوك المصطلحات يجيك زي ماهو موضح بالنماذج يا صح وخطا .. او تجيك مثل وصل من الفقره كذا الى كذا

[نايف العطاوي]

المشاركة الأصلية كتبت بواسطة نشمي حائل اذا عندك بحوث وعمليات اليوم هذا رقمي اتمنى تتصل بي قبل الاختبار 0554878748 وابشر بالقهوه والعلوم الغانمه يالغالي لكن الحين ما لك فكه الشباب وكلوك انك مراسلنا عند الدكتور بيض الله وجهك يا راعي النيااق اويحي بس على الحليب الحين يفك صواميل المخ للمذاكره ااااخ بس

ههههههههههه كفووو والله يالطنايا واهل حائل ماهيب غريبه عليكم ..

مشوار طويل ههههه اذا حصلت احد توصله وفاهم بالانجليزي لاتخليني اذا فيه ركوب لي معك

[مشوار طويل]

المشاركة الأصلية كتبت بواسطة نايف العطاوي ههههههههههه كفووو والله يالطنايا واهل حائل ماهيب غريبه عليكم .. مشوار طويل ههههه اذا حصلت احد توصله وفاهم بالانجليزي لاتخليني اذا فيه ركوب لي معك

انا اقلك للدوافير خلوها بالطيب وماعليك بندسم شاربكم عشاء وفله ووناسه بعد الاختبار


لاتحدوني اقعد عند باب المبنى واختار لي واحد وانشب له وين مايروح وراه وراه لو يخش القاعات كلها

ياشباب لاتفهموني غلط (( انا دافور بالانجليزي بس ابي لي دافور وواحد بمستواي عشان نتناقش بالاسئله والقطع))

خااااااااااااااااااص خلوها بالطيب

[نشمي حائل]

المشاركة الأصلية كتبت بواسطة مشوار طويل اي حليب ونياق يا ابو حليب الله يرحم والديك عاد تخيل نفسك بشاليه وجالس على البحر ومعاك حليب وجنبك ناقه مروضها وفي يدك نموذج اختبار الحليب بجده ماله طعم ،،، الحليب اذا طلع من ديرته خرب طعمه والله مايفكك صواميل اللمخ غير الشاهي المثلج وورد بللغاريا ...................... ووونعم باهل حائل يالنشمى

ما عليك زود يالغالي بس انت ما تعرف مفعول الحليب وقت الاختبار انا بوقت الاخبتار يطري علي اللي
بالدعايات المنقذ هذاك

والله عندي اختبار بحوث الليله ولا ذاكرت شي الله يعين بس
الانجليزي ان شاء الله ما عندي مشكله فيه واللي يبي فزعه يبشر به من الجميع
بس ابي احد يرد علي الصوت ويشرفن نتقهوى سوا بس مامن احد هنا
ما حولك احد
الترم اللي فات والله اني اخذت القهوه والشاهي وبالمواقف بالجامعه فرشت الفرشه وجلست اتقهوى
فيه بعض الطلاب نقدو علي بس الشكوى لله

[نشمي حائل]

السالفه به تمشيه ويخت وعشى وعلوم سفرره يالغالي اجل ابشر انا معك لكن لي ساعه فريت قسم الملخصات فر
لين صار يطردن برا الجهاز صار يرمش من كثر الملخصات والاسئله اللي نزلتها عليه
الظاهر نصها مو علي هالترم بعد
كل شي تحميل تحميل وادعس والقلب يدعي لك

المهم لا تنساني بسالفه اليخت ترا امنيتي اسج بالبحر عندي كم بيت شعر ابنثرهن هناك يقولون يكتم الاسرار
اذا فيه تعاون او مشاركه اتمنى تحسبوني معكم يالربع وابشرو باللي عندي ولا تحرموني مما عندكم

[ابو تركي 1]

بيض الله وجهك يالعطاوي ما قصرت ولاهانو الاخوان

[البرهان]

يعني موجايب نفس اسئلة النماذج الثمانيه بيغير فيها مانحفظ الحل حقها