الي ماطلعت نتائجه تعاااااال

[ابو زياد الهذلي]

الاودس المقرود حطم طموحي 0000 وذوقني المر المصفى بكاسه
خلاص مابه صبر لازم ابوحي0000 ماعاد به حكمه وعقل وكياسه
قدام هالاودس تزايد جروحي 0000 ما به نتايج غير هم وتعاسه
ابي النتيجه خل تكمل فروحي 0000 خلاص اخر ترم مابه دراسه
انام واحلم كيف اببني صروحي0000 والظاهر اخرها سكورتي حراسه

[max93]

صح لسانك وعلى شانك

[أبو دانا]

ههههههه

صح لسانك يابو زياد

وفالك النجاح دنيا واخره يا رب

[سعود البلوي]

وانشهد صح لسااانك

[control]

هههههههه

صح لسانك ،،،

ولا إن شاء الله يوفقك الله سبحانه وتتخرج ويبارك لك فيها ،،،،

[ندى الشوق 2]

ههههههههههههههه صح لسانك

[اوطان]

بسم الله الرحمن الرحيم

هذي قصيده كتبتها قبل كم سنه من الآن

وسبب الكتابه نفس المعاناة التي نمر بها الآن

والاودس يأبا ان يفرحنا ومصصم على معاناتنا

الاودس ألي برمجوه المصفين &&& والله لدوسه لحين اظهر عظامه




من يوم قالو والنتائج في يومين &&& و الاقشر المأخوذ مدري علامه



صرنا أنترجاه بالعطف واللين &&& ياهوه يا باشا يا راعي العمامه



عطنا نتائجنا يازين بالزين &&& ما فاد فيه الطيب فرخ النعامه


عطنا نتائجنا ياشين ياشين &&& ترى الطفش واصل حدة سنامه


لاوفقك ربي يا غراب البين &&& ياللي علينا سال سيف الهيامه


علشاننا ضعوف وفلوسنا دين &&& وندفع رسوم عيشتك يالقمامه


ماناقص الا تشوف دمعة العين&&&حامض عابوزك ياغبي يالزلامه


صبرآ من الله رب المساكين &&& والا انت لك دعوة فوق الغمامه

[حسن حيدر]

جمييل جمييل يا اخ زيــادة

وان شاء الله يكون اخر دخول لك للأدوس هالسنه وتستلم الوثيقه


والف مبروك التخرج مقدماً


-----

اوطان اهنيك ابيات جميله وممتعه للمستمع

اتمنى لكم التوفيق

[ابو زياد الهذلي]

المشاركة الأصلية كتبت بواسطة اوطان بسم الله الرحمن الرحيم هذي قصيده كتبتها قبل كم سنه من الآن وسبب الكتابه نفس المعاناة التي نمر بها الآن والاودس يأبا ان يفرحنا ومصصم على معاناتنا الاودس ألي برمجوه المصفين &&& والله لدوسه لحين اظهر عظامه من يوم قالو والنتائج في يومين &&& و الاقشر المأخوذ مدري علامه صرنا أنترجاه بالعطف واللين &&& ياهوه يا باشا يا راعي العمامه عطنا نتائجنا يازين بالزين &&& ما فاد فيه الطيب فرخ النعامه عطنا نتائجنا ياشين ياشين &&& ترى الطفش واصل حدة سنامه لاوفقك ربي يا غراب البين &&& ياللي علينا سال سيف الهيامه علشاننا ضعوف وفلوسنا دين &&& وندفع رسوم عيشتك يالقمامه ماناقص الا تشوف دمعة العين&&&حامض عابوزك ياغبي يالزلامه صبرآ من الله رب المساكين &&& والا انت لك دعوة فوق الغمامه

صح لسانك يستاهل الاودس البغيض

[ضامي]

صح لسانك يابو زياد

ذكرتني باول ترم لنا في الجامعه