موقف طريف

[asd997]

اكره هذي العينات اللي يجيك من بيت امه لافتح كتاب ولا ذاكر ملخص ولا بحث عن اسئلة الأعوام السابقة
ويجي يمتحن الناس ويشوش عليهم عشان ينجح ولا يبغا يجيب a+ هو وجهه

[فيصل آل طريفي]

هو إنتوا شفتوا حاجة

[خجلانكو]

المشاركة الأصلية كتبت بواسطة بندر المطيري هههههههههههههههه قسم اضحك من السماجه حقتك انت بالله يعني فرحان ما ساعدت الرجال زميلك محتاس يمكن عنده ضروف ما قدر يذاكر ولا جاي تعلمنا بقوة عين هههههههههههه

وش فيك معصب انا مخليه يحل بسلامته بس بالله يسألك واحد وانت في اللجنه يقول لك متأكد من حلك وش بتقول له ومن جميع الاتجاهات فيه مراقبين لا يكون انت بس اللي جنبي هع

[خجلانكو]

المشاركة الأصلية كتبت بواسطة woo8oow انا ما ادري وش الطرافه في الموقف صراحه !. قريت اليسالف مره وثنتين .. وما لقيت فيها اي شي طريف جد والله .. بعد هالسالفه .. ممكن تقول لنا وش الطرافه فيها !؟..

اسف ياطويل العمر ماعاد اتعودها بس لا يكون اشغلناك وانت تقراها كم مره
كنت ابكتب موقف سامج بس نسيت

[عبدالله بن سليمان]

ياما تشوف مواقف

وأشكال بقاعات الامتحانات

وبجاحه متعديه الحدود

بصراحه مافكرت أغش أبدا

حتى لو أحمل المادة

أخذ شهادة حرام ؟

[امل يعقوب]

^


كفووو
بس من جد ذا وقققح

[أبو طلال22]

في اختبار الاتصال في المنظمات العامة امس الثلاثاء كان الاختبار صعب من جد وحاسوا فيه الشباب قلبتها سوالف مع خويي جنبي على اليمين وكنت ارفع صوتي عشان يسمع اللي قدامي واللي على يساري والحمد لله انا حليت فيها زين يعني الدرجة ماراح تنزل عن 80 ان شاء الله

الشاهد ان بعض الدكاترة الله يهديهم يجيبون اسئلة وسط السطور ومعقدة وكاننا بنصير علماء مما يستدعي بعض الطلاب الى المساعدة من الزملاء اللي جالسين بجنبهم في القاعة
فلا تلومونهم البعض يجد صعوبة بالغة في المذاكرة وخصوصاً اللي جاي من 1000 كيلو و500 كيلو
وخساير مادية فقمة القهر على التعب هذا يجي دكتور ويعطيك اسئلة صعبة جداً وما يقدر باننا طلاب انتساب

[عبدالله الـتـويجري]

بالنسبة للي يجي جنبك ويجبرك إنك تساعده ويقطع حبل أفكارك
فأنــا أعتبرهم ناس بلا أخلاق بكل صراحة ،،
أنا أجي من مسافة 900 كيلو وأجور سكن ونفقات مدرسين للمواد العلمية
ورسوم الجامعة اللي ذبحتنا ويجيك بعض الدكاتره حاط لك أسئلة كأنه يقول لك
يا أنا يا إنت بالجامعة ،،
مع ذلك ولا مره سمحت لنفسي إني أغش أو أغشش أحد عندي
إذا ما أعتمدت على نفسي بالمرحلة هذي ما راح أعتمد عليها أبداً
الأمر الثاني إنت راح تتخرج إن شاء الله على أمل الوظيفة
فكيف تسمح لنفسك براتب شابه شي من الغش والتدليس

أتمنى من كل طالب جامعي إنه يرتقي بنفسه عن هذه الأمور
حتى لو كانت كثير من الأمور ضدنــا !!

للعموم هذا رأي شخصي فيه من يتفق ومن يعارض .

[ضيعت اسمي]

المشاركة الأصلية كتبت بواسطة أبو طلال22 فلا تلومونهم البعض يجد صعوبة بالغة في المذاكرة وخصوصاً اللي جاي من 1000 كيلو و500 كيلو وخساير مادية فقمة القهر على التعب هذا يجي دكتور ويعطيك اسئلة صعبة جداً وما يقدر باننا طلاب انتساب

ــــــــــــــــــــــــــــــــــــــــــــــــــ ـــــــــــــــــــــــــــــــ
انتبه:من غشنا فليس منا
بالتوفيق للجميع.

[ابويوسف1402]

ههههههههههههههههههههههه الحمدلله شكلك فاضي