[أشيـــــرو عَلــــي فـأنا بضيــــاع كبيـــــر]

[طموح آنثـى]

سلامة قلبك
الله يرحم جدتك ويجعل مثواهآ الجنة
حبيبتي مريت بتجربة قريبه من تجربتك قبل كم سنة
وفاة خالي وابن خالي في سنة وحده مابينهم الا شهرين
المهم
لأني من النوع الحساس اي شي يأثر فيني
ماحبيت ادخل في دوامة الأدوية النفسيه ولأن حالتي مايبي لها(اكتئاب متوسط)
كلمت د/جابر القحطاني
الله يجزاه خير
ودلني على كبسولات عشبة القديسين او القديس يوحنا افضل من العشبه لأن الكبسولات مقننه
وانظف وآمن من حقت العطارين
في محلات ارمال بالرياض رقمهم 012535530
مدري اذا فيه فروع ثانيه او لا

هذا رابط عنها
http://www.khayma.com/hawaj/HYPERICUM.htm

عموما هي كبسولات آمنه جدآ مامنها ضرر ابد ابد وتباع حتى في محلات الاغذيه التكميليه
راح تحسين بتحسن كبييير وراحة بال
وبإذن واحد احد تشوفين التحسن وارجعي قولي لنا عن اللي يصير معك
واهم شي
تقنعين نفسك أن هـ الحالة اللي انتي فيها ماراح ترجع لك الفقيده ( إنك ميت وإنهم ميتون)
كلنا اموات ابناء اموات
اطلعي من دائرة الحزن وعيشي ايامك بروح متفائلة وتعوذي من الشيطان
سوي جلسات استرخاء وباليوتويب فيه كثير اطباء يشرحونها بالتفصيل وعن فوائدها
صلي الثلث الأخير من الليل وادعي الله ان يشرح صدرك
ودائمآ رددي لاحول ولاقوة الا بالله
ورد انها تنفع من تسع وتسعين
ايسرها الهم وهي كنز من كنوز الجنه
يالغلا
انتي قريباً اخصائية نفسيه شلون تستسلمين كذآ؟! المفروض تقوين ايمانك بالله
ولاتستسلمين بسهولة للهم اللي هو من الشيطان
/
لاتفتحي كتبك الا بعد ان تحسين بتحسن لأنك في هالحالة بتتعبين اكثر وتضغطين على
نفسك وتحمليها فوق طاقتها