شهادة التعليم عن بعد وموضوع اعتمادها

[روح ميمو]

السلام عليكم ورحمة الله وبركاته
بدخل بالموضوع بدون مقدمات طفشنا من موضوع شهادة التعليم عن بعد معتمده والا لا
المهم باختصار وبدون فلسفه وعوار راس جربو تدخلو موقع جداره واللي هو تبع الخدمه المدنيه وتسجلو معلوماتكم لطلب التوظيف واكتبو جامعي يجيكم ثلاث خيارات
انتظام
انتساب
تعليم عن بعد
هذا اكبــــــــــــــــــــــــــــر دليــــــــــــل ان الشهاده معتمده لان افضل جامعة تعليم عن بعد هي جامعة عزوز وكلنا عارفين انها حصلت على شهادة افضل تعلم الكتروني المهم بس ابغى اطمنكم ان الشهاده معتمده ذاكرو وشدو حيلكم وبلا وسوسه

[Alwaleed Bin Omar]

الله يجزاكي خير يا اختي ويوفقنا واياكي باذنه سبحانه

( بعض الناس لا يعرفون ان من يقول الاشاعات ضد هذا النظام قد يكونون من أصحاب الجامعات والكليات الخاصة وان المراد هنا ترك هذا النظام والبحث عن أي جامعة اخرى ، لأنه في بالهم فكرة معينة وهي ان الطالب او الطالبة لا يدخلون في هذا النظام الا لأنهم عجزوا عن دخول الجامعة كمنتظمين وأصبحوا يطلقون الاشاعات لمصالحهم )

[O N E]

.

.



ملينآ من هآلموضوع وكثرة آلكلآم فية ..
آلسنة آلجآية بيفتحون آول جآمعة آلكترونية بآلمملكة فـ بآلعقل يعنيّ ليش يصرفون
هـ آلمبآلغ على شي مو مضمون آو معترف فية ..!!
وبعض آلنآس آلله يهديهم يقولون وزآرة آلتربية وآلتعليم مو معترفة بآلشهآدة بس بفهم وش دخل آلتربية و آلتعليم بآلموضوع ..!!

[طالبة -]

مشكوره

[روح ميمو]

العفو

[not yat]

روح ميمو

تجين تتعشين عندي .. قولي تم

حلفت .. خلاص

طبعا أول ما ينزل راتب الوظيفة بعد سنتين من الآن ..

[not yat]

المشاركة الأصلية كتبت بواسطة alwaleed bin omar الله يجزاكي خير يا اختي ويوفقنا واياكي باذنه سبحانه ( بعض الناس لا يعرفون ان من يقول الاشاعات ضد هذا النظام قد يكونون من أصحاب الجامعات والكليات الخاصة وان المراد هنا ترك هذا النظام والبحث عن أي جامعة اخرى ، لأنه في بالهم فكرة معينة وهي ان الطالب او الطالبة لا يدخلون في هذا النظام الا لأنهم عجزوا عن دخول الجامعة كمنتظمين وأصبحوا يطلقون الاشاعات لمصالحهم )

صدقت لا فض فاك .. وبيض الله وجهك
ومع هذا يا طويل العمر .. حفظك الله ..
فجهود المهتمين لأمرهم وأمرنا في منع ما من شأنه يكون صدمة لنا فيما بعد , كما فعل الاستاذ عادل والأستاذ صهيب .. هذا أمر يعد مهما جدا .. ويرش الملح في أعين المتملصين والذين تسمع منهم هذه المفردة البشعة (غير معتمد)


كنت جالسة لوحدي أفكر حتى صدددددعت .. أقول وش بيكتبون في شهادتي لو كتب لي عمر وشافت عيني هالشهادة ؟!

بيكتبون : الأخت المذكورة أعلاه تخرجت من قسم أدب اللغة الانجليزية .< النقطة هذي تعني خلاص ما عاد بعدها شيء

ليييه فين أنا عايشة ؟ في كوكب مهابيل لا سمح الله؟!!

عذرا على أسلوبي ! , لكن بلا شك سيكون مكتوب جامعة عبد العزيز وما يعقب هذا


لكن تعرضنا لمواقف لا تخطر على قلب بشر .. وما كنا غافلين والله لكن أنا ممن تعرضوا لأمور أقل ما أقول فيها أنني أصبت بنوع من الضحك كاد يقودني للجنون< بسم الله علي

شهادة ومعتمدة وبالقيمة الفلانية وشيء يطول شرحه .. من 9 سنوات وهي بدرج مكتبي مثلها مثل ورقة a4 بدون فائدة تم رفظها قطعا



والآن لا أريدها ولا أعترف بها وما أبغي أحد يجيب طاريها ..
والآن أتفاجأ بشيء كاد أن يشبه ما حصل ..

فلن يحدث هذا بحول الله


إني أصبحت آخذ كل شيء على محل الجد.. يدنا بأيدي من يسعى في رفع أي شوشرة على مسمى وإعتماد شهادتنا القادمة.


كلكم موفقين لكل خير.

[Alwaleed Bin Omar]

الله يحفظك ويرعاكي أختي الكريمة not yat

كلامك سليم أختي لكن ...

باذن الله رب العالمين لن يخيب ظن احد ، فلنتوكل على الله في كل امورنا فهو خير حسيب لنا سبحانه

وأيضاً نحن هنا نتكلم عن جامعة الملك عبد العزيز وهي جامعة مرموقة لها مكانتها العالمية ومن اكبر الجامعات

يعني بصراحة ما ادري هذا اللي يقعد يتكلم عن التعليم عن بعد يعني بالله مو فاهم انه بكلامه هذا ممكن يطلع غبي مثلاً ؟؟ ما يقول في نفسه انا اشلون أتكلم عن جامعة حكومية ومن اكبر الجامعات ؟؟
لا والمصيبة الاكبر حتى بعد الاعلان عن الاعتماد على صفحة العمادة في الموقع الرسمي للجامعة ،، وباقي يكررون كلامهم ما ادري اشلون الصراحه يفكرون !!!

تفائلوا بالخير تجدوه باذن الله ،، ولا تقلقوا أبداً

جعل الله التوفيق والنجاح حليفنا جميعاً باذن رب العالمين

وُفقتم جميعاً لما يحب ربي ويرضاه

[روح ميمو]

not yat خلاص تم انتي كريمه وانا استاهل خخخخخ
عموما بالتوفيق للجميــــــــــــــــع