اخبار للمنتسبين البنات

[solaaa]

الحمدلله حتى انا رحت اليوم وماكلموني واصلاً عمرو محد كلمني

يابنات أهم شي البسوا لباس محتشم وادخلوا من شمالية1 وبتمشي أوضاعكم زي الحلاوة انا اليوم وانا داخلة شافوا

بلوزتي طويله والله 5 عند البوابة من الشؤون قالولي اتفضلي مو وحده فيهم كلهم والله قمة الذوق ربي يسعدهم

احنا مو نبا العلم ضروري نلتزم بالقوانيين ونحمد ربنا على جامعتنا وربي جامعة متفتحة روحوا شوفوا الجامعات التانية كأنهم في معسكر

[amosh]

بنااات ايش حكااية الخيمة ؟انا مررة اتحمست مين يعرف شي عنهاا
يعني لها وقت معين ؟كيف اروحها ؟ لازم تسجيل ولا كيف ؟نروح ايش نسوي ؟
مسموح الانتساااابب ؟

[soseTaa]

المشاركة الأصلية كتبت بواسطة شموخ كبريآئي آنآ آليومـ رحت آلجآمعة ودخلت محد قلي شي ~.. بآلنسبة للخيمة آلريآضية شفت آكتر من موضوع كآنو آلطآلبآت بيقولو فيه إنهآ بدون آي رسومـ ~.. وآلخيمة مكآنهآ عند شمآلية 1 بتكون وآضحة من برىآ آلجآمعة ~..

ايوة كما مرة شفتها من برا واضحه
بس حابه اعرف ياعسل كيف اقدر ادخل لها
يعني ادخل من شماليه 1 والاقيها جوه

[حيآتي كلها لله]

الخيمه الرياضيه اقرب مكان لها شماليه 1

ولمن تروحي لازم تسجلي مو كدا تدخلي بدون تسجيل..

وبالنسبه لتسجيل سهل يقولولك روحي لمبنى الشؤون اللي هوا مبنى 13 وجيبي ورقة تبع الكشف الطبي وتروحي من نفس الجامعه تكشفي يعني شي بسيط تخلصيه بخمسه دقايق وكمان يطلبو منك صور 4×6 يعني جهزيها وانتي رايحه ووبس (:

[حيآتي كلها لله]

وكمان في شغله نسيتها

يطلبو برنت بجدولك

يعني تطبعي جدولك من الاودس وتاخديه مع الصور والكشف الطبي

اقولكم دي الشغلات من دحين عشان ماتروحو تتمرمطو رايحيين جايين عشان التسجيل جهزي اوراقك عشان تخلصي بنفس اليوم

وكمان مجاني (:

[soseTaa]

حيآتي كلها لله
معليش حابه اسالك اذا انتي مسجله ايش الانشطة الي فيه
في اجهزة رياضيه ولا بس كرة طائرة وسلة
ومتى يفتح في الصباح ولا العصر
وسمعت انو في ايام للبنات وايام للرجال صح ذا الكلام
ادري طفشتك بس حابه اعرف قبل لااسجل

[حيآتي كلها لله]

لا هيا جوا الجامعه حقة البنات يعني بس للبنات الاولاد لهم نادي خاص فيهم

انا ماسجلت لاني ماحب الرياضه بس بنت اختي مسجله وكنت اروح معاها بعض الايام

والانشطه اللي فيهاا كورة سله وتنس وكورة طايره وايروبيك اجهزه رياضيه مممممم وكمان تلقي قروب بنات يعملو دانس غربي
ويفحتو الصباح يوميا بس بالمسا ماعرف والله..

دي الشغلات اللي شفتها ماعرف اذا فيه كمان او لا لاني مو دايما اروح..
ان شاءالله اكون افدتك (:

[caramillla]

صباح الخير طيب ممكن سؤال المتخرجين يمديهم يسجلوا في الخيمة لأن اختي متخرجة بس مو من نفس الجامعة الي يعرف شي عن هذا الموضوع ياريت يفيدني

[حيآتي كلها لله]

متخرجه ومو من نفس الجامعه مستحيل يدخلوها الجامعه نفسها

[soseTaa]

المشاركة الأصلية كتبت بواسطة حيآتي كلها لله لا هيا جوا الجامعه حقة البنات يعني بس للبنات الاولاد لهم نادي خاص فيهم انا ماسجلت لاني ماحب الرياضه بس بنت اختي مسجله وكنت اروح معاها بعض الايام والانشطه اللي فيهاا كورة سله وتنس وكورة طايره وايروبيك اجهزه رياضيه مممممم وكمان تلقي قروب بنات يعملو دانس غربي ويفحتو الصباح يوميا بس بالمسا ماعرف والله.. دي الشغلات اللي شفتها ماعرف اذا فيه كمان او لا لاني مو دايما اروح.. ان شاءالله اكون افدتك (:

الف شكر حبيبتي الله يسعدك