بخصوص الاعفاء ومرمطتهم

[اووف]

السلام عليكم
كيفكم ان شاءالله تمام
صبايا حابه اسألكم عن الاعفاء انا قدمت اليوم عن طريق النت ومني عارفه بيقبلوني ولا لا والناس نزلت لهم الجداول وخايفه مايقبلوني بعد التعب والانتظار مع انو من الدخل المحدود والبيت ايجار رحت سالتهم قالو قدمي من النت كنت ابغى اقدم من الجامعه نفسها
ولا ايش رايكم اخل ابويه يروح من الرجال يقدم احسن واضمن الاعفاء معدلي التراكمي 2.76 يشملني الاعفاء عارفه بس اخاف مايقبلوني من النت
ايش اسوي

[اووف]

بليز اي احد يعرف شي يجاوبني عشان لايروح عني الاعفاء

[نوف عبدالعزيز]

كيف دخلتي بياناتك ؟؟ ممكن شرح التقديم

[أشجان عمري]

الإعفاء ياخذ وقت من الأفضل إنك تروحي الجامعة وتقدمي اوراقك من هناك بالتوفيق

[اووف]

قدمت من رابط من قوقل انا رحت لهم بس قالو معدلك عالي قدمي عن طريق النت وخايفه مايقبلوني
بليز اللي قدمت عن النت وقبلوها ولا اللي قدمت ارواقها في الجامعه وقبلوها تقولي

[اووف]

بلييييزز احد يرد عشان لايفوتني التقديم

[حتى في صمتي مهابهـ]

انا قدمت عن طريق النت وللحين ماردو عليا لانو المده ماانتهت
والله اني خايفه يرفضوني لاني حطيت راتب ابويا بدون ماانقص منو تبع الايجار والقرض
الله يستر ويسهلها ع الجميييييع يااااااااارب

[عبق الورد~]

انا قدمت عن طريق النت وللحين ماردو...

[ملكه ..]

لا قدمي من النت صحبتي الترم اللي راح قالولها قدمي من الجامعه بس لما راحت
قالولها نفس الشي معدلك عالي قدمي من النت وقدمت من النت وقبلوها بس لازم تصيري تشيكي
على نفس الموقع اللي بتقدمي منه لانه اذا قبلوك ممكن مايرسلولك مسج على الجوال
موفقه ~

[النور نوري]

اختي الله يسر امري وامرك اليوم الجمعة جهزي اوراقك من اليوم بطاقة العايلة والاوراق الي تشرح وضعك وم يوم السبت روحي الجامعة واسئلي عن المبنى 3 الدور 2 في مكتب مكتوب علية منح الانتساب المدفوع غرفة 319 وقولي للموظفة ابغى اقدم علية تساللك عن الرقم الجامعي والاوراق اللي تشرح حالتك وان شاء تقولك تم قبولك وينزل جدولك واليوم جمعة استغلي ساعة الاجابة بالتيسير وان شاء الله تبشرينا بقبولك ونزول جدولك بالتوفيق ان شاء الله