كيف اسجلها وهيه موموجوده ؟؟

[حنان البلوي]

صباح الخير جميعا انا قسم علم نفس و عندي ماده بقسمي مقدمه في العلوم الطبيعيه chem205 طبعا انا سحبت برنت عشان اعرف باقي المواد اللي لسا مااخذتها وطلع لي من ضمنها هالماده الغريب انو كل المواد الباقيه ليا فالبرنت نزلوها في جدولي بدون مااحطها انا (قلت حلووو طب وين الماده هذي!! ) يوم نزل الحذف والاضافه جيب ابغا اضيفها مالقيتها من ضمن المواد ولقيت مواد حره مع العلم اني قد اخذت كل المواد الحره ايش الححححححل؟؟ مره ضايقوني لاني ساحبه برررررنت وماعندي مواد حره باقيه بقي بس المواد اللي بجدولي وهماده المقدمه في العلوم الطبيعيه ارجوووو المساعده

[جيسكا]

ونا مثلك بنزل مقدمة في العلوم الطبيعية ده الترم ودخلت الحذف والاضافة بس مالقيتها من ضمن المواد
الظاهر مهي موجوده عند الكل ومالنا غير ننتظر يمكن ينزلوها في اي وقت

[وميض الأمل]

طيب عجلوا وراسلوا الاستاذة حنين امام عشان تنزلها لكم

فديتها عسولة وترى تنزيل المادة يبغى لها وقت لي كم يوم

وانا ارجها عشان مادة قيم الشباب والمواطنة والى الآن مانزلت لي !

والسنترا يبدا السبت ..

[جيجي_جده]

ايوة المادة هذه لازم نرسل ايميل عشان تنضاف

ومن ناحية ان حنين عسولة لا والله مو مرة ، رحت لها مرة بالقوة كانت ترد عليا

على العموم الي اتمناه انهم ينزلوا اسماء الاستاذات بسرعه عشان يمدينا نغير قبل السنترا ماتبدأ

[حلا الغامدي]

انا توي راجعة من الجامعة وحاولت اضيفها واضيف القيم والمواطنة
ورفعت ضغطي
قالت لي بكل قلة ادب ولا في اي ذوق
تنضاف بس للي ذا الترم تخرج
وحاولت فيها ورفضت تماما
مع انه ماقد سمعت ان في مواد محتكرينها لبنات التخرج
لكن حسبي الله

[حيــث الهــدوء]

تعقيباً على كلام العسوله حلا الغامدي / هي لم تقصد الاستاذه حنين امام .. كانت تقصد استاذه اخرى

اعذريني حلا ولكن وجب علي التنويه حتى لا نسيئ لأخلاق الاستاذه الفاضله حنين امام ولا يخفى على احداً منكم اخلاقها واسلوبها الراقي :)

وبالنسبه لأختي العزيزه / جيجي .. لكل انسان ظروفه وتعلمين مدى الضغط لمن يقومون بإدارة الحذف والإضافه .. فإن اسأت معاملتك يوماً ما فألمسي لها العذر فلعلها كانت واقعه تحت ضغط وجميعنا نقع في مثل هذه الحالات

موفقين جميعاً عزيزاتي :)

[لحظة ذهوووول]

حتى انا ابغى اضيف الشباب وقيم المواطنة

مالقيتها في المواد المتاحة

ايش الحل ؟؟؟

[ربي اشرح لي صدري]

انا حصلت الشباب وقيم المواطنه..بس ما لقيت المدخل الى الاحصاء النفسي ..ودوبي راسلتهم على البريد ..

[nana19]

انا الفكر الفلسفي مو موجود
وأرسلت للاستاذه حنين وقالت إن شاء الله راح تنضاف لك

[حيــــــاة]

المشاركة الأصلية كتبت بواسطة جيسكا ونا مثلك بنزل مقدمة في العلوم الطبيعية ده الترم ودخلت الحذف والاضافة بس مالقيتها من ضمن المواد الظاهر مهي موجوده عند الكل ومالنا غير ننتظر يمكن ينزلوها في اي وقت

انا اختي مستوى ثالث واضافتها اليوم