الجدول والاستاذات

[Fatmah Mohammad]

بنوتات إلي أخذوا مع هالاستاذات يعطوني رايهم :

نصوص مع زيزي السيد
قياس مع ايمان المحمدي
تأثيرات عفراء
شخصية مع أروى عرب
تربوي مع نوال

وراح أكون شاكر وممتنة لكم

[memozz]

تربوي مع نوال شي اكتر من رائع شرح واسئله ومعامله راقيه جدا :)

[طالبة منحوسة]

تاثيرات ايش رمزها تكفون قبل لايفتح الاضافه بضيفها حره

[همس صامت]

بصراحة انا اخدت مع زيزي السيد مادة قياس مرة حلو اسئلتها اختياري والحين ضفت معها نصوص نفسية

بس عندي سوال كيف مادة تاثيرات نفسية لوسائل الاعلام

[رهـــــف...]

استاذة اروى اخذت معاها نصوص كانت راااائعه واسئلتها عن نفسي شفتها حلوة

والتربوي مع نوال اكثر من رائع لاتفوتينها على نفسك

زيزي اخذت معاها مهني برضو روووعه

قياس اخذتو مع ايمان اممم المادة نفسها صعبة ومملة والدوري الاول عادت لنا الاستاذة الاختبار لان درجاتنا كانت نازلة .. وتأشر معانا الكتاب .. اخلاقها حلووة :)

[خبروه اني على وصلى حييت]

الله يوفقك يارب

انا اخذت عند نوال الضبيبان وكانت اقل درجه اخذتها من بين موادي عندها
نصيحه قولولها تختبركم دوريين مو دوري واحد وتحطلكم اختبار مصطلحات
وتلغي واحد من التكليفات واذا رفضت خلوها تحطلكم 30 سؤال في الدوري
لانها حطتلنا 15 سؤال اختياري على كل اختياري درجتين انتبهوا انتبهوا
تروح تعيد معاكم نفس الحركه و الله يعينكم على كثرة غيابها
حولوا تقولولها تخلص معاكم بسرعه لانها قعدتنا ألين الاسبوع اللي قبل الاختبارات
الاحد والثلاثاء محاضراتها والله حضرناها كلها بسبب غيابها الكثير

والله يعينكم ويوفقكم ان شاء الله تكون غير الترم ذا لان كل البنات كذا يمدحوها
وانا انصدمت معاها الصراحه

[Esraa.MD]

المشاركة الأصلية كتبت بواسطة fatmah mohammad بنوتات إلي أخذوا مع هالاستاذات يعطوني رايهم : نصوص مع زيزي السيد قياس مع ايمان المحمدي تأثيرات عفراء شخصية مع أروى عرب تربوي مع نوال وراح أكون شاكر وممتنة لكم

ماخدت مع زيزي قبل كدا بس يمدحوها

قياس مع ايمان انا اخدتو كرهت نفسي شوفي هيا اخلاق طيبة ماقول شي بس اسئلتها زي الزفففففففت الدوري الاول مررررررررررررررررررررررة صعب بس الدوري التاني لما شافت كيف درجاتنا منيلة خلتو سهل وكان مررررررة حلو والنهائي ماعجبني وعادتلنا الدوري الاول

بس برضو سبحان الله ماحبيت الادمية دي ناس عجبتهم انا ماعجبتني ومعد حاخد معاها اقل درجة عندها بس خديها يمكن تناسبك

[مروشا]

انا قد اخذت مع ايمان المحمدي مدخل احصاء صراحه الاستاذه مررره كويسه وتشرح من قلب انا عجبتني مررا
وعفراء قد اخذت معها صحه نفسيه تجنن الاستاذه ذي اسئلتها صح وخطا واختياري

[بنوتة هلالية]

وكيف تكليفهااا عفراء

[Neeeeeeenoooooo]

عفراء كل ترم وليها اسلوب يعني انتي وحظك مره تعمل تكليف شرح ومافي وماتعطي الدرجه كامله ومره تكليفها على المصطلحات