علم نفس عياااااااااااادي !!!

[شروووووق]

اذا انتتي فاهمه وعندك قدره على التعبير وتقدري تتكلمي وتعبري 3او 4 اسطر بيكون سهل تاخذي درجات كامله >> هيا لما تشوف كلام كثير تديك الدرجه ..((مرره قالت انا اديت على قد الحبر ))
الشرح صصراحه مووومرا تتكلم كثير وتروح المحاظره وهيا لسى مابدأت ,, غير كذا مرررا تاخر تاخذ وقت المحاظره الي بعدها احيانا ..

[كَاكَاشي]

أخذت العيادي مع د. إيمان وماندمت ولله الحمد
تفهمك المادة صحيح هي دسمة بس راح تستفيدوا
حاولوا أرسلو ايميل اقترحوا د. إيمان ماتتفوت غريبة ماتعطي عيادي ؟!!!!
الله يكتب اللي فيه الخير

[مالي لقب]

انا درست معاها مدخل ارشاد الترم اللي فات وبأذن الله ما اعيد التجربة معاها ..

الشي الحلو فيها تشرح وتجيب لك امثلة وتفهمك الكلام اللي مكتوب بالكتاب يعني احيانا لما نجي نذاكر نلاقي كلام غريب ف الكتاب مو فاهمينه بسبب ان الاستاذة يمكن تكون عدت الجزئية ذي او ماتكلمت فيها زينب لا تفهمك الكلام المكتوب وايش معناه وتجيب لك امثلة

روحها فرفوشة تنكت وتمزح مع الرايح والجاي وتعطي نصائح على الطاير واكثر شي استفدو منها انها تعيد وتزيد ان مافي شي يجي بالراحة ومافي شي يجي الا بعد تعب واجتهاد ولما تتخرجو الوظائف مابتستناكم جاهزة لازم تبحثون وتدورن لنفسكم

تدبل لك الدرجات احيانا يعني مثلا الجداول اللي تعبيها عليها 3 تعطيك بونس وتخليها 6 واذا عجبتها اجابتك تدبل لك الدرجة مثلا فقرة عددي عليها 3 تعطيك 6





الشي اللي مو كويس فيها انها شايفة نفسها فوق الكل ! وانو محد يشرح زيها !طبعا احنا ندرس كتاب غير عن اللي مقرر من القسم نفسه معاها و100 مرة تعيد فـ المحاضرة انا وااااثقة من نفسي وانا مايهمني احد وانا اسوي الشي الصح بعد دقيقة كذا تقوم تهزي فـ الشعبة الثانية انو الكلام اللي يقولونه اي شي واللي اقوله لكم انا ماتلاقوه عندهم !!
طيب انتي واثقة من نفسك ليش كل شو تعيدي وتزيدي هرج ف الشعبة الثانية ؟؟؟؟؟

ولما تجي تحدد مواعيد الاختبار ماتحدد من البداية زي الباقين لا لما توصل للفصل الثاني وتخلصه تقوم تحدد !! قلنا لها ي دكتورة احنا عندنا اختبارات محددة من بدري تقول انا ذحين اشاوركم بعدن انا اقرر وبس !!!!
وزيادة على كذا تقول اذا معيدات تقدرو تأثرو عليهم وتخلوهم يأجلو الموعد !!! ليش يعني المعيدات يأجلو والدكتورات لا ؟

ماتحترم مواعيد نهاية المحاضرات ابددددا مااذكر يوم تخلص على موعد المحاضرة والبنات يقولولها انو عندنا ثقافة ف 420 تقول المفروض ماتقطعو الكلام وانتو حتصيرو مرشدات كذا بتتعاملو ؟؟

نجي للاسئلة اسألتها مقالية بحتة تطلعي تنزلي مافي شي اسمو اختياري او صح وخطا وهذا اسلوب خاص فيها زيها زي غيرها ويحق لها تختار ..

تجيب 12 عددي وعرفي وعللي مع التصحيح واختاري ثلاثة وجاوبي عليها بالتفصيييل مع الشرح وحطي امثلة لاتكتبي سطر ونص وتوقفي لا اشرحي وحطي امثلة وماتلتزمي بالكتاب بالنص ..

الكتاب فيه جداول جاهزة مكتوب فيها كلام هي تجيب لك الجداول فاضية وانتي تعبي بالاختبار عليها 3 درجات واكتبي مصطلحات اذا تبغى عددها 12 وتاخذي 3 درجات

صراحة اسلوبها فـ الاسئلة عجبني وارتحت فيه هو حلو لو كانت ماتهتم بالاسطر الكثيرة يعني احيانا جواب مايحتاج الا سطر ونص مافي داعي للفلسفة لا تبغاك تكتبي

الاول جبت فيه 29 والثاني 27 وطلعت من الفاينل مبسوووطة وحالة وكل شي انصدمت لاقية نفسي ماخذة 80!!
انا حالة وكلو تمام لقيت بنتين زيي اتصلو علي وقالو لي اللي متوقعة تاخذ 90 او 95 اخذت 80
واللي متوقعة 80 اخذت 70

الاسئلة كانت سهلة وواضحة وحلينا تمام جابت سؤال من كتاب ايقظ قواك الخفية تحط لك 10 استراتيجيات واكتبي بشرح مفصل كيف تستخدمينها فحياتك والله كانت سهلة وعبيت لها الصفحة كاملة نقصتني 13 درجة على ايش مدري

بنت حاولت انها تراجعها قالت لها تشوفينها بالجهاز بس اما الاوراق لا ماتشوفيها

انا اللي اعرفه انو مسموحد للوحدة تراجع اوراقها ومو ذي المشكلة المشكلة لاخلتني نراجع وشفنا اجاباتنا احنا شايفنها صح وهي اكيد بتشوفها غلط لانو هي اللي تقرر مافي شي مكتوب فالكتاب تفتحي وتوريها الصح عشان كذا بطلنا نروح لها ..


انا تكلمت عن دكتورة زينب من وجهة نظري واللي اشوفه انا
واللي خلاني اكتب شايفة السؤال يتكرر فكل بداية سمستر كيف د زينب وتجي ناس تعارض وناس تأيد

انا اللي صدمني منها الفاااااينل وهذا اهم شي يخليني مااكرر التجربة معاها ..

[gh-28]

د.زينب في التوجيه
ممكن

لكن لما فكرت فيها في عيادي
هنا انا كمان خااايفة لانو العيادي صعب تكتبي فيه هوا يتكلم عن امراض !!
فاحنا كيف راح نكتب ؟؟

اذا بجد عندك قدددددددددددرة ع الكتابة روحي معاها هيا اخلاق الصراحة والله ييسر


اتمنى بجد بجد يحطو دكتورة تانية
بس بناااااات بدي اسال
انا المستوى 6 وحابة اخد عيادي ينفع؟؟ لانو بدي اخد 3 تخصص و3 عام وحابة العيادة بينهم لانها دسمة ايشر رايكم

[[:مريــم:]]

المشاركة الأصلية كتبت بواسطة pinks شكلوا مافي الا انا وانتي!!!! ههههههههه

شكلوو هههه

نجررب نررسل وربنآ ييسرها

ما اتوقع ترد لانها مرره مشغوله

[[:مريــم:]]

مرره شكرا لكل الي ردوو

طيب نرسل ايميل ل د شذا ولا د ايمان ي بنااات

[broken heart]

بنات حتى انا ابغى أخد عيادي بس مو مع زينب
ي ليت تمسكو دكتوره تانيه :(

[pinks]

اوكي بنااااااااات من ترسل لـــــ د.شذا و د.ايمان ؟؟؟؟

[[:مريــم:]]

رسلت ايميل لـ د شذا

ان شاء الله تررد يارب

عادة هي ترد ولا لا

[[:مريــم:]]

ورسلت كمان ل د. ايمان

+ يردوو ع الايميلات ؟؟

الله يسهلها يارب ي بناات

لا تنسو تستخيرو ^^